Իլյա Գինցբուրգ
| Իլյա Գինցբուրգ | |
|---|---|
 | |
| Ծնվել է | մայիսի 15 (27), 1859 |
| Ծննդավայր | Գրոդնո, Վիլնայի գլխավոր նահանգապետարան, Ռուսական կայսրություն |
| Մահացել է | հունվարի 31, 1939 (79 տարեկան) |
| Վախճանի վայրը | Լենինգրադ, ՌԽՖՍՀ, ԽՍՀՄ |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Մայրենի լեզու | ռուսերեն |
| Կրթություն | Սանկտ Պետերբուրգի գեղարվեստի ակադեմիա |
| Մասնագիտություն | քանդակագործ |
 Ilya Guinzbourg Վիքիպահեստում | |
Իլյա Յակովլևիչ Գինցբուրգ (ռուս.՝ Илья́ Я́ковлевич Ги́нцбург, իսկական անուն ազգանունը՝ Էլիաշ Գինզբուրգ ռուս.՝ Элиаш Гинзбург) (մայիսի 15 (27), 1859, Գրոդնո, Վիլնայի գլխավոր նահանգապետարան, Ռուսական կայսրություն - հունվարի 31, 1939, Լենինգրադ, ՌԽՖՍՀ, ԽՍՀՄ), ռուս քանդակագործ, Գեղարվեստի կայսերական ակադեմիայի ակադեմիկոս, գեղարվեստական արվեստանոցի պրոֆեսոր (1918)։
Կենսագրություն[խմբագրել | խմբագրել կոդը]
Իլյա Գինցբուրգըտ ծնվել է 1859 թվականին Գրոդնոյում (այժմ՝ Բելառուսի Հանրապետություն)։ Մանկությունն անցել է Վիլնոյում, որտեղ նրա վրա ուշադրություն է դարձրել քանդակագործ Մարկ Անտոկոլսկին։ 1870 թվականից նա սովորել է Մարկ Անտոկոլսկու Սանկտ Պետերբուրգի արվեստանոցում, ուղեկցել է նրան Իտալիա կատարած ուղևորությունների ընթացքում։ Վերադառնալուց հետո ընդունվել է ռեալական ուսումնարան, այնուհետև (1878) Պետերբուրգի գեղարվեստի ակադեմիայի քանդակագործության բաժինը, որտեղ սովորել է Ալեքսանդր ֆոն Բոկի, Նիկոլայ Լավերեցկու և Իվան Պոդոզերովի մոտ։ 1886 թվականին «Երեմիա մարգարեի ողբը Երուսաղեմի ավերակների վրա» աշխատանքի համար ստացել է փոքր ոսկե մեդալ և դասական նկարչի աստիճանի կոչում։ 1918 թվականից Պետրոգրադի պետական ազատ արվեստի քանդակագործական արվեստանոցի պրոֆեսոր ղեկավարն էր։ 1921-1923 թվականներին եղել է Բարձրագույն գեղարվեստա-տեխնիկական արվեստանոցի քանդակագործական ֆակուլտետի դեկանը։
Մահ[խմբագրել | խմբագրել կոդը]
Իլյա Գինցբուրգը մահացել է 1939 թվականի հունվարի 31-ին Լենինգրադում։ Թաղված է Սանկտ Պետերբուրգի Ալեքսանդրո-Նևսկի մայրավանքի արվեստի վարպետների գերեզմանատանը։
Ստեղծագործություններ[խմբագրել | խմբագրել կոդը]
Նա ստեղծել է Նիկոլայ Գոգոլի (Սորոչինցի), Իվան Այվազովսկու (Թեոդոսիա), Ալեքսանդր Պուշկինի (Եկատերինոսլավ) հուշարձանները։ Վլադիմիր Ստասովի շիրմաքարի հեղինակն է (Սանկտ Պետեբուրգի քաղաքային քանդակի թանգարան)։ Խորհրդային տարիներին Լենինգրադում ստեղծել է Գեորգի Պլեխանովի (Տեխնոլոգիական ինստիտուտի շենքի դիմաց Մատվեյ Խարլամովի համահեղինակությամբ) և Դմիտրի Մենդելեևի հուշարձանները։
Գինցբուրգը հայտնի է որպես փոքր կերտարվեստի վարպետ (Իվան Շիշկինի, Վասիլի Վերեշչագինի, Իլյա Ռեպինի, Վասիլի Սուրիկովի , Լև Տոլստոյի, Դմիտրի Մենդելեևի[1] և այլոց արձանները)։
Պատկերասրահ[խմբագրել | խմբագրել կոդը]
-
Վ. Ստասովի գերեզմանի հուշարձան -
Անտոկոլսկու դիմաքանդակ -
Լև Տոլստոյն աշխատելիս -
_01_by_shakko.jpg)
Ծանոթագրություններ[խմբագրել | խմբագրել կոդը]
- ↑ Гипсовый отливок статуэтки находится в музее-усадьбе И. Е. Репина «Пенаты».
Արտաքին հղումներ[խմբագրել | խմբագրել կոդը]
- Некоторые его работы
- Гинцбург Илья Яковлевич. Биография и творчество художника на Artonline.ru Արխիվացված 2019-06-22 Wayback Machine
- Гинцбург Илья Яковлевич
 | Վիքիպահեստն ունի նյութեր, որոնք վերաբերում են «Իլյա Գինցբուրգ» հոդվածին։ |
| ||||||||||
- Մայիսի 27 ծնունդներ
- 1859 ծնունդներ
- Ռուսական կայսրությունում ծնվածներ
- Հունվարի 31 մահեր
- 1939 մահեր
- Սանկտ Պետերբուրգ քաղաքում մահացածներ
- Սանկտ Պետերբուրգի գեղարվեստի ակադեմիայի շրջանավարտներ
- Անձինք այբբենական կարգով
- Քանդակագործներ այբբենական կարգով
- Գեղարվեստի կայսերական ակադեմիայի ակադեմիկոսներ
- Լիտվացի արվեստագետներ
- Խորհրդային քանդակագործներ
- Ռուս մանկավարժներ
- Ռուս քանդակագործներ