Jump to content

Կոնստանտին Կրյուկով

Վիքիպեդիայից՝ ազատ հանրագիտարանից
Կոնստանտին Կրյուկով
Ծննդյան թիվ՝փետրվարի 7, 1985(1985-02-07) (40 տարեկան)
Ծննդավայր՝Մոսկվա, ԽՍՀՄ
Քաղաքացիություն՝ Ռուսաստան
Մասնագիտություն՝դերասան, նկարիչ, ակնագործ, պրոդյուսեր, ոսկերիչ, հաղորդավար, հեռուստատեսային դերասան, ոսկերիչ և հեռուստահաղորդավար
IMDb։ID 1663701

Կոնստանտին Վիտալևիչ Կրյուկով (ռուս.՝ Константин Витальевич Крюков, փետրվարի 7, 1985(1985-02-07), Մոսկվա, ԽՍՀՄ), ռուս կինոդերասան, պրոդյուսեր, ոսկերիչ։

Կենսագրություն

[խմբագրել | խմբագրել կոդը]

Կոնստանտին Կրյուկովը ծնվել է 1985 թվականի փետրվարի 7-ին Մոսկվայում՝ դերասանուհի Ելենա Սերգեևնա Բոնդարչուկի (1962-2009) և փիլիսոփայական գիտությունների դոկտոր Վիտալի Դմիտրիևիչ Կրյուկովի (ծնվել է 1949 թվականի հունվարի 11-ին) ընտանիքում[1]։ Կոնստանտինը խորհրդային լեգենդար ռեժիսոր և դերասան Սերգեյ Բոնդարչուկի և դերասանուհի Իրինա Սկոբցևայի թոռն է, Ֆեոդոր Բոնդարչուկի և Նատալյա Բոնդարչուկի զարմիկը[2]։

Մանկությունն անցել է Շվեյցարիայում։ Պապի պնդմամբ գերազանցությամբ ավարտել է Ցյուրիխի գեղարվեստի դպրոցը։ Սովորել է Մոսկվայում Գերմանիայի դեսպանատան դպրոցում, ընդ որում՝ 10-11-րդ դասարաններն ավարտել է էքստեռն կերպով։

2001 թվականին՝ 16 տարեկան հասակում, դարձել է Գեմոլոգիայի ամերիկյան ինստիտուտի (GIA, Մոսկվայի մասնաճյուղ) ամենաերիտասարդ շրջանավարտը և դիպլոմավորված գեմոլոգը՝ թանկարժեք քարերի մասնագետը։ Նույն թվականին ընդունվել է Մոսկվայի պետական իրավաբանական ակադեմիայի մասնաճյուղը, որն ավարտել է 2006 թվականին։

18 տարեկանից խաղում է կինոյում և նկարահանվում հեռուստատեսային նախագծերում։ Դերասանական առաջնախաղը տեղի է ունեցել 2005 թվականին, երբ Կոնստանտինը «9-րդ վաշտ» ֆիլմի Ջոկոնդայի դերով հայտնվել է էկրաններին[3]։

Հետաքրքվում է գեղանկարչությամբ (Պրահայում ունի իր սեփական արվեստանոցը), ոսկերչությամբ, լուսանկարչությամբ, լողով, սիրում է կարդալ։

2012 թվականին նկարահանվել է Լերա Կոնդրայի «Սա ճիշտ չէ» տեսահոլովակում։

Ոսկերչական գործ

[խմբագրել | խմբագրել կոդը]

Կոնստանտին Կրյուկովը մանկուց հետաքրքվել է ոսկերչական արվեստով։ Առաջին զարդը, որը Կրյուկովը պատրաստել է 17 տարեկանում և նվիրել է մորը, մատանի է՝ ադամանդի եզակի ամրուցիչով։ Այդ օրվանից ի վեր Կրյուկովը հարազատներին զարդեր նվիրելիս մշակել է ինքնուրույն դիզայն։ 2005 թվականին հեղինակել է իր հարսանիքի մատանիները։ Այդ մատանիների էսքիզները հիմք են հանդիսացել սերիական զարդերի ստեղծման համար։ 2007 թվականին սկսել է ստեղծել հեղինակային ոսկերչական հավաքածուներ։ 2009 թվականին The Saplings բրիտանական ընկերության հետ համատեղ թողարկել է «Ընտրություն» անունով իր առաջին ոսկերչական հավաքածուն։

Ընտանիք

[խմբագրել | խմբագրել կոդը]
Դերասան Կոնստանտին Կրյուկովը կնոջ՝ Ալինա Ալեքսեևայի հետ InStyle Beauty Bar ամենամյա երեկույթում: Մայիս, 2013 թվական
  • պապիկ – Սերգեյ Բոնդարչուկ (1920-1994)
  • տատիկ – Իրինա Սկոբցևա (ծնվել է 1927 թվականին)
    • մայր – դերասանուհի Ելենա Բոնդարչուկ (1962-2009)
    • հայր – ձեռնարկատեր, փիլիսոփայության դոկտոր, գեմոլոգ Վիտալի Դմիտրիևիչ Կրյուկով[4]
    • մորաքույր – կինոռեժիսոր Նատալյա Բոնդարչուկ
    • քեռի – կինոռեժիսոր Ֆեոդոր Բոնդարչուկ
      • եղբայր (արյունակից) – իրավաբան Լեոնիդ Կրյուկով
      • առաջին կինը – Եվգենիա Վարշավսկայա (ծնվել է 1983 թվականին[5])
      • դուստր – Յուլիա Կրյուկովա (ծնվել է 2007 թվականի սեպտեմբերի 7-ին[6])
      • երկրորդ կինը – Ալինա Ալեքսեևա
      • ազգակից – Իվան Բուրլյաև

Ֆիլմագրություն

[խմբագրել | խմբագրել կոդը]
  1. 2005 – 9-րդ վաշտ – շարքային Պետրովսկի «Ջոկոնդա»
  2. 2006 – Տապ – Կոստյա
  3. 2006 – Սովորական սեր – Միխայիլ Պրորվա
  4. 2006 – Три полуграции – Պավել Արսենևիչ Գուշին՝ սկսնակ գրող
  5. 2006 – 9 ամիս – Սաշա
  6. 2007 – Դուստրեր-մայրեր – Կոնստանտին Սկվորցով
  7. 2007 – Զրո կիլոմետր – Արթուր
  8. 2007 – Գանձ։ Ամանորյա սարսափելի հեքիաթ – Ձմեռ պապ / Լյոշա Գորոդկով
  9. 2007 – Կայսրության աստղ – կոմս Անդրեյ Վլադիմիրովիչ
  10. 2009 – Պիկապ։ Վերցնել առանց կանոնների – Անդրեյ
  11. 2009 – Զինվորներ 16։ Դեմբելն անխուսափելի է – Անդրյուշա Լանդիշև
  12. 2009 – Ստրադիվարիուսի ատրճանակը – փաստաբան
  13. 2009 – Համադասարանցիներ – Ֆեդյա «Բատոն»
  14. 2011 – Կարթի վրա – Կոստյա / Ալեքսանդր Վլասով
  15. 2011 – Առանց հետքի – Ֆիլիպ Ռիբակով
  16. 2011 – Դեղամիջոց տատիկի համար – Ժենյա Պիսարև
  17. 2011 – Ծիծեռնակների բույն – Ռոման
  18. 2012 – Վարունգի սեր – Իլյա Վորոնին
  19. 2012 – Սոլո սաքսոֆոնով – Էդուարդ Նովիկով
  20. 2012 – Շնորհավոր Ամանոր, մայրիկնե՛ր («Մայրերի պատերազմ» նովել) – Յարոսլավ
  21. 2012 – Ամեն ինչ պարզ է – Ժենյա
  22. 2012 – Սպարտակի երկրորդ ապստամբությունը – Սպարտակ
  23. 2013 – Ի՜նչ են անում տղամարդիկ – Յարիկ
  24. 2013 – Ստուդիա 17 – Մաքսիմ (1-ին սերիա)
  25. 2013 – Սա սեր է – Կոստիկ
  26. 2013 – Ոչ կանացի գործ – Վիկտոր
  27. 2013 – Կկվիկ – Կոստյա Անդրիևսկի
  28. 2013 – Դեռ կենդանի է – Ռոմա
  29. 2014 – Չեմպիոններ – Անտոն Սիխարուլիձե
  30. 2014 – Գալար – Ստաս / Տամերլան
  31. 2014 – Մոսկվայում միշտ արևոտ է – Սերյոգա
  32. 2014 – Մութ սենյակի գաղտնիքը
  33. 2015 – Սուրբ արյուն
  34. 2015 – Մեկ ձախ – Դենիս՝ Սոֆիի փեսացուն
  35. 2015 – Լուսին-լուսին – Վլադ Սոկոլով
  36. 2015 – Բարմեն – Արթուր
  37. 2016 – Հավերժական արձակուրդ – Անդրեյ
  38. 2016 – Բռնի՛ր հարվածը, փոքրիկ – Լյոնյա
  39. 2016 – Հիշում եմ – չեմ հիշում – Մաքսիմ՝ Լիզայի ամուսինը
  40. 2016 – Սելֆի#Selfie
  41. 2016 – Փախչել, հասնել, սիրահարվել – Բորիս
  42. 2016 – Պաշտամունք – Էդուարդ Լևինսկի
  43. 2016 – Փենսիլվանիա – քննիչ Բորիս Մորոզով
  44. 2017 – Հուշկապարիկներ – Անդրեյ
  45. 2017 – Փրկել Պուշկինին – Ալեքսանդր Պուշկին
  46. 2017 – Жги! – կամեո
  47. 2017 – Ամանորյա իրարանցում – Դիմա
  48. 2017 – Փախստականները – Ալեքս
  49. 2017 – Ապրեք ձեր կյանքը – Դմիտրի
  50. 2017 – Ղրիմ – Սերգեյ

Կրկնորդ

[խմբագրել | խմբագրել կոդը]
  • 2013 – Ինքնաթիռներ – Դաստի Պոլեյպոլե (Դեյն Կուկ)
  • 2014 – Ինքնաթիռներ։ Կրակ և ջուր – Դաստի Պոլեյպոլե (Դեյն Կուկ)

Հեռուստատեսային նախագծեր

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ «Константин Крюков: «Рождение ребёнка просто снесло мне башку»». Արխիվացված է օրիգինալից 2012 թ․ մարտի 13-ին. Վերցված է 2021 թ․ հունվարի 28-ին.
  2. ↑ «У Кости Крюкова родилась дочь!». Արխիվացված է օրիգինալից 2012 թ․ մարտի 13-ին. Վերցված է 2021 թ․ հունվարի 28-ին.
  3. ↑ Felperin, Leslie (2006 թ․ մայիսի 21). «Review: '9th Company'». Variety. Վերցված է 2014 թ․ հոկտեմբերի 10-ին.{{cite web}}: CS1 սպաս․ url-status (link)
  4. ↑ «Константин Крюков: «Рождение ребёнка просто снесло мне башку»». Արխիվացված է օրիգինալից 2012 թ․ մարտի 13-ին. Վերցված է 2011 թ․ հունիսի 5-ին.
  5. ↑ «Константин Крюков женился!». Արխիվացված է օրիգինալից 2011 թ․ օգոստոսի 28-ին. Վերցված է 2011 թ․ հունիսի 5-ին.
  6. ↑ «У Кости Крюкова родилась дочь!». Արխիվացված է օրիգինալից 2012 թ․ մարտի 13-ին. Վերցված է 2011 թ․ հունիսի 5-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Կոնստանտին Կրյուկով» հոդվածին։
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
GND: 1282798537 · ISNI: 0000000047288962 · LCCN: no2008174357 · VIAF: 66298452 · WorldCat VIAF: 66298452
Ստացված է «https://hy.wikipedia.org/w/index.php?title=Կոնստանտին_Կրյուկով&oldid=10239056» էջից