Դեպի աղբյուր (նկար)
 | |
|---|---|
| տեսակ | գեղանկար |
| նկարիչ | Մարտիրոս Սարյան |
| տարի | 1926 |
| բարձրություն | 48 սանտիմետր |
| լայնություն | 64 սանտիմետր |
| նյութ | կտավ և յուղաներկ |
| գտնվում է | Մարտիրոս Սարյանի տուն-թանգարան |
| հավաքածու | Մարտիրոս Սարյանի տուն-թանգարան |
| սեփականատեր | Մարտիրոս Սարյանի տուն-թանգարան |
պատկերված են
| |
| կայք | |
Ծանոթագրություններ | |
«Դեպի աղբյուր», հայ մեծ նկարիչ Մարտիրոս Սարյանի 1926 թվականին ստեղծած կտավը, որը գտնվում է Սարյանի տուն-թանգարանում[1][2]։ Կտավը Սարյանը վրձնել է Փարիզում։
Նկարագրություն[խմբագրել | խմբագրել կոդը]
1924 թվականին Վենետիկի բիենալեում հաջողություններ ունենալուց հետո, 1926 թվականին Սարյանը ուղևորվել է դեպի Փարիզ, որտեղ մոտ երկու տարի ապրել և ստեղծագործել է, պատրաստվել իր անհատական ցուցահանդեսին, որը բացվել է 1928 թվականի հունվարին, Փարիզի «Ժերար» պատկերասրահում։
«Դեպի աղբյուր» կտավում Սարյանը պատկերել է կուժն ուսին դեպի աղբյուրը գնացող հայ կնոջ, որը դիտողին հիշեցնում է «Քայլող կինը» նկարի եգիպտուհուն։ Կտավը ստեղծված է լայն վրձնահարվածներով` կապույտ, նարնջագույն, դեղին, կանաչ գույների համադրությամբ։
Փարիզում ստեղծված նկարների մեծ մասը տունդարձի ճանապարհին այրվել են Կոստանդնուպոլսի նավահանգստում «Ֆրիժի» նավի վրա[3]։ Պահպանվել են այն գործերը, որոնք վարպետը իր հետ բերել է գնացքով, նվիրել կամ վաճառել է Փարիզում։ «Դեպի աղբյուր» կտավը 1978 թվականին Մարտիրոս Սարյանի թանգարանին է նվիրաբերել ամերիկահայ հավաքորդ Հ. Հազարյանը։
2012 թվականին «Պլաստովյան աշուն» միջազգային ասամբլեայի շրջանակում «Դեպի աղբյուր» կտավը, Սարյանի մի շարք այլ ստեղծագործությունների հետ, ցուցադրվել է Ուլյանովսկի Պլաստովի անվան ժամանակակից կերպարվեստի թանգարանում[4]։
Տվյալներ[խմբագրել | խմբագրել կոդը]
- Դեպի աղբյուր 1926, կտավ, յուղաներկ, 48 х 64 սմ, Մարտիրոս Սարյանի տուն-թանգարան, Երևան
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «ՄԱՐՏԻՐՈՍ ՍԱՐՅԱՆԻ ՏՈՒՆ-ԹԱՆԳԱՐԱՆ». www.sarian.am (բրիտանական անգլերեն). Վերցված է 2017 թ․ ապրիլի 1-ին.
- ↑ «Դեպի աղբյուր - Հայկական գանձարան». Հայկական գանձարան. Արխիվացված է օրիգինալից 2019 թ․ դեկտեմբերի 24-ին. Վերցված է 2017 թ․ ապրիլի 1-ին.
- ↑ Շահեն Խաչատրյան «Մարդը բնություն է, բնությունը` մարդ», «Հայաստան», 1970, Երևա
- ↑ «Սարյանի կտավները կցուցադրվեն Ուլյանովսկում՝ նկարչի բարեկամ Պլաստովի թանգարանում». www.civilnet.am. Վերցված է 2017 թ․ ապրիլի 1-ին.