Կապանի ժամանակակից արվեստի թանգարան

Վիքիպեդիայից՝ ազատ հանրագիտարանից
Jump to navigation Jump to search
Կապանի ժամանակակից արվեստի թանգարան
Տեսակպատկերասրահ
ԵրկիրFlag of Armenia.svg Հայաստան
ՏեղագրությունՍյունիքի մարզ, Կապան, Ռոմանոս Մելիքյան փողոց 8
Հիմնադրված է1990
ՏնօրենԲորիկ Մինասյան

Կապանի ժամանակակից արվեստի թանգարան, հանդիսանում է Երևանի ժամանակակից արվեստի թանգարանի մասնաճյուղ, հիմնադրվել է 1990 թվականին, ՀՀ արվեստի վաստակավոր գործիչ Հենրիկ Իգիթյանի նախաձեռնությամբ և տեղական իշխանությունների աջակցությամբ։

Ցուցադրություն[խմբագրել | խմբագրել կոդը]

Թանգարանում ցուցադրվում են գեղանկարիչների, քանդակագործների, գրաֆիկների և դեկորատիվ կիրառական արվեստի վարպետների աշխատանքները։

Բացի կապանցիներից թանգարան են այցելել պատվավոր հյուրեր գրեթե բոլոր երկրներից։ Եղել են պատվիրակություններ Գերմանիայից, Բելառուսիայից, Ռուսաստանից, Գլենդելից։ «Վորլդ Վիժն Հայաստանի»-ի աջակցությամբ տարածքային զարգացման ծրագրի շրջանակներում կազմակերպվել են մանկական ցուցահանդեսներ և գեղանկարիչ Ռ. Կամոյանի անհատական ցուցահանդեսը։ 2013 թվականին կազմակերպվել է Կապանի նկարիչների խմբակային ցուցահանդես «Աշուն-2013» խորագրով և տպագրվել է գիրք։ Կապան քաղաքի տոնի առթիվ կազմակերպվել է գեղանկարչական աշխատանքների ցուցահանդես։ 2014 թվականին կազմակերպվել է Կապանի 4 նկարիչների խմբակային ցուցահանդես, հեղինակներ՝ Բորիկ Մինասյան, Լ. Առաքելյան, Ա. Աբրահամյան, Նարեկ Մինասյան։ 2015 թվականի ապրիլի 9-ին բացվել է ցուցահանդես «Հիշում եմ և պահանջում» խորագրով՝ նվիրված Հայոց Մեծ Եղեռնի 100-ամյակին։ Ապրիլի 16-ին թանգարանային գիշեր միջոցառում, ապրիլի 18-ին՝ թանգարանային միջազգային օրվա առթիվ մշտական ցուցադրություն և դասախոսություն Բ. Մինասյանի կողմից «Հայ նկարիչների անդրադարձը մեծ Եղեռնին»[1][2][3]։

Թանգարանում իրենց պրակտիկան են անցկացնում արվեստի պետական քոլեջի ուսանողները, արվեստի և գեղարվեստի դպրոցների սաները։

Միջոցառումներ[խմբագրել | խմբագրել կոդը]

Բացի մշտական ցուցադրությունից, թանգարանում կազմակերպվում են Կապանի նկարիչների անհատական և խմբակային ցուցահանդեսներ (Արմինե և Սարո Կալենցներ, Ռուդոլֆ Խաչատրյան, Ռոբերտ և Հենրի Էլիբեկյաններ, Անատոլի և Ալեքսանդր Գրիգորյաններ, Հովհաննես Զարդարյան, Սարգիս Համալբաշյան, Արարատ Սարգսյան, Աշոտ Բայանդուր, Լևոն Թոքմաջյան, Էդիկ Վարդանյան, Վրույր Գալստյան, Արամ Իսաբեկյան, Ռաֆֆի և Ռուբեն Ադալյաններ, Վարուժան Վարդանյան և այլն), մշակութային բազմաբնույթ միջոցառումներ։ OBCE –ի Կապանի գրասենյակի հետ միասին կազմակերպվել են Կապանի նկարիչների խմբակային ցուցահանդես և տպագրվել գիրք։

Հասցե[խմբագրել | խմբագրել կոդը]

Թանգարանը գտնվում է Սյունիքի մարզի Կապան քաղաքի Ռոմանոս Մելիքյան փողոցի թիվ 8 հասցեում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]