Էլիսոն Փորթեր

Էլիսոն Փորթեր
Էլիսոն Փորթեր
Ծննդյան թիվ՝	հունիսի 20, 1981 (42 տարեկան)
Ծննդավայր՝	Վուստեր, Մասաչուսեթս, ԱՄՆ
Քաղաքացիություն՝	ԱՄՆ
Մասնագիտություն՝	երգչուհի, երաժիշտ, թատրոնի դերասանուհի, հեռուստատեսային դերասանուհի, երգերի հեղինակ և կինոդերասանուհի
Պարգևներ՝	Երիտասարդ դերասան
IMDb։	ID 0692018

Էլիսոն Փորթեր (անգլ.՝ Alisan Porter, հունիսի 20, 1981(1981-06-20)^[1], Վուստեր, Մասաչուսեթս, ԱՄՆ), ամերիկացի դերասանուհի, երգչուհի, որը նախ և առաջ հայտնի է «Գանգրահեր Սյուն» ֆիլմում Սյուի դերով։ 2016 թվականին դարձել է «Ձայնը» նախագծի ամերիկյան տարբերակի 10-րդ եթերաշրջանի հաղթողը՝ հանդես գալով Քրիստինա Ագիլերայի թիմում։

Կենսագրություն[խմբագրել | խմբագրել կոդը]

Էլիսոն Փորթերը ծնվել է 1981 թվականի հունիսի 20-ին, Միացյալ Նահանգների Մասաչուսեթս նահանգի Վուսթեր քաղաքում՝ հրեական ընտանիքում։ 3 տարեկան հասակում Նյու Յորքում նկարահանվել է գովազդում։ Շուտով նրան հրավիրել են «Star Search» շոու։ 5 տարեկանում դարձել է այդ հաղորդման ամենակրտսեր «Լավագույն պատանի վոկալիստը»։

Դերասանուհին տեղափոխվել է Հոլիվուդ և 1987 թվականին նկարահանվել «Ես կնվաճեմ Մանհեթենը» մինի սերիալում, որտեղ խաղացել է փոքրիկ Մաքսիի դերը։ 1989 թվականին նկարահանվել է «Ծնողներ» ֆիլմում՝ խաղալով Թեյլորի դերը։ 1991 թվականին «Գանգրահեր Սյու» ֆիլմում խաղացել է Սյուի դերը։ 1994 թվականին դադարեցրել է դերասանական գործունեությունը և ծնողների հետ տեղափոխվել Միացյալ Նահանգների Կոնեկտիկուտ նահանգի Ուեսթփորթ քաղաքը։ Այնտեղ նա խաղացել է դպրոցի թատրոնում և որոշել, որ ցանկանում է խաղալ ոչ թե ֆիլմերում, այլ բեմում։

18 տարեկանում Էլիսոնը տեղափոխվել է Նյու Յորք և երեք ամիս անց նրան ներգրավել են «Footloose» ներկայացման մեջ, որտեղ դերասանուհին կերտել է Ուռլինի կերպարը։ Որոշ ժամանակ անց Փորթերը տեղափոխվել է Միացյալ Նահանգների Կալիֆոռնիա նահանգի Լոս Անջելես քաղաքը։

2003 թվականին կազմավորվել է «Raz» երաժշտական խումբը, որտեղ Էլիսոն Փորթերը հանդես է եկել որպես վոկալիստ և երգերի հիմնական հեղինակ։ «Raz» խումբը լուծարվել է 2004 թվականին։ 2005 թվականի մարտին Փորթերը հայտարարել է «Alisan Porter Project» անվամբ նոր խմբի ստեղծման մասին։ 2006 թվականին Էլիսոնը հանդես է եկել Նյու Յորքի «Gerald Schoenfeld Theatre» թատրոնի «A Chorus Line» ներկայացման մեջ՝ խաղալով Բեբե Բենսոնհեյմերի դերը։

2008 թվականի դեկտեմբերից Փորթերը ամերիկյան «Movmnt» ամսագրի համագործակցող տեսաբանն է^[2]։

2016 թվականի մայիսի 23-ին դարձել է «Ձայնը» շոուի ամերիկյան տարբերակի 10-րդ եթերաշրջանի հաղթողը՝ եզրափակչում կատարելով «Վեսթսայդյան պատմություն» մյուզիքլից «Somewhere» երգը և այսպիսով դառնալով առաջին եթերաշրջանից մասնակիցների մարզիչ Քրիստինա Ագիլերայի թիմից առաջին հաղթողը^[3]։

Անձնական կյանք[խմբագրել | խմբագրել կոդը]

2012-2018 թվականներին Էլիսոնն ամուսնացած է եղել մրգերի արտահանող և «օճառային օպերաների» (տնային տնտեսուհիների համար նախատեսված սերիալներ) նախկին դերասան Բրայան Օթենրիթի հետ։ Ունեցել են երկու երեխա՝ որդին՝ Մեյսոն Բլեյզ Օթենրիթը (ծնված 2012 թվականի հուլիսի 7-ին)^[4], և դուստրը՝ Արիա Սեյջ Օթենրիթը (ծնված 2014 թվականի մայիսի 8-ին)^[5]։

2014 թվականի սեպտեմբերին Էլիսոնն իր բլոգում խոստովանել է, որ երկար ժամանակ կախվածություն է ունեցել ալկոհոլից և թմրադեղերից, բայց 2007 թվականի հոկտեմբերի 28-ից պահպանում է ժուժկալություն, մինչև 2011 թվականն այցելել է «անանուն հարբեցողների» ակումբ^[6]։

Ֆիլմագրություն[խմբագրել | խմբագրել կոդը]

Տարի		Հայերեն անվանում	Բնօրինակ անվանում	Դեր
1987	ս		Pee-wee's Playhouse	Լիլ Փանկին
1987	ս	«Ես կնվաճեմ Մանհեթենը»	I'll Take Manhattan	Փոքրիկ Մաքսի
1987	ս	«Ընտանեկան կապեր»	Family Ties	Երեխա
1988	ֆ		Homesick	Մեգի
1989	ֆ	«Ծնողներ»	Parenthood	Թեյլոր
1989	ս		Chicken Soup	Մոլի Փիրս
1990	ֆ	«Ստելլա»	Stella	Ջենի (8 տարեկանում)
1990	ֆ	«Ես սիրում եմ քեզ մինչև մահ»	I Love You To Death	Կառլա Բոկա
1990	ս		Perfect Strangers	Թես Հոլանդ
1990	հֆ		When You Remember Me	Քեփլի
1991	ս	«Ոսկե աղջիկները»	The Golden Girls	Մելիսա
1991	ֆ	«Խուճուճիկ Սյուն»	Curly Sue	Սյու
2001	ս	«Հագուստը հանած»	Undressed	Բելինդա
2003	ֆ		Shrink Rap	Բրենդի
2006	ֆ	«Տասը հրամանները. Երաժիշտը»	The Ten Commandments: The Musical	Միրիամ
2008	ֆ	«Ծանոթացեք՝ Դեյվ»	Meet Dave	Կորդեբալետի պարուհի
2011	մս		Teen Titans	Starfire

Սկավառակգրություն[խմբագրել | խմբագրել կոդը]

2009՝ Alisan Porter^[7]

Մրցանակներ և անվանակարգեր[խմբագրել | խմբագրել կոդը]

Մրցանակներ[խմբագրել | խմբագրել կոդը]

1993՝ «Երիտասարդ դերասան» մրցանակ` «Ֆիլմում գլխավոր դերի լավագույն երիտասարդ դերասանուհի»՝ «Գանգրահեր Սյու» ֆիլմի համար։

Առաջադրումներ[խմբագրել | խմբագրել կոդը]

1992՝ «Երիտասարդ դերասան» մրցանակ` «Սերիալում երկրորդական դերի լավագույն երիտասարդ դերասանուհի»՝ «Ոսկե աղջիկներ» սերիալի համար։

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Movie Database — 1990.
↑ «The Truth about Alisan Porter.» Արխիվացված 2009-04-12 Wayback Machine. Журнал «Movmnt».
↑ Lorena Blas (2016 թ․ մայիսի 25). «'The Voice' Season 10 winner is Alisan Porter» (իտալերեն). USA Today. Վերցված է 2016 թ․ հուլիսի 8-ին.
↑ «Alisan Porter Welcomes Son Mason Blaise». People. 2012 թ․ հուլիսի 17. Արխիվացված է օրիգինալից 2012 թ․ օգոստոսի 9-ին. Վերցված է 2012 թ․ հուլիսի 17-ին.
↑ SHE’S HERE!!(չաշխատող հղում)
↑ Lara Gusatto (2014 թ․ սեպտեմբերի 12). «Alisan Porter, alias Trucioli di La tenera canaglia: 'Sono una alcolizzata'» (իտալերեն). TVZap. Վերցված է 2014 թ․ սեպտեմբերի 15-ին.
↑ CDbaby.com.Alisan Porter Album

Արտաքին հղումներ[խմբագրել | խմբագրել կոդը]

«Портер исполняет первую свою песню в финале четырёх шоу Голос - Down That Road» (իտալերեն). YouTube. Վերցված է 2016 թ․ հուլիսի 8-ին.

Վիքիպահեստն ունի նյութեր, որոնք վերաբերում են «Էլիսոն Փորթեր» հոդվածին։

[_6e09a7db3b65ea81-1] 1,0 ^1,1 Internet Movie Database — 1990.

[2] «The Truth about Alisan Porter.» Արխիվացված 2009-04-12 Wayback Machine. Журнал «Movmnt».

[3] Lorena Blas (2016 թ․ մայիսի 25). «'The Voice' Season 10 winner is Alisan Porter» (իտալերեն). USA Today. Վերցված է 2016 թ․ հուլիսի 8-ին.

[4] «Alisan Porter Welcomes Son Mason Blaise». People. 2012 թ․ հուլիսի 17. Արխիվացված է օրիգինալից 2012 թ․ օգոստոսի 9-ին. Վերցված է 2012 թ․ հուլիսի 17-ին.

[5] SHE’S HERE!!(չաշխատող հղում)

[6] Lara Gusatto (2014 թ․ սեպտեմբերի 12). «Alisan Porter, alias Trucioli di La tenera canaglia: 'Sono una alcolizzata'» (իտալերեն). TVZap. Վերցված է 2014 թ․ սեպտեմբերի 15-ին.

[7] CDbaby.com.Alisan Porter Album

[1]

[2]

[3]

[4]

[5]

[6]

[7]