Մայքլ Իլի

Վիքիպեդիայից՝ ազատ հանրագիտարանից
Jump to navigation Jump to search
Picto infobox film.png
Մայքլ Իլի
Michael Ealy 2012 (cropped).jpg
Մայքլ Իլին 2012 թվականին
Ծնվել է 1973 թվական օգոստոսի 3
Ծննդավայր Սիլվեր Սփրինգ, Մերիլենդ, ԱՄՆ
Կրթություն Մերիլենդի համալսարան և Սպրինգբրութի բարձրագույն դպրոց
Քաղաքացիություն Ամերիկայի Միացյալ Նահանգներ ԱՄՆ
Ազգություն ամերիկացի
Այլ անուն(ներ) Մայքլ Բրաուն
Michael Brown
Մասնագիտություն դերասան
Ակտիվ շրջան 1999 թվական - այժմ
Ժանրեր մարտաֆիլմ, կատակերգություն, մելոդրամա
Ընտրանի «Կրկնակի ֆորսաժ», «Վարսավիրանոց», «Վատ ընկերակցություն»
Ամուսին(ներ) Հատիրա Ռաֆիդջադ
Երեխա(ներ) 1 որդի
IMDb ID 1013003
Commons-logo.svg Մայքլ Իլի՝ Վիքիպահեստ

Մայքլ Բրաուն (անգլ.՝ Michael Brown), առավել հայտնի որպես Մայքլ Իլի (անգլ.՝ Michael Ealy, ծնվել է 1973 թվականի օգոստոսի 3-ին[1], Սիլվեր Սփրինգ, Մերիլենդ, ԱՄՆ), ամերիկացի դերասան, հայտնի «Կրկնակի ֆորսաժ», «Յոթ կյանք», «Երգ սիրո մասին» և «Այլ աշխարհ. Վերածնունդ» ֆիլմերից, ինչպես նաև «Համարյա մարդ» սերիալից։

Կենսագրություն[խմբագրել | խմբագրել կոդը]

Իլին ծնվել է Սիլվեր Սփրինգում, Մերիլենդ նահանգ։ Նրա մայրը աշխատում էր «IBM» ընկերությունում, իսկ հայրը ուներ մթերային բիզնես[2]։ Բավականին երկարատև ժամանակ նա նույնիսկ չէր մտածում դերասանական կարիերայի մասին, դպրոցում նրան առավել հետաքրքրում էր սպորտը՝ նա դպրոցի թիմի կազմում խաղում էր ֆուտբոլ և բասկետբոլ։ Առաջին անգամ նա կասկածում է ընտրված ուղղու ճշմարտիության վրա, երբ դիտում է Դենզել Վաշինգտոնի խաղը Սփայկ Լիի «Բլյուզ անձնական կյանքի մասին» ֆիլմում։ Հենց այդ ժամանակ նա լրջորեն մտածում է ընտրված ուղղու փոփոխման մասին, սակայն կյանքի այդ փուլում նա համարձակություն չի ունենում, որպեսզի մասնակցի դպրոցական բեմադրություններում։

Ավարտելով «Springbrook» միջնակարգ դպրոցը[3], Մայքլը ընդունվում է Քոլլեջ Պրակի Մերիլանդի համալսարան[4]։ Նրա հիմնական մասնագիտությունը եղել է անգլերեն լեզուն։ Նա նաև շարունակում էր փնտրել ուղիներ դերասանական աշխարհում ձևավորման համար։ Ստանալով աստիճան, նա ուղևրվում է հյուսիս՝ Նյու Յորք, որտեղ բնակություն է հաստատում և լրջորեն զբաղվում է դերասանական գործունեությամբ։ Իլին ակտիվորեն հաճախում է դերասանական դասընթացներ և դերասանական արվեստանոցներ, համարյա հինգ տարի նա այցելում էր բոլոր խոշոր լսումներին։

Կարիերա[խմբագրել | խմբագրել կոդը]

1999 թվականին Իլին (այն ժամանակ դեռևս հայտնի որպես Մայքլ Բրաուն) վերջապես տեղ է գտնում «Whoa-Jack!»-ի ոչբրոդվեյան բեմադրությունում։ Նրան հաջողվում է խաղալ աֆրո-ամերիկյան զինվորի ալաբամայի ռազմական կայանից, ով պայքարում է գործընկերների ռասայական թշնամանքի դեմ և սպիտակ մայորի, ով սիրահետում էր նրա ընկերուհուն։

Հաջորդ տարի Իլին նորից հայտնվում է բեմում, այս անգամ նրա կերպարը մտացածին թիմից բասկետբոլի աստղն է «Անվախ Ջո» բեմադրությունում։ Պիեսը ուշագրավ էր նրանով, որ այն ուներ երկու ավարտ՝ կախված նրանից, թե Մայքլին կհաջողվի գնդակի դժվարին նետումը, թե ոչ։

2001 թվականին դերասանին հաջողվում է ներգրավվել կինո։ Նա նորամուտում է ձախորդ սիրահետողի էպիզոդիկ դերով «Համբուրելով Ջեսիկա Սթեյնին» («Kissing Jessica Stein») ռոմանտիկ կատակերգությունում։ Հաջորդ դերը, վերջապես, նրան բերում է երկար սպասված ճանաչումը։ Փողոցային ավազակ Ռիկի Նեշը «Վարսավիրանոց» («Barbershop») կատակերգությունում բառացիորեն գրավում է հանդիսատեսի սրտերը։ Իլին կրկնում է հաջողակ դերը 2003 թվականին, կատակերգության սիքվելում՝ «Վարսավիրանոց 2. Նորից գործի մեջ» («Barbershop 2: Back in Business»)[5]։ Դրան զուգահեռ Իլին հասցնում է խաղալ երկրորդական դերեր «Վատ ընկերակցություն» («Bad Company», 2002 թվական) կատակերգական մարտաֆիլմում և «Կրկնակի ֆորսաժ» («2 Fast 2 Furious», 2003 թվական) մարտաֆիլմում, Սլեպ Ջեկի դերում։ Նաև նրան վիճակվում է խաղալ «Շտապ օգնություն» հանրահայտ հեռուստասերիալի երկու էպիզոդում։ 2004 թվականին Իլին հայտնվում է DMX հեռուստաընկերության «Մի մահանա միայնակ» («Never Die Alone») ֆիլմում[6]։ Նա նաև նկարահանվում է երգչուհի Մրայա Քերիի «Get Your Number» սինգլի տեսահոլովակում, նրա 2005 թվականի «The Emancipation of Mimi» ալբոմից[4]։

2005 թվականին Իլին նկարահանվում է «Նրա աչքերը տեսել են Աստծուն» («Their Eyes Were Watching God») հեռուստատեսային ֆիլմում, արտադրված Օփրա Ուինֆրիի և Քուինսի Ջոնսի կողմից, որտեղ գլխավոր դերը խաղում է օսկարակիր դերասանուհի Հոլի Բերին (և հասցնում է սիրահետել նրան նկարահանման հրապարակից դուրս)[7]։ Ֆիլմը պատմում է սևամորթ կնոջ մասին, ով հակադրվում է 1920-ական թվականների Ֆլորիդայի տեղական սպիտակամորթ համայնքին։ Նույն թվականին նա նկարահանվում է ռեժիսոր Մարկ Բանինգի «Jellysmoke» անկախ ֆիլմում։ Նա նկարահանվում է «Showtime» հեռուստաալիքի «Ճանաչիր թշնամուդ» («Sleeper Cell») ահաբեկչական հեռուստասերիալում, որտեղ խաղում է ՀԴԲ-ի գաղտնի գործակալի և համոզված մուսուլման Դարվին Ալ Սաիդին, որի առաջին եթերաշրջանը ցուցադրվում է 2005 թվականի դեկտեմբերի 4-ից 18-ը, իսկ երկրորդ եթերաշրջանը՝ «Ճանաչիր թշնամուն. Ամերիկյան ահաբեկչություն» («Sleeper Cell: American Terror»), եթեր է հեռարձակվել 2006 թվականի դեկտեմբերի 10-ից 17[8]։ Իլիին բաժին է հասնում բավականին բարդ և բազմաբովանդակ կերպար, սակայն նրան հաջողվում է ցուցադրել նրա ներքին հակասությունները և տատանումները մուսուլմանական հավատքի պահպանման և ամբողջ աշխարհը սուրբ ջիհադի կրակին հանձնելու կեղծ փորձերի միջև։ Սերիալը բազմաթիվ քննադատությունների է ենթարկվում, մանավանդ ահաբեկիչների ակնհայտ մարդասիրության համար։ Նույնիսկ մուսուլմանները քննադատության հիմք գտան։ Մայքլի կերպարը չէր խուսափում մինչամուսնական սեռական կապերից, որը, ըստ արևելյան հավատքի տեսակետի, չէր համապատասխանում դավանանքի պահանջներին։ Այդ ֆիլմի ցուցադրումից հետո Իլիի կարիերան ակնհայտորեն վերելք է ապրում։

2006 թվականի դեկտեմբերի 14-ին Իլին անվանակարգվում է «ոսկե Գլոբուս» մրցանակին, «Ճանաչիր թշնամուդ. Ամերիկյան ահաբեկչություն» ֆիլմում դերակատարման համար, «Մինի-սերիալի լավագույն դերասան» անվանակարգում[4]։ 2008 թվականի դեկտեմբերին նա նկարահանվում է «Յոթ կյանք» («Seven Pounds») ֆիլմում, Բեն թոմասի դերում Ուիլ Սմիթի մասնակցությամբ[9]։ Նա նաև նկարահանվում է տղամարդու գլխավոր դերում Բեյոնսեի «Halo» երգի տեսահոլովակում[4] և ԿՀՎ-ի գործակալ Մարշալ Ֆոգելի դերում «ABC»-ի «Հիշիր, ինչ կլինի» («FlashForward») հեռուստասերիալում.[10]։

2010 թվականին Իլին հայտվում է փաստաբան Դերիկ Բոնդի դերում «Լավագույն կին» («The Good Wife») սերիալի երկրորդ եթերաշրջանում[11]։ 2010 թվականին նա նաև նկարահանվում է Ջեյք Աթիկի դերում «Տղաներ-թալանչիներ» («Takers») մարտաֆիլմում և Տրևիս Մարոկի դերում «Ընդհանուր գործ» («Common Law») ֆիլմում։

Իլին 2012 թվականին հայտնվում է Դոմինիկի դերում «Մտածիր ինչպես տղամարդ» («Think Like a Man») կատակերգությւնում և 2014 թվականին նրա շարունակությունում՝ «Մտածիր ինչպես տղամարդ 2» ֆիլմերում[12], ինչպես նաև Ջո Բրեդֆորդի դերում 2012 թվականի «Անպայման» («Unconditional») ֆիլմում[13]։ 2014 թվականին նա Քևին Հարտի հետ միասին նկարահանվում է «Ինչ է տեղի ունեցել նախորդ գիշեր» («About Last Night») ֆիլմում[14]։

2013 թվականին Իլին Դորիանի դերն է խաղում «Fox» հեռուստաընկերության «Համարյա մարդ» («Almost Human») սերիալում։ ֆիլմի իրադարձությունները տեղի են ուենում 2048 թվականին և պատմում են երկու ոստիկանների հարաբերությունների մասին։ Իլին պատկերում է «Դորիան» անդրոիդին, հին «DRn» անդրոիդի մոդելին, որը համարվում է պակաս հուսալի իր արհեստական զգացմունքների պատճառով և նրա խնդիրն է պաշտպանել իր գործընկեր Ջոն Կենեքսին (Կարլ Ուրբան)[15]։ Շոուն եթեր է հեռարձակվում մեկ եթերաշրջան՝ 2013 թվականից 2014 թվականը[16]։

2015 թվականին Իլին խաղում է սերիական մարդասպան Թեոյին «Հետևորդները» («The Following») հեռւստասերիալի երրորդ եթերաշրջանում[17]։

Անձնական կյանք[խմբագրել | խմբագրել կոդը]

2012 թվականի հոկտեմբերին Իլին ամուսնանում է չորս տարվա իր ընկերուհի Հատիրա Ռաֆիդջադի հետ, իսկ արարողությունը տեղի է ունենում Լոս Անջելեսում[18]։ Զույգը համատեղ կյանքի ընթացքում ունի որդի, ծնված 2014 թվականին[19][20][21]։

Ֆիլմագրություն[խմբագրել | խմբագրել կոդը]

Թվական Անվանում Բնօրինակ անվանում Դեր
2000 Մետրոպոլիս Metropolis Կելվին Մակդեյդ
2000 Օրենք և կարգ ու կանոն Law & Order շարքային Նելսոն
2000 Մեդիգան Madigan Men վազորդ
2001 Սնունդ հոգու համար Soul Food Սթիվ
2001 Համբուրելով Ջեսիկա Սթեյնին Kissing Jessica Stein Գրեգ
2002 Վատ ընկերակցություն Bad Company Ջի Մո
2002 Վարսավիրանոց Barbershop Ռիկի Նեշ
2002-2003 Շտապ օգնություն ER Ռայան Կենդրիկ/Ռիկ Կենդրիկ
2003 Արդարադատություն Justice Վուդի
2003 Կրկնակի ֆորսաժ 2 Fast 2 Furious Սլեպ Ջեկ
2004 Նոյեմբեր November Ջեսի
2004 Մի մահանա միայնակ Never Die Alone Մայկ
2004 Վարսավիրանոց2. Նորից գործի մեջ Barbershop 2: Back in Business Ռիկի
2005 Նրանց աչքերը տեսել են Աստծուն Their Eyes Were Watching God Տի Կեյկ
2005 Jellysmoke Ջեյկոբ
2005-2006 Ճանաչի թշնամուն Sleeper Cell Դարվին Ալ Սաիդ
2007 Կասկածյալը Suspect դետեկտիվ Մարկուս Թիլման
2008 Սուրբ Աննայի հրաշքը Miracle at St. Anna սերժանտ Բիշոպ Կամինգս
2008 Յոթ կյանք Seven Pounds Բեն Թոմաս
2009 Քույր Հոտորն Hawthorne բժիշկ Ֆիլիպս
2009-2010 Հիշիր, ինչ կլինի FlashForward Մարշալ Վոգել
2010 Տղաներ-թալանչիներ Takers Ջեյկ Ատիկա
2010 Երգեր սիրո մասին For Colored Girls Բո Վիլի
2010-2011 Լավագույն կին The Good Wife Դերիկ Բոնդ
2011 Անառակ Կալիֆորնիա Californication Բեն
2011 Մարգարետ Margaret իրավաբան Դեյվ
2012 Այլ աշխարհ. Վերածնունդ Underworld: Awakening դետեկտիվ Սեբաստյան
2012 Մտածիր ինչպես տղամարդ Think Like a Man Դոմինիկ
2012 Ընդհանուր գործ Common Law Տրևիս Մարքս
2012 Անպայման Unconditional Ջո Բրեդֆորդ
2013-2014 Համարյա մարդ Almost Human Դորիան
2014 Ինչ է պատահել նախորդ գիշեր About Last Night Դենի
2014 Մտածիր ինչպես տղամարդ 2 Think Like a Man Too Դոմինիկ
2015 Հետևորդները The Following Թեո
2015 Կատարյալ տղա The Perfect Guy Կարտեր Դունկան/Ռոբերտ Ադամս

Մրցանակներ և անվանկարգումներ[խմբագրել | խմբագրել կոդը]

Թվական Անվանակարգված ֆիլմ Մրցանակ Անվանակարգ Արդյունք
2007 Ճանաչիր թշնամուն Ոսկե Գլոբուս Մինի-սերիալի լավագույն դերասան Առաջադրված
2005 Նրանց աչքերը տեսել են Աստծուն Black Reel Awards Լավագույն դերասան Հաղթանակ
2010 Երգեր սիրո մասին African-American Film Critics Association Երկրորդ պլանի լավագույն դերասան Հաղթանակ
2011 Երգեր սիրո մասին NAACP Image Award Երկրորդ պլանի լավագույն դերասան Առաջադրված
2012 Մտածիր ինչպես տղամարդ Teen Choice Awards Լավագույն ռոմանտիկ կինոդերասան Առաջադրված

Ծանոթագրություններ[խմբագրել | խմբագրել կոդը]

  1. «Michael Ealy Biography»։ Yahoo! Movies։ Արխիվացված օրիգինալից-ից փետրվարի 8, 2008-ին։ Վերցված է 2009-01-05 
  2. «Michael Ealy on ‘Good Wife,’ ‘Colored Girls’, and Doing Laundry - Speakeasy»։ The Wall Street Journal։ նոյեմբերի 2, 2010։ Վերցված է 2014-08-09 
  3. «Local Actor Makes It Big»։ The Washington Post։ մարտի 4, 2005։ Վերցված է 2014-09-13 
  4. 4,0 4,1 4,2 4,3 «Michael Ealy biography»։ TV Guide։ Վերցված է 2014-09-12 
  5. «Actor Michael Ealy on "Barbershop 3," "Think Like A Man 3," and Why He Has Blue Eyes»։ BlackNews.com (Dante Lee International)։ հունիսի 30, 2014։ Վերցված է 2014-09-12 
  6. «Never die alone»։ RogerEbert.com։ մարտի 26, 2004։ Վերցված է 2014-09-12 
  7. «Oprah Winfrey Presents: Their Eyes Were Watching God»։ Entertainment Weekly։ մարտի 2, 2005։ Վերցված է 2014-09-12 
  8. «Sleeper Cell»։ Նյու Յորք Թայմս։ դեկտեմբերի 8, 2006։ Վերցված է 2014-09-12 
  9. «Seven Pounds (2008)»։ Նյու Յորք Թայմս։ Վերցված է 2014-09-12 
  10. Michael Ausiello (հուլիսի 19, 2010)։ «Good Wife' exclusive: 'FlashForward' alum Michael Ealy named partner!»։ Entertainment Weekly։ Վերցված է 2014-09-12 
  11. Natalie Abrams (հուլիսի 19, 2010)։ «Michael Ealy Joins the Cast of The Good Wife»։ TV Guide։ Վերցված է 2015-11-11 
  12. Kristen Page-Kirby (հունիսի 20, 2014)։ «Michael Ealy says ‘Think Like a Man Too’ ups the romantic ante»։ The Washington Post։ Վերցված է 2014-09-12 
  13. «Michael Ealy talks unconditional»։ blackenterprise.com։ Վերցված է 2014-09-12 
  14. «Michael Ealy: 'I Had To Lose 25 Pounds For 'About Last Night' Role'»։ The Grio։ փետրվարի 9, 2014։ Վերցված է 2014-09-12 – via The Huffington Post 
  15. Natalie Abrams (նոյեմբերի 24, 2013)։ «Almost Human's Michael Ealy Dissects Dorian»։ TV Guide։ Վերցված է 2014-09-12 
  16. Nellie Andreeva (ապրիլի 29, 2014)։ «Fox Drama ‘Almost Human’ Cancelled»։ Deadline Hollywood։ Վերցված է 2014-09-12 
  17. «Michael Ealy's Big Bad on 'The Following' Is No Clown»։ Yahoo!։ մարտի 30, 2015։ Վերցված է 2015-09-28 
  18. «Michael Ealy Quietly Married Longtime Girlfriend in October»։ People։ դեկտեմբերի 20, 2012։ Վերցված է 2012-12-27 
  19. «Michael Ealy Announces He Has a Son»։ Essence։ փետրվարի 15, 2014։ Վերցված է 2014-09-05 
  20. Jazmine Denise Rogers (հունիսի 18, 2014)։ «Michael Ealy Finally Opens Up About His Marriage And Son»։ MadameNoire 
  21. The Tom Joyner Morning Show Interview Promoting The Perfect Guy September 2015

Արտաքին հղումներ[խմբագրել | խմբագրել կոդը]