Նույն թվականի հուլիսի 27-ին նա իր առաջին պրոֆեսիոնալ պայմանագիրը ստորագրեց «Տոտտենհեմի» հետ[6]։ Առաջին թիմում նա նորամուտը նշել է 2014 թվականի նոյեմբերի 27-ին՝ «Պարտիզանի» դեմ Եվրոպա Լիգայի խմբային փուլի տնային խաղում (1-0)` 87-րդ րոպեին փոխարինելով Պաուլինիոյին[7]։
2015 թվականի հուլիսի 6-ին Վինքսը նոր պայամանգիր ստորագրեց «Տոտտենհեմի» հետ[8]։ Նա ստացավ խաղային 29 համարը[9]։ Մրցաշրջանի իր առաջին խաղը եղավ Աղդամի «Ղարաբաղի» դեմ խաղը (3-1)[10]։
2016 թվականի նոյեմբերի 19-ին «Վեստ Հեմ Յունայթեդի» դեմ խաղում Վինքսն առաջին անգամ Պրեմիեր Լիգայում հայտնվեց իր թիմի մեկնարկային կազմում և դարձավ գոլի հեղինակ, որում «Տոտտենհեմը» հաղթեց 3-2 հաշվով[12][13]։
Վինքսը ներկայացնում է Անգլիայի մինչև 21 տարեկանների հավաքականը։ Նա 2015 թվականին Գերմանիայում կայացած Mercedes-Benz Elite Cup մրցաշարում եղել է Անգլիայի Մ20 հավաքականի ֆուտբոլիստ[14]։ Անգլիայի Մ21 հավաքականում նորամուտը նշել է 2016 թվականի նոյեմբերի 14-ին[15]։