Լեռնային խաղտտնիկ

Լեռնային խաղտտնիկ
Լեռնային խաղտտնիկ (արու)
Լեռնային խաղտտնիկ (էգ)
Դասակարգում
Թագավորություն	Կենդանիներ (Animalia)
Տիպ/Բաժին	Քորդավորներ (Chordata)
Ենթատիպ	Ողնաշարավորներ (Vertebrata)
Դաս	Թռչուններ (Aves)
Կարգ	Ճնճղուկազգիներ (Passeriformes)
Ընտանիք	Խաղտուտներ (Motacillidae)
Ցեղ	Խաղտտնիկներ (Motacilla)
Տեսակ	Լեռնային խաղտտնիկ (M. cinerea)
Միջազգային անվանում
Motacilla cinerea Tunstall, 1771
Տարածվածություն և պահպանություն
Հատուկ պահպանության կարգավիճակ՝ Քիչ մտահոգող տեսակ Տաքսոնի տարածվածությունը

Լեռնային խաղտտնիկ, խաղտտնիկների ընտանիքի պատկանող թռչուն։

Motacilla cinerea cinerea

Նկարագրությունը

Լեռնային խաղտտնիկի մարմնի վերին մասը մոխրագույն է, պոչը և թևերը գորշասև են, պոչի եզրային փետուրները սպիտակ են, կոկորդը և որովայնը՝ սպիտակավուն, որովայնը և պոչը ծածկող փետուրները՝ դեղնավուն։ Պոչը մարմնից երկար է։ Գարնանը արուի կոկորդը սև է, հոնքանման շերտը՝ սպիտակ։ Էգը նման է արուին՝ փետրավորման ավելի մեղմ երանգներով, կտուցը սև է, ոտքերը՝ մոխրագույն։
Քաշը՝ 14-21 գ է, թևի երկարությունը՝ 77-88 մմ։ Աչքի է ընկնում սլացիկ կեցվածքով և պոչի անհանգիստ ու անդադար շարժումներով։

Կենսակերպը

Հայաստանում բնադրվող, չվող թռչուն է։ Գարնանը վերադառնում է մարտ-ապրիլ ամիսներին։ Չվում է առանձնյակներով կամ փոքր խմբերով։ Տարածված է լեռնային վայրերում, նախապատվությունը տալիս է գետերի ափերին։

Բազմացումը

Բնադրվում է մայիս-հունիս ամիսներին, բույնը տեղադրում է քարերի ճեղքերում, ծառերի արմատների միջև եղած խորշերում, գետնին, շենքերի տանիքներում և այլուր։
Դնում է 4-5 շիկաերկնագույն, գորշ պտերով ձվեր։ Սնվում է ջրային և խոնավ վայրերի անողնաշարավոր կենդանիներով։

Տարածվածություն

Տարածված է Եվրոպայում, Ասիայում, Աֆրիկայում, Մադագասկարում։

Աղբյուրներ

Վիքիցեղերն ունի նյութեր, որոնք վերաբերում են «Լեռնային խաղտտնիկ» հոդվածին։

Վիքիպահեստն ունի նյութեր, որոնք վերաբերում են «Լեռնային խաղտտնիկ» հոդվածին։