Կոնստանտին Մալխասյան

Կոնստանտին Մալխասյան
Ծնվել է	հուլիսի 7, 1916(1916-07-07)
Ծննդավայր	Մոսկվա, Ռուսական կայսրություն
Մահացել է	նոյեմբերի 15, 2007(2007-11-15) (91 տարեկանում)
Մահվան վայր	Երևան, Հայաստան
Քաղաքացիություն	Ռուսական կայսրություն  ԽՍՀՄ  Հայաստան
Ազգություն	հայ
Մասնագիտություն	օդաչու
Քաղաքական կուսակցություն	ԽՄԿԿ
Պարգևներ և մրցանակներ	«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ Կարմիր դրոշի շքանշան Կարմիր Աստղի շքանշան Հայրենական պատերազմի II աստիճանի շքանշան «Մարտական ծառայությունների» մեդալ «Լենինգրադի պաշտպանության համար» մեդալ «Մոսկվայի պաշտպանության համար» մեդալ Մեդալ «Ստալինգրադի պաշտպանության համար» «Քյոնիսբերգ գրավելու համար» մեդալ «Բեռլինի գրավման համար» մեդալ Բարեկամության շքանշան Հայրենական մեծ պատերազմի հաղթանակի 60-ամյակ» հոբելյանական շքանշան «1941-1945 թթ. Հայրենական մեծ պատերազմի հաղթանակի 50-ամյակ» հոբելյանական շքանշան և «ԽՍՀՄ զինված ուժերի վետերան» մեդալ

Կոնստանտին Հովհաննեսի Մալխասյան (հուլիսի 7, 1916(1916-07-07), Մոսկվա, Ռուսական կայսրություն - նոյեմբերի 15, 2007(2007-11-15), Երևան, Հայաստան), ԽՍՀՄ վաստակավոր փորձարկող-շտուրման, ռազմաօդային ուժերի պահեստի գնդապետ։ ԽՄԿԿ անդամ 1951 թվականից։

Կենսագրություն

Կոստանդին Մալխասյանը ծնվել է 1916 թվականի հուլիսի 7-ին Ռուսաստանի Մոսկվա քաղաքում: 1937 թվականին ավարտել է Երևանի աերոակումբի հրահանգիչ օդաչուների օդաչուական դպրոցը: 1940 թվականին՝ Մոսկվայի Աերոֆլոտի օդաչուական դպրոցը, իսկ 1947 թվականին ավարտել է Մոսկվայի փորձարկող օդաչուների օդաչուական դպրոցը:

Մասնակցել է Չին-ճապոնական (1937-1938), Ֆիննական (1939-1940) և Հայրենական (1941-1945) պատերազմներին: Մալխասյանն 1947-1966 թվականին Ա. Ն. Տուպոլևի փորձարարական ԿԲ-ի շտուրման-փորձարկողներից էր, փորձարկել է Տու-4, Տու-91, Տու-128/80, Տոլ-104, Տու-114, Տոլ-124, Տու-134 առաջին ռեակտիվ մարդատար և ռազմական ինքնաթիռները: 1943 թվականին մասնակցել է ԽՍՀՄ պատվիրակության (Իոսիֆ Ստալինի ղեկավարությամբ) փոխադրմանը Թեհրանի կոնֆերանսին: 1956 թվականին Տու-98 ռմբարկու ինքնաթիռով (անձնակազմի հետ) աշխարհում առաջինը հասել է գերձայնային արագության, Տու-104 և Տու-114 ինքնաթիռներով սահմանել է արագության և բարձրության 30 համաշխարհային ռեկորդ: 1950 թվականին, որպես գլխավոր ղեկապետ, Տու-4 գերծանր ինքնաթիռով վայրէջք է կատարել Հյուսիսային բևեռում, 1959 թվականին Տու-114 ինքնաթիռով Մոսկվայից անվայրէջք թռիչք է կատարել Վաշինգտոն, Նյու Յորք, Պեկին երթուղիներով: 1966-1996 թվականներին եղել է Քաղաքացիական ավիացիայի հայկական վարչության գլխավոր ղեկապետ, պետի տեղակալ:

Պարգևներ

• Կարմիր դրոշի շքանշան (3) (5.11.1954, 3.11.1959, 22.07.1966):
• Հայրենական պատերազմի 2-րդ աստիճանի շքանշան (2)(25.07.1945, 11.03.1985):
• Կարմիր աստղի շքանշան (5) (7.12.1943, 20.06.1949, 14.01.1952, 29.04.1954, 12.07.1957):
• «Ռազմական ծառայության համար» մեդալ (2) (19.05.1940, 31.07.1961):
• Ռուսաստանի Բարեկամության շքանշան (3.05.2005):
• «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
• «Մարտական ծառայությունների» մեդալ
• «Լենինգրադի պաշտպանության համար» մեդալ
• «Մոսկվայի պաշտպանության համար» մեդալ
• Մեդալ «Ստալինգրադի պաշտպանության համար»
• «Քյոնիսբերգ գրավելու համար» մեդալ
• «Բեռլինի գրավման համար» մեդալ
• Հայրենական մեծ պատերազմի հաղթանակի 60-ամյակ» հոբելյանական շքանշան
• «1941-1945 թթ. Հայրենական մեծ պատերազմի հաղթանակի 50-ամյակ» հոբելյանական շքանշան
• «ԽՍՀՄ զինված ուժերի վետերան» մեդալ

Գրականություն

• Симонов А. А. Заслуженные испытатели СССР. - М.: Авиамир, 2009. - 384 с. - ISBN 978-5-904399-05-4.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 161)։