Զավեն Բեկյան
| Զավեն Բեկյան | |
|---|---|
 | |
| Ծնվել է | սեպտեմբերի 20, 1954 (69 տարեկան) |
| Ծննդավայր | Արդվի, Ալավերդու շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Հայաստանի պետական տնտեսագիտական համալսարան |
| Մասնագիտություն | բանաստեղծ |
| Անդամություն | ՀԳՄ և ՊԵՆ ակումբ |
Զավեն Մարտիրոսի Բեկյան (Աղաբեկյան), (սեպտեմբերի 20, 1954, Արդվի, Ալավերդու շրջան, Հայկական ԽՍՀ, ԽՍՀՄ), հայ բանաստեղծ, Հայաստանի գրողների միության անդամ 1991 թվականից։
Կենսագրություն[խմբագրել | խմբագրել կոդը]
Ծնվել է 1954 թվականի սեպտեմբերի 20-ին Լոռու մարզի Արդվի գյուղում։
1976 թվականին ավարտել է Երևանի ժողովրդական տնտեսության ինստիտուտը (այժմ՝ Հայաստանի պետական տնտեսագիտական համալսարան)։ 1976-1989 թվականներին աշխատել է Երևանի քաղխորհրդի գործադիր կոմիտեում։ 1989-2019 թվականներին աշխատել է «Վեոլիա Ջուր» ՓԲԸ–ում։
Գրական գործունեություն[խմբագրել | խմբագրել կոդը]
Զավեն Բեկյանն առաջին անգամ տպագրվել է 1968 թվականին՝ 14 տարեկան հասակում, Ալավերդու պղնձաքիմիական կոմբինատի «Ձուլող» բազմատպաքանակ թերթում։ Այնուհետև տպագրվել է գրական տարբեր պարբերականներում («Գարուն», «Նորք» ամսագրեր, «Գրական թերթ» և այլն), որտեղ տպագրվել են նրա բանաստեղծությունները, պատմվածքները, էսսեները, հրապարակախոսական և գրականագիտական հոդվածները։
Զավեն Բեկյանի բանաստեղծությունները թարգմանվել են ռուսերեն, անգլերեն, գերմաներեն, ֆրանսերեն, պարսկերեն, սերբերեն, վրացերեն և լույս են տեսել տարբեր անթոլոգիաներում։ Մամուլում տպագրել է մանկական բանաստեղծություններ, որոնք առանձին գրքով տպագրության ընթացքում են։ Տպագրել է նաև կարճ պատմվածքների մի ժողովածու («Ժամը չորսը», 2015 թվական)։
Հեղինակ է գրականագիտական, գրաքննադատական և հրապարակախոսական բազմաթիվ հոդվածների։
Գրողների միջազգային ՊԷՆ ընկերակցության անդամ է[1][2]։
Բանաստեղծական ժողովածուներ[խմբագրել | խմբագրել կոդը]
- «Պսակբացեք», Երևան, 1990։
- «Տեսիլք և կյանք», 1993։
- «Անժամության վայր», Երևան, 1996։
- «Ցայգածաղիկ, Երևան», 2002։
- «Ճամփաբաժան», Երևան, 2006։
- «Կավե աշտանակ», Երևան, 2012։
- «Ձայնաշար կամար», 2015։
- «Մենավոր աստղի տակ», 2017։
- «Ծիրանավորը», 2019։
- «Գիսաստղ կյանք», 2020։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Զավեն Բեկյան | Գրանիշ» (ամերիկյան անգլերեն). Վերցված է 2021 թ․ սեպտեմբերի 14-ին.
- ↑ Զավեն Բեկյանի մասին ՀԳՄ կայքում
Արտաքին հղումներ[խմբագրել | խմբագրել կոդը]
- Բարձր գրականություն Արքմենիկ Նիկողոսյանի հետ. Զավեն Բեկյան
- Զավեն Բեկյանի հրապարակումները Գրանիշում
- Զավեն Բեկյան․ «Աստվածուհի Թետիս»․ բանաստեղծություններ Արխիվացված 2021-01-15 Wayback Machine
- Զավեն Բեկյանի հրապարակումները Գրական թերթում
- Զավեն Բեկյան բանաստեղծություններ
 | Վիքիդարանն ունի նյութեր, որոնք վերաբերում են «Զավեն Բեկյան» հոդվածին։ |
| ||||||
