Կոշալին
| Բնակավայր | |||||
|---|---|---|---|---|---|
| Կոշալին | |||||
| լեհ.՝ Koszalin | |||||
| |||||
 | |||||
| 54°11′25″N 16°10′54″E / 54.19028°N 16.18167°E | |||||
| Երկիր |  Լեհաստան | ||||
| Համայնք | Արևմտյան Պոմորիեի վոեվոդություն | ||||
| Հիմնադրված է | 1266 թ. | ||||
| Մակերես | 105±1 կմ² | ||||
| ԲԾՄ | 32±1 մետր | ||||
| Բնակչություն | ▼105 883 մարդ (մարտի 31, 2021)[1] | ||||
| Հեռախոսային կոդ | 94 | ||||
| Փոստային դասիչ | 75-016, 75-017, 75-113, 75-202, 75-238, 75-350, 75-454, 75-455, 75-606, 75-617, 75-640, 75-840, 75-847, 75-900, 75-901, 75-903 և 75-004 | ||||
| Ավտոմոբիլային կոդ | ZK | ||||
| Պաշտոնական կայք | koszalin.pl(լեհ.)(անգլ.)(գերմ.) | ||||
| |||||
Կոշալին (լեհ.՝ Koszalin [kɔˈʂalin], գերմ.՝ Köslin[2] [kœsˈliːn]), քաղաք Լեհաստանում՝ Արևմտապոմորյան վոյևոդությունում։ Գտնվում է Լեհաստանի հյուսիս-արևմուտքում՝ Բալթիկ ծովի ափից 5 կմ հեռավորության վրա։ Բնակչության թվով երկրորդն է Արևմտապոմորյան վոյևոդությունում։
Կոշալինը խոշոր մշակութային կենտրոն է տարածաշրջանում. այստեղ կան թատրոններ, կինոթատրոններ, համերգասրահ, ամֆիթատրոն, թանգարաններ, ակվապարկ, զարգացած է նաև սպորտային կենտրոնների ցանցը։ Քաղաքում հաճախ անցկացվում են ազգային ստեղծագործության փառատոններ։ Քաղաքն ունի սեփական ԶԼՄ-ներ և մի շարք բարձրագույն ուսումնական հաստատություններ։
Կոշալինը նաև Պոմորյեի խոշորագույն տնտեսական կենտրոն է։ Ներկայիս քաղաքապետը Պյոտոր Ժեդլինսկին է[3]։
Պատմություն
[խմբագրել | խմբագրել կոդը]Հիմնադրվել է 11-րդ դարում։ 1266 թվականին ստացել է քաղաքի կարգավիճակ։
Աշխարհագրություն
[խմբագրել | խմբագրել կոդը]Կոշալինը տեղակայված է Արևմտյան Պոմորյե (կամ Արևմտյան Պոմերանիա) վոյևոդությունում։ Գտնվում է Յամնո լճի հարավում։ Կոշալինը համարվում է Լեհաստանի Միջին Պոմորյեի ամենամեծ քաղաքը։
1815-1945 թվականներին քաղաքը եղել է Կոշալինյան ռեգենտության նստավայրը։ 1946-1950 թվականներին պատկանում էր Շեցինյան վոյևոդությանը։ 1950-1998 թվականներին եղել է Կոշալինյան վոյևոդության մայրաքաղաքը։ 1999 թվականից այն գտնվում է Արևմտապոմորյան վոյևոդության հյուսիսային մասում։
Կոշալինի կլիման ձևավորվում է Ատլանտյան օվկիանոսից եկող օդային զանգվածների ազդեցության ներքո, որի բնութագրերը փոփոխվում են շրջակա միջավայրում և ըստ բարձրության՝ Բալթիկ ծովի շրջանում՝ Արևմտաբալթյան և Պոմորյան լճամերձ սահմաններում։
Ձմեռն այստեղ մեղմ է և կարճ. օդի նվազագույն միջին ջերմաստիճանը լինում է միայն հունվար և փետրվար ամիսներին։ Գարունը երկար է և ցուրտ։ Բացի այդ, այստեղ ամռանն ավելի ցուրտ է, քան կենտրոնական Լեհաստանում։ Տաք օրերի թիվը մեծ չէ։ Աշունը երկար է և տաք. շատ ավելի տաք, քան գարունը[4]։
Քաղաքային տարածքների շուրջ 40%-ը զբաղեցնում են զբոսայգիները, որոնցից ամենահինը հիմնադրվել է դեռևս 17-րդ դարում։
Բնակչություն
[խմբագրել | խմբագրել կոդը]Տնտեսություն
[խմբագրել | խմբագրել կոդը]Քաղաքում կա կիսահաղորդիչների, ավտոմեքենայի մասերի, էլեկտրական և շինարարական սարքավորումների արտադրություն, փայտամշակման (ներառյալ՝ կահույք) և սննդի արդյունաբերության (հատկապես ձկների), կտավատի գործարան, արդյունաբերական ապակու արտադրություն։
Տեսարժան վայրեր
[խմբագրել | խմբագրել կոդը]- Վլադիմիր Վիսոցկու թանգարան, տնօրեն՝ Մարլենա Զիմնա։
Հայտնի անձինք
[խմբագրել | խմբագրել կոդը]
- Ալեքսանդր Անդրե (1888-1979), գերմանացի զորապետ, հրետանու գեներալ, օդագնացության գեներալ, Երկրորդ համաշխարհային պատերազմի տարիներին Կրետե կղզու զինվորական նահանգապետն էր, ԳՖՀ քաղաքական գործիչ էր, ռազմական հանցագործ։
- Հենրիխ-Լյուդվիգ Բեյցկե (1798-1867), գերմանացի պատմաբան, ռազմական գրող։
- Գրացիան Բոյար-Ֆիալկովսկի (1912-1984), լեհ պատմաբան և գրող։
- Մարեկ Կամինսկի (ծնվել է 1964 թվականին), լեհ ճանապարհորդ, բևեռախույզ, գրող։
- Ռուդոլֆ Կլաուզիուս (1822-1888), գերմանացի ֆիզիկոս, մեխանիկ և մաթեմատիկոս։
- Կլաուդիա Կուլյոն (ծնվել է 1992 թվականին), լեհ շախմատիստուհի, կանանց գրոսմայստեր։
- Վալտրաուդ Նովարրա (1940-2007), գերմանացի շախմատիստուհի, կանանց միջազգային վարպետ։
- Վոյցեխ Պավլովսկի (ծնվել է 1993 թվականին), լեհ ֆուտբոլիստ, Լեհաստանի ֆուտբոլի երիտասարդական հավաքականի խաղացող։
- Ֆրիդրիխ Հերման Գուստավ Հիլդեբրանդ (1834-1915), գերմանացի բուսաբան, պրոֆեսոր։
Քույր-քաղաքներ
[խմբագրել | խմբագրել կոդը]Կոշալինը ընկերական փոխհարաբերություններ ունի հետևյալ քույր քաղաքների հետ[5].
Ալբանո Լացիլե (2008 թվականից)
Բուրժ (1999 թվականից)
Գլադսաքսե (1990 թվականից)
Իվանո-Ֆրանկովսկ (2010 թվականից)
Կրիստիանստադ (2004 թվականից)[6]
Լիդա (1993 թվականից)
Նոյբրանդենբուրգ (1987 թվականից)- Նոյմյունստեր (1990 թվականից)
Սեյնյայոկի (1988 թվականից)- Տեմպելհոֆ-Շյոնեբերգ (Բեռլին) (1995 թվականից)
Ֆուչժոու (2007 թվականից)- Շվեդտ (2004 թվականից)
Ծանոթագրություններ
[խմբագրել | խմբագրել կոդը]- 1 2 https://bdl.stat.gov.pl/api/v1/data/localities/by-unit/023216361011-0949448?var-id=1639616&format=jsonapi
- ↑ «Former Territory of Germany» (German). 2017 թ․ նոյեմբերի 14.
{{cite web}}: CS1 սպաս․ չճանաչված լեզու (link) - ↑ «Interview with Mr. Piotr Jedliński, Mayor of Koszalin, Poland». CEOWORLD Magazine. Արխիվացված է օրիգինալից 2016 թ․ ապրիլի 6-ին. Վերցված է 2013 թ․ ապրիլի 23-ին.
- ↑ «Hong Kong Observatory». Hong Kong Observatory. 2012 թ․ դեկտեմբեր. Արխիվացված է օրիգինալից 2019 թ․ հոկտեմբերի 26-ին. Վերցված է 2015 թ․ ապրիլի 1-ին.
- ↑ «Miasta partnerskie». Վերցված է 2014 թ․ ապրիլի 29-ին.
- ↑ «Twin Cities». Kristianstads kommun. 2015 թ․ ապրիլի 15. Արխիվացված է օրիգինալից 2016 թ․ ապրիլի 6-ին. Վերցված է 2016 թ․ հունիսի 6-ին.
Արտաքին հղումներ
[խմբագրել | խմբագրել կոդը]- Պաշտոնական կայք
- Կոշալինի Տեխնիկական համալսարան Արխիվացված 2021-02-01 Wayback Machine
- Կոշալինի տեսարժան վայրեր Արխիվացված 2009-07-28 Wayback Machine
 | Վիքիպահեստն ունի նյութեր, որոնք վերաբերում են «Կոշալին» հոդվածին։ |
| ||||||||||
