Ձեթ (Բալուի գավառ)
Անվան այլ կիրառումների համար տե՛ս՝ Ձեթ (այլ կիրառումներ)
| Գյուղ | |
|---|---|
| Ձեթ | |
| Վարչական տարածք | Արևմտյան Հայաստան |
| Վիլայեթ | Դիարբեքիրի վիլայեթ |
| Գավառակ | Բալուի գավառակ |
| Այլ անվանումներ | Գաձու աչմազ, Զեթ, Զետ, Կապուտչմազ |
| Պաշտոնական լեզու | Հայերեն |
| Բնակչություն | 1120 մարդ (XX դարասկիզբ) |
| Ազգային կազմ | Հայեր (մինչև Մեծ եղեռնը) |
| Կրոնական կազմ | Քրիստոնյա (մինչև Մեծ եղեռնը) |
| Ժամային գոտի | UTC+3 |
Ձեթ, գյուղ Արևմտյան Հայաստանում, Բալուի գավառակում[1]։ Գտնվում էր Արածանիի աջ ափին, ձորամիջում, Բալու քաղաքից հյուսիս-արևմուտք։
Անվան ստուգաբանություն[խմբագրել | խմբագրել կոդը]
Ըստ Ղ. Ինճիճյանի հնարավոր է, որ գյուղի անվանումը կապված է պատմական Հանձիթ (Անձիթ) գավառի ավան հետ։
Պատմություն[խմբագրել | խմբագրել կոդը]
Գյուղն ավերվել է թուրքերի ձեռքով, իսկ բնակչության մեծ մասը զոհվել է 1915 թվականի Մեծ եղեռնի ժամանակ։ Կենդանի մնացածները ցրվել են տարբեր երկրներով մեկ։
Բնակչություն[խմբագրել | խմբագրել կոդը]
XX դարի սկզբին ուներ 140 տուն` 1120 բնակչով։ Հնում եղել է ավելի մարդաշատ։
Տնտեսություն[խմբագրել | խմբագրել կոդը]
Բնակչության հիմնական զբաղմունքը երկրագործությունն էր։ Շատերը պանդխտում էին Կ. Պոլսում։
Պատմամշակութային կառույցներ[խմբագրել | խմբագրել կոդը]
Ձեթն ուներ Ս. Թորոս կամ Ս. Թեոդորոս անունով կամարակապ գեղեցիկ եկեղեցի։ Եկեղեցու տակ բխում էր բարեհամ ջրով աղբյուր։ Գյուղի շուրջբոլորը կային ուխտատեղիներ, որոնք ժամանակին եղել էին եկեղեցիներ։
Կրթություն[խմբագրել | խմբագրել կոդը]
Գյուղը եղել է գրչության կենտրոն։
Ձեթում գործում էր Արամյան վարժարանը, որն ուներ 4 վարժապետ և 60 աշակերտ[2]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Դիարբեքիրի նահանգի Բալուի գավառակ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 3, էջ 475
Աղբյուրներ[խմբագրել | խմբագրել կոդը]
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն