Լենս Արմսթրոնգ
| Լենս Էդվարդ Արմսթրոնգ Lance Edward Armstrong | |
|---|---|
.jpg) Արմսթրոնգը 2009-ին | |
| Ծնվել է | սեպտեմբերի 18, 1971 (49 տարեկան) |
| Ծննդավայր |  Պլանո, Տեխաս, ԱՄՆ |
| Քաղաքացիություն | |
| Ազգություն | Ամերիկացի |
| Կրոն | աթեիզմ |
| Մասնագիտություն | Հեծանվորդ |
| Ամուսին | Քրիստին Ռիչարդ (1998-2003) |
| Ծնողներ | հայր՝ Eddie Charles Gunderson?[1], մայր՝ Linda Gayle Mooneyham?[1] |
| Քաղաքական կուսակցություն | ԱՄՆ Հանրապետական կուսակցություն |
| Պարգևներ և մրցանակներ | Աստուրիայի արքայադստեր մրցանակ սպորտի բնագավառում և Պատվո լեգեոնի շքանշանի ասպետ[2] |
| Երեխաներ | 5 զավակ |
| Կայք | lancearmstrong.com |
| Lance Armstrong Վիքիպահեստում | |
Լենս Էդվարդ Արմսթրոնգ (անգլ.՝ Lance Edward Armstrong, ծնվ.՝ սեպտեմբերի 18, 1971 թ.), ամերիկացի նախկին խճուղային հեծանվորդ։ Արմսթրոնգը ռեկորդային յոթ անգամ անընդմեջ հաղթել է «Տուր դե Ֆրանս» հեծանվավազքում՝ 1999-2005 թվականներին։ 2012 թվականին Միացյալ Նահանգների հակադոպինգային գործակալության (USADA) կողմից Արմսթրոնգին ցմահ արգելվել է զբաղվել հեծանվավազքով՝ դոպինգի օգտագործման պատճառով։ Հեծանվավազքով զբաղվելուց զատ Արմսթրոնգն հանդիսանում է «Լայվսթրոնգ» հիմնադրամի (սկզբնապես կոչվել է «Լենս Արմսթրոնգ» հիմնադրամ) հիմնադիրը, որը զբաղվում է քաղցկեղով տառապող մարդկանց օժանդակությամբ։ Մասնակցել է 1992, 1996 և 2000 թվականների ամառային օլիմպիական խաղերին։
Տասնվեց տարեկան հասակում Արմսթրոնգը սկսում է զբաղվել տրիաթլոնով (սպորտաձև, որում միավորված են լողը, հեծանվավազքը և վազքը) և 1989, 1990 թվականներին դառնում տրիաթլոնի համազգային չեմպիոն։ Պրոֆեսիոնալ հեծանվորդի կարիերան Արմսթրոնգն սկսում է 1992 թվականին՝ պայմանագիր կնքելով «Մոտորոլա» թիմի հետ։ Բազմաթիվ հաջողությունների է հասել 1993-1996 թվականներին։
1996 թվականի հոկտեմբերին Արմսթրոնգի մոտ հայտնաբերվում է ձվարանների չարորակ քաղցկեղ, որը տարածվել էր նրա ուղեղի և թոքերի շրջանում։ Արմսթրոնգը սկսում է անցնել ինտենսիվ բուժում, մասնավորապես կանոնավոր ենթարկվում քիմիաթերապիայի։ 1997 թվականի փետրվար ամսին բժիշկները հայտարարում են, որ Արմսթրոնգը ամբողջովին բուժված է։ Նույն տարի Արմսթրոնգը ստեղծում է «Լենս Արմսթրոնգ» հիմնադրամը, իսկ 1998 թվականից վերադառնում պրոֆեսիոնալ կարիերա՝ նոր պայմանագիր կնքելով «Յու Էս Փոստալ» թիմի հետ։ 2005 թվականի «Տուր դե Ֆրանս» մրցույթից հետո Արմսթրոնգը հայտարարում է թոշակի անցնելը կարիերայից, սակայն կրկին վերադառնում է 2009 թվականին։ 2009-11 թվականների ընթացքում հանդես է եկել «Աստանա», «Յու Սի Այ ՊրոԹիմ» և «Թիմ Ռադիո Շեք» թիմերում։
2011 թվականի փետրվարի 16-ին Արմսթրոնգը հայտարարում է հեծանվորդի կարիերայից հեռանալու մասին, չնայած այդ ժամանակաշրջանում ԱՄՆ դաշնային կառույցները սկսել էին հետաքննել դոպինգի չարաշահման մասին վարկածները։ 2012 թվականի սկզբին Արմսթրոնգը վերադառնում է պրոֆեսիոնալ տրիաթլոն, սակայն նույն թվականի օգոստոսի 24-ին նրան արգելվում է մինչև մահ զբաղվել սպորտով, ինչպես նաև զրկվում է «Տուր դե Ֆրանս» մրցույթներում հաղթած բոլոր 7 տիտղոսներից[3]։ Արմսթրոնգը նախընտրում է չդիմել սպորտի արբիտրաժային դատարան[4] և երբևէ չի արդարանում։ 2013 թվականի հունվարին Արմսթրոնգը հեռուստատեսությամբ հյուրընկալվում է Օփրա Ուինֆրիին և ուղիղ եթերով խոստովանում մեղքը[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Pas L. v. Genealogics — 2003. — ed. size: 683713
- ↑ Lance Armstrong privé définitivement de sa Légion d'honneur
- ↑ «Լենս Արմսթրոնգը ցմահ զրկվում է հեծանվավազքով զբաղվելուց և որակազրկվում է նախկին մրցակցային արդյունքներից»։ «Usada.org»։ Վերցված է 2012 թ․ նոյեմբերի 10–ին
- ↑ Շեյն Ստոքս (2012-12-29)։ «Արմսթրոնգը չի դիմում արբիտրաժային դատարան»։ Velonation.com։ Վերցված է 2013 թ․ հունվարի 2
- ↑ «Լենս Արմսթրոնգը մաքուր է դուրս գալիս»։ ESPN.com։ Հունվարի 17, 2013։ Վերցված է 2013 թ․ հունվարի 18