Ժոզեֆ Ֆեշի թանգարան
Ժոզեֆ Ֆեշի թանգարան | |
---|---|
![]() | |
Տեսակ | պատկերասրահ |
Երկիր | ![]() |
Տեղագրություն | Այաչչո |
Վայր | Palais Fesch, Ajaccio? |
Հասցե | 50-52, rue cardinal Fesch20000 |
Հիմնադրվել է | 1850 |
Հիմնադիր | Ժոզեֆ Ֆեշ |
Այցելուներ | 49 590 մարդ (2003)[1][1], 48 191 մարդ (2004)[1], 52 541 մարդ (2001)[1], 38 224 մարդ (2005)[1], 38 287 մարդ (2015)[1], 41 277 մարդ (2017)[1], 35 384 մարդ (2013)[1], 43 363 մարդ (2016)[1], 39 783 մարդ (2011)[2], 38 891 մարդ (2010)[1], 41 024 մարդ (2012)[1], 51 015 մարդ (2002)[1], 34 024 մարդ (2006)[1], 1446 մարդ (2008)[1], 40 655 մարդ (2007)[1], 40 175 մարդ (2014)[1], 47 897 մարդ (2018)[1][2] և 44 480 մարդ (2019)[2] |
Կայք | musee-fesch.com(ֆր.) |
![]() | |
![]() |
Ժոզեֆ Ֆեշի թանգարան (ֆր.՝ musée Fesch), գեղարվեստական թանգարան Կորսիկայի Այաչչո քաղաքում։ Ունի հնագույն կերպարվեստի խոշոր հավաքածու։
Պատմություն[խմբագրել | խմբագրել կոդը]
Ժոզեֆ Ֆեշը, ում անունով կոչվել է թանգարանը, եղել է Նապոլեոն Բոնապարտի մոր Լետիցիա Բոնապարտի խորթ եղբայրը։ Ֆեշը կաթոլիկ քահանա էր։ Նապոլեոնի իշխանության գալուց հետո նա դարձավ կարդինալ և Լիոնի արքեպիսկոպոս։ Ըստ բազմաթիվ վկայությունների, Ֆեշը հակված է եղել կաշառակերության նկատմամբ[3], և օգտվելով կայսեր հովանավորությունից, կուտակել է հսկայական հարստություն, իսկ նրա գլխավոր նախասիրությունը եղել է գեղանկարչության հավաքածու կազմելը։ Նապոլեոնյան պատերազմների ընթացքում, ռազմական արշավանքների և եվրոպական երկրների իշխանափոխության պատճառով մեծ թվով հին նկարներ անցել են այլ սեփականատերերի, և դա մեծ հնարավորություններ էր ստեղծում հարուստ կոլեկցիոներների համար։
![](http://upload.wikimedia.org/wikipedia/commons/thumb/0/00/Maglioli_-_Le_cardinal_Fesch.jpg/200px-Maglioli_-_Le_cardinal_Fesch.jpg)
Նապոլեոնյան պատերազմների ավարտից հետո արվեստի շատ գործեր Ֆրանսիայից վերադարձվեցին իրենց նախկին սեփականատերերին, սակայն դա չի ազդել Ֆեշի հավաքածուի վրա։ Մինչ նա կարդինալ էր, ակտիվորեն աջակցում էր Հռոմի պապ Պիոս VII-ին Նապոլեոնի հետ ունեցած իր վեճերի ժամանակ։ Պապը նրա նրբանկատությանը պատասխանում էր նույն կերպ, և 1815 թվականից հետո Կարդինալ Ֆեշը և Լետիցիա Ռամոլինոն բնակվեցին Հռոմում[4], Պալացցո Բոնապարտե առանձնատանը, իսկ նրանց նյութական հարստությունը մնաց իրենց հետ։
Կարդինալ Ֆեշի մահից հետո նրա հավաքածուն ընդգրկում էր շուրջ 16.000 նկար։ Դրանցից մի քանիսը, ինչպես նաև հարուստ գրադարանը, կարդինալը կտակել է Այաչչո քաղաքին և ևս 300-ը՝ Կորսիկայի այլ քաղաքներին։
Նվիրված նկարների համար Այաչչոյում թանգարանի կառուցումը սկսվել է դեռևս կարդինալի կենդանության օրոք, և շինարարությունն ընթացել է նրա միջոցներով։ Աշխատանքները տևել են 1828-1852 թվականներին։ Այս ժամանակաշրջանում սկսվեց Երկրորդ կայսրության դարաշրջանը, երբ Բոնապարտները կրկին իշխանության եկան Ֆրանսիայում, և իհարկե ֆինանսապես աջակցեցին թանգարանին։ Շենքին կից կառուցվեց մատուռ, որտեղ ավելի ուշ թաղվեցին Բոնապարտի ընտանիքի անդամները։ Թանգարանի բակում տեղադրվել է կարդինալի արձանը, որի հեղինակն է քանդակագործ Դյուբրեն։
1979-1990 թվականներին թանգարանը վերականգնվել է, 2008-2010 թվականներին՝ ևս։ Այսօրվա դրությամբ թանգարանն ունի ավելի քան 20 սրահ՝ չորս հարկերում, գրադարան և հանդիսությունների դահլիճ։
Ցուցահանդեսներ[խմբագրել | խմբագրել կոդը]
Թանգարանի հիմնական հպարտությունն իտալական գեղանկարների հավաքածուն է, որում ներառված է Սանդրո Բոտիչելլիի, Ջովաննի Բելլինիի, Պիետրո Պերուջինոի, Միքելանջելոյի, Ֆրա Բարտոլոմեոյի, Տիցիանի, Վերոնեզեի, Ջորջո Վազարիի և մի շարք այլ հեղինակների աշխատանքները։ Բավականին լավ է ներկայացված Նիդերլանդների գեղանկարչությունը։ Առանձնանում է նաև Նապոլեոնի և նրա զարմիկ Նապոլեոն III ժամանակաշրջանին առնչվող 700 աշխատանքների (կտավներ և քանդակներ) մեծ հավաքածու։ Բացի դրանից թանգարանում կարելի է տեսնել կորսիկական գեղանկարչության յուրահատուկ հավաքածու։
Պատկերասրահ[խմբագրել | խմբագրել կոդը]
-
Ջովաննի Բելլինի, Մադոննան երեխայի հետ
-
Նիկոլո Պիսանո, Սուրբ ընտանիք
-
Տիցիան, Տղամարդը ձեռնոցի հետ
-
Աղջկա դիմանկար, Հեղինակը նշված չէ
-
Գրեգորի Պրետի, Աբրահամի զոհաբերությունը
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 Ministry of Culture Fréquentation des Musées de France — Ministry of Culture.
- ↑ 2,0 2,1 2,2 Ministry of Culture Fréquentation des Musées de France — Ministry of Culture.
- ↑ В частности, такая точка зрения приводится в ЭСБЕ (Энциклопедический словарь Брокгауза и Ефрона).
- ↑ В 1811 г. Феш был президентом собора французского духовенства в Париже, высказался здесь определённо против унизительного обращения Наполеона с папой и этой своей неожиданной самостоятельностью вызвал сильный гнев Наполеона, который удалил его в почётное изгнание в Лион. После вступления союзников на французскую территорию Ф. вместе со своей сестрой Летицией бежал в Рим, где и провел остаток жизни (ЭСБЕ).
Արտաքին հղումներ[խմբագրել | խմբագրել կոդը]
- Պաշտոնական կայք (Ֆրանսերեն) (անգլերեն)
![]() | Վիքիպահեստն ունի նյութեր, որոնք վերաբերում են «Ժոզեֆ Ֆեշի թանգարան» հոդվածին։ |