Գևորգ Մարտիրոսյան (ջութակահար)
Սա հոդված է վերջերս մահացած մարդու մասին: Որոշակի տեղեկությունները, ինչպիսիք են՝ մահվան կամ դրան նախորդող իրադարձությունների հանգամանքները, կարող են հաճախակի փոփոխվել՝ կախված այդ հանգամանքների ի հայտ գալուց: Այն դեպքում, երբ ապակառուցողական խմբագրումներ են եղել, դիմե՛ք ադմինիստրատորներին: |
Անվան այլ կիրառումների համար տե՛ս՝ Գևորգ Մարտիրոսյան (այլ կիրառումներ)
Գևորգ Մարտիրոսյան | |
---|---|
![]() | |
Հիմնական տվյալներ | |
Ծնվել է | դեկտեմբերի 9, 1954 |
Երկիր | ![]() |
Մահացել է | հունիսի 11, 2024 (69 տարեկան) Բլումինգթոն, Ինդիանա, ԱՄՆ |
Մասնագիտություն | ջութակահար |
Գործիքներ | ջութակ |
Աշխատավայր | Ինդիանայի համալսարան |
Կրթություն | Գիլդհոլի երաժշտության և թատրոնի դպրոց |
Գևորգ Մարտիրոսյան (անգլ.՝ Kevork Mardirossian, դեկտեմբերի 9, 1954 - հունիսի 11, 2024, Բլումինգթոն, Ինդիանա, ԱՄՆ), ամերիկահայ ջութակահար, Ինդիանայի համալսարանի երաժշտության պրոֆեսոր։ Մարտիրոսյանը եղել է Պլովդիվի ֆիլհարմոնիկ նվագախմբի և Բաթոն Ռուժի սիմֆոնիկ նվագախմբի կոնցերտմայստեր[1][2][3] և Կենտրոնական Արկանզասի համալսարանում՝ ջութակի պրոֆեսոր։
Կենսագրություն[խմբագրել | խմբագրել կոդը]
Գևորգ Մարտիրոսյանը ծնվել է 1954 դեկտեմբերի 9-ին։ Նրա առաջին մենահամերգը կայացել է տասներկու տարեկանում։ Երաժշտական կրթությունը ստացել է Դոբրին Պետկովի անվան դպրոցում և Բուլղարիայի պետական կոնսերվատորիայում, իսկ ավելի ուշ՝ Լոնդոնի Գիլդհոլի երաժշտության և թատրոնի դպրոցում[4]։
Նրա կարիերան սկսվել է 1978 թվականին Բուլղարիայում կայացած Օբրետենովի անվան ջութակի մրցույթում և 1979 թվականին Կատյա Պոպովայի միջազգային մրցույթում տարած հաղթանակներից հետո, որտեղ նա արժանացել է ոսկե մեդալների, ինչպես նաև՝ 1985-1986 թվականներին գործընկերոջ՝ դաշնակահար Լի Ֆիլիպսի հետ կամերային երաժշտության մի քանի միջազգային մրցույթներում հաղթանակից հետո։ Հետագայում նա դարձել է միջազգային բազմաթիվ մրցույթների ժյուրիի մշտական հրավիրյալ անդամ[4]։
1980-1988 թվականներին Մարտիրոսյանն աշխատել է որպես Բուլղարիայի Պլովդիվ քաղաքի ֆիլհարմոնիկ նվագախմբի կոնցերտմայստեր և հանդես է եկել որպես համերգային մենակատար, կամերային երաժիշտ ողջ Բուլղարիայում, ինչպես նաև նախկին Խորհրդային Միությունում և Արևելյան Եվրոպայում[4]։
1988 թվականին Մարտիրոսյանը տեղափոխվել է ԱՄՆ և սկսել է ելույթ ունենալ Մեծ Բրիտանիայում, Իտալիայում և Ֆրանսիայում, իսկ 1992 թվականին առաջին անգամ ելույթ է ունեցել Լոնդոնի Քարնեգի հոլում[4]։
1988-1990 թվականներին Մարտիրոսյանը եղել է Բաթոն Ռուժի սիմֆոնիկ նվագախմբի կոնցերտմայստերը, որից հետո նշանակվել է Կենտրոնական Արկանզասի համալսարանի ջութակի գծով մշտական արտիստ։ Այնտեղ նա դաշնակահար Լի Ֆիլիպսի և թավջութակահար Ֆելիս Ֆարելի հետ հիմնադրել է Kapelle Trio-ն, ինչպես նաև 1998 թվականին՝ Հեբեր Սփրինգս կամերային երաժշտության փառատոնը և վարպետության դասընթացները[4]։
Մարտիրոսյանը 1995 թվականին Բաթոն Ռուժում նշանակվել է Լուիզիանայի պետական համալսարանի (LSU) երաժշտության և թատրոնի քոլեջի ջութակի պրոֆեսոր և լարային բաժնի վարիչ։ LSU-ում նա ստացել է մրցանակներ՝ ի նշան իր դասավանդման աշխատանքի, ներառյալ LSU-ի վաստակավոր դասավանդողի մրցանակը, LSU-ի երաժշտական դպրոցի մրցանակը դասավանդման գերազանցության համար և LSU-ի Սան Դիեգո II-ի շրջանավարտների պրոֆեսորի կոչումը[4]։
Մարտիրոսյանը որպես հրավիրյալ արտիստ հանդես է եկել միջազգային երաժշտական փառատոներում՝ Չելթնհեմում (Մեծ Բրիտանիա), «Մշակույթի եվրոպական ամիսներ»-ում, Կամերային երաժշտության միջազգային փառատոնում (Պլովդիվ, Բուլղարիա), Չեխական փառատոնում (Տրենտո, Իտալիա) և Սոֆիայի երաժշտական շաբաթներին (Բուլղարիա)[4]։
Մարտիրոսյանը IU Jacobs երաժշտական դպրոցում աշխատանքի է անցել 2008 թվականին։ Նա համարվել է ջութակի հարգված մանկավարժ և ավելի քան 100 անվանի ուսանողների նվիրված մանկավարժ, որոնցից շատերը ազգային և միջազգային մրցույթների հաղթողներ են։ Նրա սաներից շատերը որպես կոնցերտմայստերներ և ղեկավարներ աշխատում են աշխարհի առաջատար նվագախմբերում, ինչպես նաև դասավանդում են Ամերիկայի Միացյալ Նահանգների, Եվրոպայի և Ասիայի համալսարաններում[4]։
Գևորգ Մարտիրոսյանը մահացել է 2024 թվականի հունիսի 11-ին Ինդիանա նահանգի Բլումինգթոն քաղաքում[4]։
Ծանոթագրություններ[խմբագրել | խմբագրել կոդը]
- ↑ «Kevork Mardirossian». indiana.edu. Վերցված է 2017 թ․ մայիսի 10-ին.
- ↑ «Kevork Mardirossian». iu.edu. Վերցված է 2017 թ․ մայիսի 10-ին.
- ↑ «Kevork Mardirossian appointed to faculty». iu.edu. Վերցված է 2017 թ․ մայիսի 10-ին.
- ↑ 4,0 4,1 4,2 4,3 4,4 4,5 4,6 4,7 4,8 Indiana University violin professor Kevork Mardirossian has died. The Strad, 14 Jun 2024. Retrieved 2024-06-14.