Լիվոռնո

Քաղաք
Լիվոռնո
Livorno
Դրոշ Զինանշան
Երկիր	Իտալիա
Հիմնադրված է	1577 թ.
Մակերես	104 կմ²
ԲԾՄ	3 մ
Պաշտոնական լեզու	իտալերեն
Խոսվող լեզուներ	իտալերեն
Բնակչություն	160 774 մարդ (2007)
Խտություն	1424 մարդ/կմ²
Ժամային գոտի	UTC+1, ամառը UTC+2
Հեռախոսային կոդ	0586
Փոստային ինդեքս	57100
Փոստային ինդեքսներ	57121–57128
Ավտոմոբիլային կոդ	LI
Պաշտոնական կայք	comune.livorno.it
Լիվոռնո Վիքիպահեստում

Լիվոռնո (իտալերեն՝ Livorno), քաղաք Իտալիայում, Տոսկանա մարզում։ Նավահանգիստ է Լիգուրյան ծովի ափին։

Անվանում

Միջին դարերում եղել է ամրոց։ Անվանումն առաջացել է հնում արդի Խորվաթիայի տարածքում բնակվող լիբուոններ ցեղի անունից։ Անտիկ դարաշրջանում անվանվել է Portus Herculic «Հերկուլեսի նավահանգրվան»՝ Հերկուլեսին նվիրված նավահանգիստ (դիցաբանական հերոս Հերակլեսի պաշտամունքը շատ տարածված էր Միջերկրական ծովի ափերին գտնվող հին հունական գաղութներում)։

Ոսկանյան տպարան

Ոսկան Երևանցին հայերեն տպագիր Աստվածաշունչ կազմելու նպատակով տեղափոխվել է Լիվոռնո 1662 թվականին։ Սակայն Կաթոլիկ եկեղեցու հետ ունեցած խնդիրների պատճառով Աստվածաշունչը տպագրվել է Ամստերդամում։

1670 թվականին Ոսկան Երևանցին Ֆրանսիայից Իտալիա տեղափոխվելու ցանկությամբ վերադառնում է Լիվոռնո և տպագրում իտալացի հայտնի ճիզվիտ Ռոբերտ Բելարմինի «Վարդապետութիւն քրիստոնէական» երկի առաջին հայերեն թարգմանությունը։ Նույն տարում տպագրվում է նաև Հովհաննես Հոլովի առաջին տպագիր գիրքը՝ «Պարտէզ հոգևոր» երկի հայերեն թարգմանությունը։ Սակայն ֆինանսական նպատակահարմարությունից ելնելով՝ Ոսկան Երևանցին տպարանը շուտով տեղափոխում է Մարսել։