Լուսնակ (արվեստագետ)
Լուսնակ | |
---|---|
Ծնվել է | հունվարի 1, 1967 (57 տարեկան) |
Ծննդավայր | Բեյրութ, Լիբանան |
Քաղաքացիություն | Կանադա |
Կրթություն | Մոնրեալի քվեբեքյան համալսարան |
Մասնագիտություն | նկարչուհի, քանդակագործ, գրաֆիկական դիզայներ, դերասանուհի և երաժիշտ |
Լուսնակ (Լուսնակ Աբդալյան, հունվարի 1, 1967, Բեյրութ, Լիբանան), կանադահայ արվեստագետ։
Կենսագրություն[խմբագրել | խմբագրել կոդը]
Լուսնակը ծնվել է 1967 թվականին, Բեյրութում՝ Համբարձում Աբդալյանի և Անի Տեր-Ստեփանյանի ընտանիքում։ Տասնմեկ տարեկանում Լիբանանի քաղաքացիական պատերազմի պատճառով հայտնվել է Լոնդոնում, ապա Փարիզում, այնուհետև ծնողների հետ հաստատվել է Մոնրեալում։ 17 տարեկանում եղել է Մոնրեալ ամենամսյա պարբերականի գեղարվեստական խմբագրի օգնական, որը եղել է գրաֆիկական դիզայնում նրա գործունեության սկիզբը[1]։ Սովորել է Մոնրեալի քվեբեքյան համալսարանի տեսողական արվեստի դասընթացներում (UQAM) քանդակագործ Արտո Չաքմաքչյանի մոտ։
Լուսնակն ունեցել է բազմաթիվ միջազգային ցուցադրություններ։ Մասնակցել է ֆրանս-կանադացի քանդակագործ Արման Վայանքուրի բազմաթիվ ստեղծագործական ծրագրերին, Փարիզում համատեղ ֆոտոցուցադրություն է ունեցել Ատոմ Էգոյանի հետ։
Որպես երգահան-երգչուհի՝ Լուսնակի գործերն ազդված են հայ ավանդական երգից ու սեփական արմատների նկատմամբ սիրուց։ Նրա առաջին՝ «Լուսնակ» ալբոմը լույս է տեսել 2003 թվականին։
Լուսնակն ունեցել է բազմաթիվ ներկայացումներ Lion d’Or, Outremont Theatre, Quat’Sous սրահներում, Ֆրոնթենաք մշակույթի կենտրոնում, Place des Arts-ի Cinquième Salle սրահում՝ հանդես գալով թե՛ որպես արտիստ, թե՛ որպես բեմադրող ռեժիսոր։
1990-ականների վերջերին Լուսնակն իրականացրել է «Խոսենք ցեղասպանությունից» ծրագիրը. ապրիլ ամսին անցկացվող այս բազմաժանր իրադարձությունը (երաժշտություն, պար, պոեզիա, թատրոն և այլն) նպատակ ունի հասարակությանն իրազեկել ցեղասպանության վերաբերյալ և կրթել նրան արվեստի զգայնության շնորհիվ[2][3]։
Լուսնակը հայտնի է կոմիտասյան նկարների շարքով։ Շարքի նկարներից գտնվում են Հայաստանի ազգային պատկերասրահում[4] և Կոմիտասի թանգարան-ինստիտուտում։
2019 թվականին Երևանի Նուռ ցուցասրահում կայացել է Լուսնակի «Սրտիս Դարման» խորագրով մուլտիդիսցիպլին ցուցահանդեսը (գծանկար, քանդակ, թվային լուսանկար և գիֆ-արտ)[5][6]։
Ֆիլմեր[խմբագրել | խմբագրել կոդը]
- Ատոմ Էգոյանի «Արարատ» ֆիլմում Լուսնակը մարմնավորել է Արշիլ Գորկու մորը՝ Շուշանին։ Ֆիլմն արժանացել է Կանադայի կինո և հեռուստաակադեմիայի 5 Genie մրցանակի, իսկ Լուսնակը հայտնվել է Կաննի կարմիր գորգի վրա՝ Շառլ Ազնավուրի, Քրիստոֆեր Պլամմերի, Մարի Ժոզե Քրոզի, Դեյվիդ Ալփեյի և ֆիլմի պրոդյուսեր Ռոբեր Լանթոսի կողքին։
- «Իմ որդին պիտի հայ լինի»
Ծանոթագրություններ[խմբագրել | խմբագրել կոդը]
- ↑ «Lousnak A Full Spectrum Of Expressions». www.magzter.com. Վերցված է 2019 թ․ հուլիսի 7-ին.
- ↑ «Lousnak commemorates the 100th anniversary of the Armenian Genocide | Watch News Videos Online». Global News (անգլերեն). Արխիվացված է օրիգինալից 2019 թ․ հուլիսի 7-ին. Վերցված է 2019 թ․ հուլիսի 7-ին.
- ↑ «Remembering the Armenian Genocide with Lousnak». Breakfast Television Montreal (կանադական անգլերեն). Վերցված է 2019 թ․ հուլիսի 7-ին.
- ↑ Նվիրատվություն
- ↑ Ցուցահանդես «Սրտիս դարման» Exhibition Mend My Heart
- ↑ Սերը` հակագազով, կամ Լուսնակի աշխատանքները «Նուռ» ցուցասրահում