Jump to content

Դոմինգոս Պասիենսիա

Վիքիպեդիայից՝ ազատ հանրագիտարանից
Դոմինգոս Պասիենսիա
Քաղաքացիությունը  Պորտուգալիա
Ծննդյան ամսաթիվ հունվարի 2, 1969(1969-01-02)[1] (55 տարեկան)
Ծննդավայր Leça da Palmeira, Matosinhos e Leça da Palmeira, Մատոզիիուշ, Պորտու, Պորտուգալիա
Հասակ 175 սանտիմետր
Քաշ 63 կիլոգրամ
Դիրք հարձակվող

Դոմինգոս Ժոզե Պասիենսիա Օլիվեյրա (պորտ.՝ Domingos José Paciência Oliveira; հունվարի 2, 1969(1969-01-02)[1], Leça da Palmeira, Matosinhos e Leça da Palmeira, Մատոզիիուշ, Պորտու, Պորտուգալիա), ավելի հայտնի է որպես Դոմինգոս Պասիենսիա կամ Դոմինգոս, պորտուգալացի ֆուտբոլիստ, հարձակվող և մարզիչ։ Պորտուգալիայի հավաքականի կազմում մասնակցել է 35 հանդիպման և դարձել 9 գոլի հեղինակ։ 1996 թվականի Եվրոպայի առաջնության մասնակից։ Ֆուտբոլիստի կարիերան ավարտելուց հետո դարձել է մարզիչ։

Խաղացողի կարիերա[խմբագրել | խմբագրել կոդը]

Ակումբային կարիերա[խմբագրել | խմբագրել կոդը]

13 տարեկանում Դոմինգուշին «Պորտու» են հրավիրել իր հայրենի քաղաքի «Ատլետիկո» ակումբից (Լեսա)։ Նա լավ ռմբարկու էր, բայց ֆիզիկապես շատ թույլ։ 1987/88 մրցաշրջանում «Պորտուն» մարզած և ծերացող Ֆերնանդո Գոմեշին փոխարինող փնտրող Տոմիսլավ Իվիչը ուշադրություն է դարձրել ակումբի ակադեմիայի ֆուտբոլիստին և նրան հրավիրել հիմնական կազմ։

Պորտուգալական լիգայում «Պորտուի» կազմում առաջին հանդիպումը Դոմինգուշն անցկացրել է 1988 թվականի ապրիլի 13-ին՝ 30-րդ տուրի «Էլվաշի» դեմ խաղում։ Հանդիպման 64-րդ րոպեին փոխարինման դուրս գալով՝ Դոմինգուշը բացել է «Պորտուի» կազմում իր գոլերի հաշիվը՝ աչքի ընկնելով 84-րդ րոպեին[2]։ «Պորտուի» կազմում իր առաջին մրցաշրջանում Դոմինգուշը Պորտուգալիայի առաջնությունում մասնակցել է 8 հանդիպման։ Հաջորդ մրցաշրջանում Պասիենսիան առաջնությունում անցկացրել է 26 հանդիպում և խփել 5 գոլ, ընդ որում 1989 թվականի փետրվարի 26-ին կայացած 27-րդ տուրի խաղում «Ֆարենսեի» դեմ խաղում (5:0) կատարել է հեթ-տրիկ[3]։

1989/90 մրցաշրջանում Դոմինգուշ Պասիենսիան ճանաչվել է Պորտուգալիայի տարվա ֆուտբոլիստ։

1995/96 մրցաշրջանում Դոմինգուշը 34 խաղում խփել է 24 գոլ և դարձել առաջնության երկրորդ ռմբարկուն «Բենֆիկայի» Ռույ Ագուաշից հետո։ Այս մրցաշրջանում նա նաև պոկեր է ձևակերպել՝ 4 գոլ խփելով «Վիտորիայի» (Գիմարյես) վերջին տուրում[4], և մեկ հեթ-տրիկ՝ առաջնության 27-րդ տուրում «Վիտորիայի» (Սետուբալ) դեմ խաղում[5]։

1995/96 մրցաշրջանում Դոմինգուշը դարձել է Պորտուգալիայի առաջնության լավագույն ռմբարկու՝ առաջնության 29 խաղում խփելով 25 գոլ։

1997 թվականին Դոմինգուշ Պասիենսիան տեղափոխվեց իսպանական «Տեներիֆե» ակումբ։ Իսպանիայի առաջնությունում պորտուգալացին առաջին հանդիպումն անցկացրել է «Դեպորտիվո Լա Կորունյայի» դեմ առաջնության առաջին տուրում (0:0)՝ փոխարինման դուրս գալով խաղի 65-րդ րոպեին[6]։ Իսպանական Լա Լիգայում իր առաջին գոլը Պասիենսիան անցկացրել է 1998 թվականի հունվարի 4-ին առաջնության 19-րդ տուրում «Վալենսիայի» դեմ խաղում[7]։ Առաջին մրցաշրջանում Պասիենսիան առաջնության 31 խաղում դարձել է 5 գոլի հեղինակ։ Իսկ հաջորդ խաղում անցկացրած 19 անավարտ խաղերում խփել է 1 գոլ։

2000 թվականին Պասիենսիան վերադարձավ «Պորտու», սակայն երկու մրցաշրջաններում բոլոր մրցաշարերում 10 գոլ խփելով «դրակոնների» կազմում՝ որոշեց ավարտել ֆուտբոլիստի կարիերան։

Միջազգային կարիերա[խմբագրել | խմբագրել կոդը]

Դոմինգուշ Պասիենսիան Պորտուգալիայի հավաքական է հրավիրվել 1989 թվականին։ Իր առաջին գոլն անցկացրել է 1990 թվականի դեկտեմբերի 19-ին ԱՄՆ-ի հավաքականի դեմ ընկերական խաղում։ Մասնակցել է Եվրոպայի և աշխարհի առաջնությունների ընտրական մրցաշարերին։ Մասնակցել է 1996 թվականի Եվրոպայի ֆուտբոլի առաջնությանը, որտեղ անցկացրել է 3 խաղ և խփել 1 գոլ։ Ընդհանուր առմամբ, Պասիենսիան Պորտուգալիայի հավաքականի կազմում անցկացրել է 35 հանդիպում, որոնցում խփել է 9 գոլ։

Մարզչի կարիերա[խմբագրել | խմբագրել կոդը]

«Ունիան Լեյրիա» և «Ակադեմիկա»[խմբագրել | խմբագրել կոդը]

Ֆուտբոլիստի կարիերան ավարտելուց հետո Դոմինգուշը նշանակվել է «Պորտուի» երիտասարդական թիմի մարզիչ, իսկ ավելի ուշ՝ պահեստային թիմի մարզիչ։ 2006 թվականին Դոմինգուշը գլխավորել է պորտուգալական լիգայի առաջին դիվիզիոնի «Ունիան Լեյրիա» ակումբը։ Նա նաև ֆուտբոլային դպրոց է բացել Մատոզինյուշում՝ «Պորտուում» իր նախկին գործընկեր Ռույ Բարուշի հետ համատեղ։

Չնայած լավ աշխատանքին («Լեյրիան» 7-րդ տեղում էր), Դոմինգուշը լքել է ակումբը մինչև մրցաշրջանի ավարտը, քանի որ վիճել է ակումբի նախագահի և թիմի խաղացողներից մեկի հետ[8]։

Հաջորդ մրցաշրջանում՝ 2007 թվականի սեպտեմբերի 11-ին, Դոմինգուշը դարձավ Կոիմբրայի «Ակադեմիկայի» գլխավոր մարզիչը այն բանից հետո, երբ Մանուել Մաչադոն հրաժարական տվեց։ Մրցաշրջանի արդյունքներով «Ակադեմիկան» զբաղեցրել է 13-րդ տեղը։ Ակումբի երկրորդ մրցաշրջանում նա «ուսանողներին» տարավ Պորտուգալիայի լիգայի 7-րդ տեղ՝ լավագույնը վերջին 24 տարվա ընթացքում։

«Բրագա»[խմբագրել | խմբագրել կոդը]

2009 թվականի հունիսին Պասիենսիան հրավիրվել է «Բրագա» ֆուտբոլային ակումբի գլխավոր մարզչի պաշտոնին՝ Ժորժ Ժեզուշի «Բենֆիկա» տեղափոխվելուց հետո։

Ակումբը մեկնարկել է Եվրոպա լիգայում, սակայն երրորդ տուրում պարտվել է շվեդական «Էլֆսբորգին» երկու հանդիպումների արդյունքում։ Մրցաշրջանի ավարտին Պասիենսիան «Բրագային» բերեց առաջնության երկրորդ տեղ, որը լավագույնն էր ակումբի պատմության մեջ և առաջին անգամ հասավ Չեմպիոնների լիգայում ակումբի հետ հանդես գալու իրավունքին։ «Բրագան» դարձել է 5-րդ ակումբը երկրում, որն իրավունք է ստացել մասնակցելու Եվրոպական ակումբային գլխավոր մրցաշարին։ Մրցաշարի նախնական փուլերում «զինագործները» երկու հանդիպումների արդյունքում հաղթել են «Սելտիկին» (4:2) և «Սևիլիային» (5:3) և դուրս եկել մրցաշարի խմբային փուլ։ Խմբում անցկացրած 6 խաղերի արդյունքում «Բրագան» տարել է 3 հաղթանակ և գրավել 3-րդ տեղը՝ մրցաշարից դուրս գալով Եվրոպա Լիգա։ Դրանում «զինագործները» հասել են մրցաշարի եզրափակիչ՝ հաղթելով լեհական «Լեխին», անգլիական «Լիվերպուլին», Կիևի «Դինամոյին» և Լիսաբոնի «Բենֆիկային»։

«Սպորտինգ» Լիսաբոն[խմբագրել | խմբագրել կոդը]

2011 թվականի մայիսի 23-ին նշանակվել է «Սպորտինգ» ակումբի (Լիսաբոն) գլխավոր մարզիչ[9]։ 2012 թվականի փետրվարի 13-ին փոխադարձ համաձայնությամբ հեռացվել է զբաղեցրած պաշտոնից ակումբի անբավարար արդյունքների համար (5-րդ տեղ Պորտուգալիայի առաջնության 18-րդ տուրից հետո 2011/12[10][11])։ Այս պաշտոնում Պասիենսիայի իրավահաջորդը Ռիկարդու Սա Պինտուն էր։

Ձեռքբերումներ[խմբագրել | խմբագրել կոդը]

Թիմային[խմբագրել | խմբագրել կոդը]

  • Պորտուգալիայի չեմպիոն (7)՝ 1987/88, 1989/90, 1991/92, 1992/93, 1994/95, 1995/96, 1996/97
  • Պորտուգալիայի գավաթակիր (5)՝ 1987/88, 1990/91, 1993/94, 1999/2000, 2000/01
  • Պորտուգալիայի Սուպերգավաթակիր (6)՝ 1991, 1992, 1994, 1995, 1999, 2000

Մարզչական[խմբագրել | խմբագրել կոդը]

«Բրագա»

ՈՒԵՖԱ Եվրոպայի լիգայի եզրափակչի մասնակից՝ 2010/11

Անհատական[խմբագրել | խմբագրել կոդը]

  • Պորտուգալիայի տարվա ֆուտբոլիստ՝ 1990
  • Պորտուգալիայի առաջնության լավագույն ռմբարկու՝ 1996

Ելույթների վիճակագրություն[խմբագրել | խմբագրել կոդը]

Խաղացող[խմբագրել | խմբագրել կոդը]

Ակումբային կարիերա
Ակումբ Մրցաշրջան Առաջնություն Գավաթ Այլ[12] Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Պորտու 1987/88 8 1 0 0 0 0 8 1
1988/89 26 5 0 0 2 0 28 5
1989/90 13 1 0 0 0 0 13 1
1990/91 34 24 1 2 0 0 35 26
1991/92 24 4 1 0 2 0 27 4
1992/93 30 9 2 0 3 0 35 9
1993/94 20 6 0 0 1 1 21 7
1994/95 32 19 0 0 3 2 35 21
1995/96 29 25 2 0 3 2 34 27
1996/97 16 2 1 0 1 1 18 3
Ընդհանուր 232 97 7 2 15 6 254 105
Տեներիֆե 1997/98 31 5 0 0 0 0 31 5
1998/99 19 1 0 0 0 0 19 1
Ընդհանուր 50 6 0 0 0 0 50 6
Պորտու 1999/2000 21 6 1 0 9 1 31 7
2000/01 10 3 0 0 1 0 11 3
Ընդհանուր 31 9 1 0 10 1 42 10
Ընդհանուր կարիերայի ընթացքում 313 112 8 2 25 7 346 121

Գոլերը հավաքականում[խմբագրել | խմբագրել կոդը]

# Ամսաթիվ Վայր Հակառակորդ Հաշիվ Արդյունք Մրցույթ
01. Դեկտեմբերի 19, 1990 Մայա, Պորտուգալիա Ամերիկայի Միացյալ Նահանգներ ԱՄՆ 1:0 1:0 Ընկերական հանդիպում
02. Սեպտեմբերի 7, 1994 Բելֆաստ, Հյուսիսային Իռլանդիա Հյուսիսային Իռլանդիա Հյուսիսային Իռլանդիա 1:2 1:2 Ֆուտբոլի Եվրոպայի առաջնություն 1996 (ընտրական մրցաշար)
03. Դեկտեմբերի 18, 1994 Լիսաբոն, Պորտուգալիա Լիխտենշտայն Լիխտենշտայն 1:0 8:0 Ֆուտբոլի Եվրոպայի առաջնություն 1996 (ընտրական մրցաշար)
04. Դեկտեմբերի 18, 1994 Լիսաբոն, Պորտուգալիա Լիխտենշտայն Լիխտենշտայն 2:0 8:0 Ֆուտբոլի Եվրոպայի առաջնություն 1996 (ընտրական մրցաշար)
05. Հունիսի 3, 1995 Պորտու, Պորտուգալիա Լատվիա Լատվիա 3:0 3:2 Ֆուտբոլի Եվրոպայի առաջնություն 1996 (ընտրական մրցաշար)
06. Օգոստոսի 15, 1995 Էշեն, Լիխտենշտայն Լիխտենշտայն Լիխտենշտայն 0:1 0:7 Ֆուտբոլի Եվրոպայի առաջնություն 1996 (ընտրական մրցաշար)
07. Սեպտեմբերի 3, 1995 Պորտու, Պորտուգալիա Հյուսիսային Իռլանդիա Հյուսիսային Իռլանդիա 1:0 1:1 Ֆուտբոլի Եվրոպայի առաջնություն 1996 (ընտրական մրցաշար)
08. Հունիսի 19, 1996 Նոթինգհեմ, Անգլիա Խորվաթիա Խորվաթիա 0:3 0:3 Ֆուտբոլի Եվրոպայի առաջնություն 1996
09. Օգոստոսի 20, 1997 Սետուբալ, Պորտուգալիա Հայաստան Հայաստան 1:0 3:1 Ֆուտբոլի աշխարհի առաջնություն 1998 (ընտրական մրցաշար)

Ընդհանուր՝ 9 գոլ՝ 8 հաղթանակ, 1 ոչ-ոքի:
Источник: rsssf.com Արխիվացված է Փետրվար 15, 2009 Wayback Machine-ի միջոցով:

Մարզիչ[խմբագրել | խմբագրել կոդը]

Թիմ Երկիր Ամսաթիվ Ամսաթիվ Record
Խ Հ Ո Պ % հաղթանակ
Ունիան Լեյրիա Պորտուգալիա Մայիսի 18, 2006 Մարտի 30, 2007 24 9 6 9 37.5
Ակադեմիկա (Կոիմբրա) Պորտուգալիա Սեպտեմբերի 12, 2007 Մայիսի 26, 2009 65 19 24 22 29.23
Բրագա Պորտուգալիա Հունիսի 23, 2009 Մայիսի 18, 2011 85 50 12 23 58.82
Սպորտինգ (Լիսաբոն) Պորտուգալիա Հուլիսի 1, 2011 Փետրվարի 13, 2012 33 18 9 6 54.55
Ընդհանուր 207 96 51 60 46.38
  • Թարմացվել է 2012 թվականի փետրվարի 13-ին:

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ FC Porto 4-0 O Elvas(չաշխատող հղում)
  3. ↑ FC Porto 5-0 Farense(չաշխատող հղում)
  4. ↑ FC Porto 5-0 V. Guimarães(չաշխատող հղում)
  5. ↑ FC Porto 4-1 V. Setúbal(չաշխատող հղում)
  6. ↑ Tenerife 0-0 Deportivo(չաշխատող հղում)
  7. ↑ Valencia 1-2 Tenerife(չաշխատող հղում)
  8. ↑ Domingos abandona equipa
  9. ↑ «Domingos Paciência é o novo treinador» (պորտուգալերեն). Site oficial do Sporting Clube de Portugal. 2011 թ․ մայիսի 23. Արխիվացված է օրիգինալից 2012 թ․ հուլիսի 28-ին. Վերցված է 2011 թ․ մայիսի 23-ին.
  10. ↑ «Comunicado» (պորտուգալերեն). Site oficial do Sporting Clube de Portugal. 2012 թ․ փետրվարի 13. Արխիվացված է օրիգինալից 2012 թ․ հունիսի 7-ին. Վերցված է 2012 թ․ փետրվարի 19-ին.
  11. ↑ «Sporting entlasst Domingos» (գերմաներեն). transfermarkt.de. 2012 թ․ փետրվարի 13. Արխիվացված օրիգինալից 2012 թ․ հուլիսի 28-ին. Վերցված է 2012 թ․ փետրվարի 19-ին.
  12. ↑ Суперкубок Португалии, Лига чемпионов УЕФА.

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Դոմինգոս_Պասիենսիա&oldid=9989963» էջից