Կառլ Բիլդտ
| Կառլ Բիլդտ | |
.jpg)
| |
| Կուսակցություն՝ | Կոալիցիոն չափավոր կուսակցություն |
|---|---|
| Կրթություն՝ | Ստոկհոլմի համալսարան, Enskilda Gymnasiet? և Östra Real? |
| Մասնագիտություն՝ | քաղաքական գործիչ, դիվանագետ, գրող, բլոգեր և international forum participant |
| Ծննդյան օր | հուլիսի 15, 1949[1][2][3][…] (73 տարեկան) |
| Ծննդավայր | Հալմստադ, Շվեդիա կամ Շվեդիա[4] |
| Քաղաքացիություն |  Շվեդիա
|
| Հայր | Daniel Bildt? |
| Մայր | Rut Kerstin Maria Andersson-Alwå?[5] |
| Ամուսին | Աննա Մարիա Կորացա Բիլդտ |
| Կայք՝ | bildt.net |
| Ինքնագիր | 
|
| Պարգևներ | |
Կառլ Բիլդտ (շվեդերեն՝ Nils Daniel Carl Bildt, հուլիսի 15, 1949[1][2][3][…], Հալմստադ, Շվեդիա և Շվեդիա[4]), շվեդ քաղաքական գործիչ և դիվանագետ, 1991-1994 թվականներին՝ Շվեդիայի վարչապետ, 1986-1999 թվականներին՝ Շվեդիայի չափավոր կոալիցիոն կուսակցության առաջնորդ։ 1995-1997 թվականներին նախկին Հարավսլավիայում զբաղեցրել է ԵՄ հատուկ ներկայացուցչի և Բոսնիա և Հերցեգովինայում գերագույն ներկայացուցչի պաշտոնը, 1999-2001 թվականներին Բալկաններում եղել է ՄԱԿ-ի Գլխավոր քարտուղարի հատուկ բանագնաց[6]։ 2006 թվականից մինչև 2014 թվականը եղել է Շվեդիայի արտաքին գործերի նախարար։
Նրա նախնիների թվում եղել են նախարարներ, գլխավոր շտաբի պետեր, դիվանագետներ։ Իսկ նրա նախապապ Բարոն Գիլիս Բիլդտը 19-րդ դարի 80-ական թվականներին եղել է Շվեդիայի վարչապետը։
Գործունեության սկիզբ[խմբագրել | խմբագրել կոդը]
Կարիերայի սկզբում Կառլ Բիլդտը զբաղեցրել է շվեդական պահպանողական և լիբերալ ուսանողների կոնֆեդերացիայի նախագահի պաշտոնը։ 1979 թվականին դարձել է խորհրդարանի անդամ։ Լինելով պատգամավոր՝ Կառլ Բիլդտը ակտիվորեն սուր բանավեճի մեջ է մտել միջազգային քաղաքականության հարցերի շուրջ, դեմ Է արտահայտվել Ուլոֆ Պալմեին, որն այդ ժամանակ վարչապետ էր։ 1986 թվականին Կառլ Բիլդտը ընտրվել է աջ կենտրոնամետ չափավոր կոալիցիոն կուսակցության առաջնորդ։ 1991-1994 թվականներին եղել է Շվեդիայի վարչապետ։ Նրա կառավարության ընթացքում Շվեդիան Եվրամիությանը անդամակցելու համար բանակցություններ են սկսվել։ Եվ 1994 թվականի հուլիսին Բիլդտը ստորագրել է ԵՄ-ին անդամակցելու պայմանագիրը։
Կառլ Բիլդտն առաջին քաղաքական գործիչներից մեկն է, որը ակտիվորեն օգտվել է համացանցից։ Այսպես, 1994 թվականի փետրվարի 4-ին նա էլեկտրոնային նամակ է ուղարկել ԱՄՆ նախագահ Բիլ Քլինթոնին, ինչը դարձել է միջկառավարական մակարդակով առաջին նման ուղերձը։ Նամակում նա աջակցել է Վիետնամից տնտեսական էմբարգոյի վերացման մասին Քլինթոնի որոշմանը[7]։ Ավելի ուշ Բիլդտը սկսել է լայնորեն օգտագործել Twitter-ը[8]։ Նա դարձել է նաև ակտիվ բլոգեր՝ իր առաջին բլոգը սկսելով 2005 թվականի փետրվարին[9]։ Հետագայում նրա բլոգը դարձել է Շվեդիայի ամենաընթերցվող քաղաքական բլոգներից մեկը։ 2008 թվականին Կառլ Բիլդը YouTube-ում բացել է իր ալիքը[10]։
Կառլ Բիլդտը հայտնի է նաև Իսրայելի և Ռուսաստանի խիստ քննադատությամբ[11]։ Վրաստանի ներկայիս կառավարության մեղադրանքների համաձայն՝ նրա դիրքորոշումը բացատրվում է նրանով, որ Kreab խորհրդատվական ընկերության ղեկավարության շրջանում Կառլ Բիլդտը Միխայիլ Սահակաշվիլիից կաշառք է ստացել։ Միևնույն ժամանակ Կառլ Բիլդտի մամուլի քարտուղար Էրիկ Սիգան հայտարարել է, որ Բիլդտը երբեք ներգրավված չի եղել Վրաստանի հետ առնչություն ունեցող Kreab-ի ոչ մի ակտիվության մեջ և հիշեցրել է, որ լինելով նախարար՝ Բիլդտը քննադատել է դատական համակարգի օգտագործումը Սահակաշվիլիի կառավարման շրջանում՝ Վրաստանում քաղաքական ընդդիմությանը ճնշելու համար[12]։
2008-2012 թվականներին արևելաեվրոպական գործերով Կառլ Բիլդտի փորձագետն էր ալբանական ծագում ունեցող Ուկրաինայի կոմունիստական կուսակցություն երիտասարդական կազմակերպության ակտիվիստ Արբա Կոկալարին, որը հայտնի է իր եվրաինտեգրացիոն հայացքներով, հակակոմունիզմով, Արաբական գարնան շարժումների և բելառուսական ընդդիմության աջակցությամբ, ՌԴ եվրոպական քաղաքականության նկատմամբ բացասական վերաբերմունքով։
Սուդանի հարավում սպանություններին և տեղահանություններին մասնակցության կասկածներ[խմբագրել | խմբագրել կոդը]
1997-2003 թվականներին եղել է «Lundin Oil» (այժմ՝ «Lundin Petrolium») նավթային ընկերության տնօրենների խորհրդի անդամ, որին կասկածում էին Սուդանի հարավային մասից 10 հազար մարդու մահվան և շուրջ 200 հազար մարդու արտաքսման մեջ։ Այդ կապակցությամբ Ստոկհոլմում հետաքննություն է սկսվել։ Ընդդիմության առաջնորդները խորհրդարանում պահանջել են արտաքին գործերի նախարարի հրաժարականը[13]։
Wikileaks[խմբագրել | խմբագրել կոդը]
WikiLeaks-ի կողմից գաղտնի դիվանագիտական փաստաթղթերի հրապարակումից հետո պարզվել է, որ ամերիկացի դիվանագետները Բիլդտին համարում էին «համառ», «ինքնավստահ» և «սահմանափակ դիվանագիտական ունակություններ» ունեցող[14]։ Բիլդտը նկարագրվում էր որպես մի մարդ, որը պատկերացնում էր, որ նա ավելի մեծ կշիռ և ազդեցություն ունի, քան իրականում էր, և նրան համեմատել են «մեծ հավակնություններ ունեցող միջին չափի շան հետ»[15]։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ 2,0 2,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
- ↑ 3,0 3,1 GeneaStar
- ↑ 4,0 4,1 4,2 Czech National Authority Database
- ↑ Pas L. v. Genealogics — 2003. — ed. size: 683713
- ↑ Карл Бильдт: «Европе не нужны министры-националисты»
- ↑ «First Email Bildt to Clinton» Archived 2007-02-10 at the Wayback Machine.
- ↑ Страница Бильдта в Твиттере
- ↑ Bildt Comments
- ↑ YouTube — Канал пользователя cbildt
- ↑ Швеция: за нападение на суда в нейтральных водах Израилю придётся ответить
- ↑ Галина Дудина, Елена Черненко; Георгий Двали. Дипломатический пиар на грани фола // «Коммерсантъ» : газета. — 2014. — № 164 (5437).
- ↑ «Шведский критик Израиля оказался замешан в массовых убийствах»։ Արխիվացված է օրիգինալից 2010-06-26-ին։ Վերցված է 2020-10-28
- ↑ Бильдт добавляет проблем США(շվեդ.)
- ↑ Бильдт имеет ограниченные дипломатические способности Archived 2011-10-11 at the Wayback Machine.(շվեդ.)
Արտաքին հղումներ[խմբագրել | խմբագրել կոդը]
- Официальный Блог Карла Бильдта (շվեդ.)
| ||||||||||||||||||||
