Դմիտրի Յակովենկո

Վիքիպեդիայից՝ ազատ հանրագիտարանից
Jump to navigation Jump to search
Դմիտրի Օլեգովիչ Յակովենկո
Дмитрий Олегович Яковенко
Jakovenko Dmitry.jpg
Պետություն(ներ)Flag of Russia.svg Ռուսաստան
Ծննդյան ամսաթիվհունիսի 28, 1983(1983-06-28)[1][2][3] (36 տարեկան)
ԾննդավայրՕմսկ
ԿոչումԳրոսմայստեր (2001)
Միջազգային վարպետ (1998)
Առավելագույն վարկանիշ2760 (2009, հուլիս)
Ներկայիս վարկանիշ2681 (սեպտեմբեր, 2019)
ՖԻԴԵ համար4122356
365chessDmitrij_Jakovenko
Dmitry Jakovenko Վիքիպահեստում

Դմիտրի Օլեգովիչ Յակովենկո (ռուս.՝ Дмитрий Олегович Яковенко, հունիսի 28, 1983(1983-06-28)[1][2][3], Օմսկ, ՌԽՖՍՀ, ԽՍՀՄ[4][5][6]), ռուս շախմատիստ, գրոսմայստեր (2001)։ Եվրոպայի չեմպիոն (2012)։ Ռուսաստանի հավաքականի կազմում աշխարհի թիմային առաջնության (2010), Եվրոպայի թիմային առաջնության (2007) հաղթող, համաշխարհային օլիմպիադայի արծաթե մեդալակիր (2012)։ Ռուսաստանի գավաթակիր (2013)։

Կենսագրություն[խմբագրել | խմբագրել կոդը]

Դմիտրի Յակովենկոն ծնվել է Օմսկում, բայց մանկությունն անցկացրել է Նիժնևարտովսկում։

Յակովենկոն շախմատ խաղում է երեք տարեկանից։ Շախմատային առաջին ուսուցիչը եղել է հայրը, որը խաղացել է առաջինկարգայինի - վարպետության թեկնածուի մակարդակով։ Յոթ տարեկանում Դիման դարձել է առաջինկարգային, 14-ում՝ միջազգային վարպետ։ Յակովենկոյի մարզիչն է եղել Ալեքսանդր Նիկիտինը։

Դմիտրի Յակովենկոն դպրոցն ավարտել է ոսկե մեդալով։ Նա հետաքրքրվում էր ճշգրիտ գիտություններով՝ մաթեմատիկայով և ֆիզիկայով։ Հաղթել է Սիբիրի գոտու Համառուսաստանյան մաթեմատիկական օլիմպիադայում։ Դպրոցն ավարտելուց հետո, 1999 թվականին, Դմիտրի Յակովենկոն ընդունվել է Մոսկվայի պետական համալսարանի հաշվողական մաթեմատիկայի և կիբեռնետիկայի ֆակուլտետ։ 2004 թվականին նա համալսարանն ավարտել է կարմիր դիպլոմով։

1999 թվականին Յակովենկոն երկրորդ տեղը զբաղեցրեց մինչև 16 տարեկան պատանիների շախմատի աշխարհի առաջնությունում։ 2001 թվականին դարձավ մինչև 18 տարեկան պատանիների աշխարհի չեմպիոն։

2002 թվականին Յակովենկոն բաժանել է առաջին տեղը Պարդուբիցեի բաց մրցաշարում։ 2005 թվականին նա հաղթել է Մոնրեալի մրցաշարում և զբաղեցրել երկրորդ տեղը Ռուսաստանի առաջնությունում։ 2006 թվականին Յակովենկոն կրկին դարձավ Ռուսաստանի առաջնության արծաթե մեդալակիր։ Ռուսաստանի առաջնության 2006 թվականի գերեզրափակչում Յակովենկոն հավասար միավորներով առաջին տեղը բաժանեց Եվգենի Ալեքսեևի հետ, սակայն նրան զիջեց արագ շախմատի լրացուցիչ մրցախաղում։ 2007 թվականի հունվարին Յակովենկոն երկրորդ տեղը զբաղեցրեց Վեյկ ան Զեյի «В» մրցաշարում, իսկ նույն թվականի մարտին երկրորդ տեղը բաժանեց (կրկին Եվգենի Ալեքսեևի հետ) «Աերոֆլոտ Օփեն» բաց մրցաշարում։ 2007 թվականի մարտին Յակովենկոն հաղթեց Պոյկովսկու մրցաշարում։

2007 թվականի նոյեմբերին Դմիտրի Յակովենկոն Ռուսաստանի հավաքականի կազմում դարձավ Եվրոպայի չեմպիոն։

2012 թվականի մարտին Դմիտրին դարձավ Պլովդիվում (Բուլղարիա) կայացած Եվրոպայի անհատական առաջնության միանձնյա հաղթող՝ 11 հնարավորից 8½ միավոր արդյունքով։

Ամենաբարձր վարկանիշը՝ 2760, ունեցել է 2009 թվականի սեպտեմբերին։ Այդ պահին նա աշխարհում հինգերորդ և Ռուսաստանում առաջին շախմատիստն էր։

Մարզական նվաճումներ[խմբագրել | խմբագրել կոդը]

Թվական Քաղաք Մրցաշար + = Արդյունք Տեղ
2000 Սամարա Ռուսաստանի 53-րդ առաջնություն 5 3 3 6½ 11-ից 8—18
2001 Էլիստա Ռուսաստանի 54-րդ առաջնություն 1 0 8 5 9-ից 21—26
2002 Կրասնոդար Ռուսաստանի 55-րդ առաջնություն 3 3 3 4½ 9-ից 21—31
2003 Կրասնոյարսկ Ռուսաստանի 56-րդ առաջնություն 3 1 5 5½ 9-ից 11—19
2005 Մոսկվա Ռուսաստանի 58-րդ առաջնություն 3 1 7 6½ 11-ից 2—3
2006 Մոսկվա Ռուսաստանի 59-րդ առաջնություն 5 1 5 7½ 11-ից 2[7]
2007 Ֆորոս 2-րդ միջազգային մրցաշար 1 3 7 4½ 11-ից
Մոսկվա Ռուսաստանի 60-րդ առաջնություն 2 2 7 5½ 11-ից 8
2008 Ֆորոս 3-րդ միջազգային մրցաշար 2 2 7 5½ 11-ից 6
Պոյկովսկի 9-րդ միջազգային մրցաշար 2 0 7 5½ 9-ից 2
Սոչի Գրան պրի 2 1 10 7 13-ից 5—7
Մոսկվա Ռուսաստանի 61-րդ առաջնություն 4 1 6 7 11-ից 2—3
Էլիստա Գրան պրի 3 0 10 8 13-ից 1—3
2009 Դորտմունդ 37-րդ միջազգային մրցաշար 2 1 7 5½ 10-ից 4
Ջերմուկ Գրան պրի 1 4 8 5 13-ից 11—12
Նանկին 2-րդ միջազգային մրցաշար 1 3 6 4 10-ից 4—6
Մոսկվա Ռուսաստանի 62-րդ առաջնություն 2 2 5 4½ 9-ից 5
2010 Պոյկովսկի 11-րդ միջազգային մրցաշար 4 2 5 6½ 9-ից 3
Աստրախան Գրան պրի 1 0 12 7 13-ից 2—6
Մոսկվա Ռուսաստանի 63-րդ առաջնություն 0 1 10 5 11-ից 7—10
2011 Մոսկվա Աերոֆլոտ Օփեն 5½ 9-ից
2012 Պլովդիվ Եվրոպայի 13-րդ առաջնություն 6 0 5 8½ 11-ից 1
2014 Պոյկովսկի 15-րդ միջազգային մրցաշար 3 1 5 5½ 9-ից 2

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]