Մարսել Շմելցեր

Մարսել Շմելցեր
Անձնական տվյալներ
Ամբողջական անուն	Մարսել Շմելցեր
Քաղաքացիությունը	Գերմանիա և Արևելյան Գերմանիա
Ծննդյան ամսաթիվ	հունվարի 22, 1988 (33 տարեկան)
Ծննդավայր	Մագդեբուրգ, Գերմանիա
Հասակ	181 սմ
Քաշ	77 կգ
Դիրք	պաշտպան
Ակումբային տեղեկություններ
Ներկա ակումբ	Բորուսիա Դորտմունդ
Համար	29
Պատանեկան կարիերա
1997 - 2001	Ֆորտունա (Մագդեբուրգ)
2001 - 2005	Մագդեբուրգ
2005 - 2007	Բորուսիա Դորտմունդ
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ 21 հուլիս 2015:

Մարսել Շմելցեր (հունվարի 22, 1988(1988-01-22)^[1]^[2], Մագդեբուրգ, Արևելյան Գերմանիա), գերմանացի պրոֆեսիոնալ ֆուտբոլիստ է, ով ներկայումս խաղում է գերմանական Բորուսիա Դորտմունդ ակումբում, Գերմանիայի ֆուտբոլի ազգային հավաքականի անդամ է։ Ֆուտբոլային կարիերան սկսել է 1997 թվականից։ 2014 թ. հուլիսի 10-ի դրությամբ տրանսֆերային արժեքը 10,000,000€ է։

Կարիերա[խմբագրել | խմբագրել կոդը]

Մարսել Շմելցերը սկսել է ֆուտբոլով զբաղվել հարազատ Մագդեբուրգ քաղաքում, սկզբում մարզվելով «Ֆորտունայում», ապա տեղափոխվելով համանուն «Մագդեբուրգ» ակումբում։ 17 տարեկանում Դորտմունդի «Բորուսիան» հետաքրքրվում է նրանով և կանչում երիտասարդական հավաքական։

2008 թվականին «Բորուսիայի» հետ պրոֆեսիոնալ պայմանագիր է կնքում։ 2008 թվականի օգոստոսի 16-ին նորամուտն է նշում Բունդեսլիգայում, Լևերկուզենի «Բայերի» դեմ խաղում, որտեղ «Բորուսիան» հաղթեց 3:2 հաշվով։ Մարսելը խաղադաշտ դուրս եկավ 78-րդ րոպեին, խոխարինման դուրս գալով Լեոնարդո Դեդեի փոխարեն^[3]։

Թիմում անցկացրած առաջին մրցաշրջանում անցկացնում է 12 հանդիպում, երկրորդում՝ որպես հիմնական կազմի ֆուտբոլիստ, 28 հանդիպում։

2012 թվականի հոկտեմբերի 24-ին, 64-րդ րոպեին, Չեմպիոնների լիգայի 3-րդ տուրում Մարսելը Մադրիդի «Ռեալի» դարպասն է ուղարկում հաղթական գնդակը, իսկ խաղը ավարտվում է 2:1 հաշվով հօգուտ «Բորուսիայի»^[4]։