Գրեգորի Ալան Իսակով

Վիքիպեդիայից՝ ազատ հանրագիտարանից
Գրեգորի Ալան Իսակով
Gregory Alan Isakov performs at The Fillmore in San Francisco on February 14 2019 (cropped).jpg
Գրեգորի Ալան Իսակովի ելույթը Սան Ֆրանցիսկոյում, 2019 թվականի փետրվարի 14
Հիմնական տվյալներ
Ծնվել էհունվարի 1, 1979(1979-01-01) (44 տարեկան)
Յոհաննեսբուրգ, Տրանսվաալ, ՀԱՀ
ԵրկիրFlag of the United States.svg ԱՄՆ
Ժանրեր
  • Ժամանակակից ռոք
  • ինդի ֆոլք[1]
  • քանթրի ֆոլք
Մասնագիտությունհեղինակ-կատարող և երաժիշտ
ԿրթությունNaropa University?
Կայքgregoryalanisakov.com
Commons-logo.svg Gregory Alan Isakov Վիքիպահեստում

Գրեգորի Ալան Իսակով (անգլ.՝ Gregory Alan Isakov; հունվարի 1, 1979(1979-01-01), Յոհաննեսբուրգ, Տրանսվաալ, ՀԱՀ), հարավաֆրիկացի-ամերիկացի երգիչ և երգերի հեղինակ, որի գործունեությունը ներկայումս ծավալվում է Կոլորադո նահանգի Բոլդեր շրջանում[2]։ Նա և իր ընտանիքը տեղափոխվել են Միացյալ Նահանգներ 1986 թվականին և նա մեծացել է Փենսիլվանիա նահանգի Ֆիլադելֆիա քաղաքում[3]։

Իսակովի երաժշտությունը համատեղում է ինդին և ֆոլքը, ներառելով այնպիսի գործիքներ, ինչպիսիք են կիթառը և բանջոն։ Նա առավել հայտնի է «The Stable Song», «Big Black Car», «If I Go, I'm Goin» և «San Luis» երգերով։ Իսակովը թողարկել է 7 ստուդիական ալբոմներ, որոնցից վերջինը 2018 թվականի հոկտեմբերին թողարկված «Evening Machines»-ն էր[4]։

Կյանք և կարիեա[խմբագրել | խմբագրել կոդը]

Իսակովը ծնվել է 1979 թվականի հոկտեմբերի 9-ին Յոհաննեսբուրգում։ Նա իր ընտանիքի հետ միասին տեղափոխվել է Միացյալ Նահանգներ 1986 թվականին, քանի որ ապարտհեյդի ժամանակ նրա հայրը էլեկրտոնային ինժեներինգի բիզնես է սկսել Ֆիլադելֆիայում[5][6]։ Ֆիլադելֆիայում նա սկսել է շրջագայել խմբի հետ 16 տարեկանում[2]։ Ավելի ուշ Իսակովը տեղափոխվել է Կոլորադո՝ Ներոպայի համալսարանում բուսաբուծություն ուսուցանելու համար[7]։ Իսակովը գործիքներ է նվագել ամբողջ կյանքի ընթացքում, բայց սկսել է մասնագիտական կյանքը այդ բնագավառում տարբեր համերգների մասնակցելով և դրա հետ մեկտեղ որպես այգեպան աշխատելով[6]։ Նրա երաժշտական կարիերան դարձել է ավելի լուրջ, երբ նա սկսել է շրջագայել Քելի Ջո Ֆելփսի հետ[7]։

2003 թվականին Իսակովը ինքնուրույն թողարկել է իր առաջին ալբոմը՝ Rust Colored Stones-ը[8]։ 2005 թվականին նաև ինքնուրույն թողարկվել է Songs for October-ը։ 2007 թվականին նա թողարկել է That Sea, The Gambler-ը։ 2009 թվականին Իսակովի կողմից ինքնուրույն թողարկվել է This Empty Northern Hemisphere, որը ներառել է Բրենդի Քարլայլի վոկալ հինգ երգերում և Լեոնարդ Քոհենի «One of Us Cannot Be Wrong» երգի քավեր տարբերակը[9]։ 2013 թվականին Իսակովը ստեղծել է իր անկախ լեյբլը՝ Suitcase Town Music-ը, որի կազմում նա թողարկել է The Weatherman-ը[10][11]։

2016 թվականին Իսակովը թողարկել է Gregory Alan Isakov with the Colorado Symphony-ն՝ իր մինչ այդ թողարկված 11 երգերը՝ տարբեր երգահանների կողմից նվագակված և ձայնագրված Կոլորադոյի սիմֆոնիկ նվագախմբի հետ[5][12]։ 2018 թվականի հոկտեմբերի 5-ին Գրեգորի Ալանը թողարկել է Evening Machines ալբոմն իր Suitcase Town Music լեյբլում[4]։

Նրա վրա ազդել է այնպիսի երաժիշտների ստեղծագործությունը, ինչպիսիք են Լեոնարդ Քոհենը, Քելի Ջո Ֆելփսը և Բրյուս Սպրինգստինը[13]։ Իսակովտ նվագել է մի շարք երաժշտական փառատոններում Միացյալ Նահանգներում, Կանադայում և Եվրոպայում[14]։

2019 թվականի նոյեմբերի 20-ին Իսակովի Evening Machines ալբոմն առաջադրվել է Գրեմմի մրցանակին «Լավագույն ֆոլք ալբոմ» անվանակարգում Գրեմմի 62-րդ մրցանակաբաշխության ժամանակ[15]։

«Big Black Car» երգը նրա 2009 թվականի This Empty Northern Hemisphere ալբոմից ներառվել է 2012 թվականի ՄաքԴոնալդսի գովազդում։ Իսակովը նվիրաբերել է ամբողջ գումարը ոչ կոմերցիոն կազմակերպություններին, որոնք օգնում են գյուղատնտեսության հետագա կայուն վարման և համայնքների դաստիարակության գործում[14]։

Սկավառակագրություն[խմբագրել | խմբագրել կոդը]

  • Rust Colored Stones (2003)
  • Songs for October (2005)
  • That Sea, The Gambler (2007)
  • This Empty Northern Hemisphere (2009)
  • The Weatherman (2013)
  • Gregory Alan Isakov with the Colorado Symphony (2016)
  • Evening Machines (2018)

Ծանոթագրություններ[խմբագրել | խմբագրել կոդը]

  1. Ismail Noora։ «Gregory Alan Isakov: The Indie Folk Singer Building His Own Off-Grid Paradise»։ Huck։ TCOLondon Publishing։ Արխիվացված է օրիգինալից 1 December 2016-ին։ Վերցված է 8 July 2017 
  2. 2,0 2,1 Monger James։ «Artist Biography»։ allmusic.com։ Վերցված է նոյեմբերի 18, 2013 
  3. Van Leuven Chris։ «Deep Music From Up In The Hills»։ Elevation Outdoors Magazine։ Վերցված է նոյեմբերի 18, 2013 
  4. 4,0 4,1 «Gregory Alan Isakov: Evening Machines»։ pastemagazine.com (անգլերեն)։ Վերցված է 2018-10-05 
  5. 5,0 5,1 Lacroix Kate (2017-01-16)։ «Gregory Alan Isakov's Dad Beams as His Son Plays With the Colorado Symphony»։ Westword։ Վերցված է 2018-10-05 
  6. 6,0 6,1 «Gregory Alan Isakov»։ P O T F (en-US)։ Արխիվացված է օրիգինալից 2018-10-06-ին։ Վերցված է 2018-10-05 
  7. 7,0 7,1 «A Singer-Songwriter Who Puts His Garden First» (անգլերեն)։ Վերցված է 2018-10-05 
  8. «Rust Colored Stones - Gregory Alan Isakov | Songs, Reviews, Credits | AllMusic»։ AllMusic։ Վերցված է 2018-10-05 
  9. «Gregory Alan Isakov - This Empty Northern Hemisphere (Suitcase Town) | Northern Sky Magazine»։ www.northernskymag.com (անգլերեն)։ Արխիվացված է օրիգինալից 2018-10-06-ին։ Վերցված է 2018-10-05 
  10. Desk BWW News։ «Gregory Alan Isakov Comes To Boulder's Fox Theater» (անգլերեն)։ Վերցված է 2018-10-05 
  11. «Gregory Alan Isakov album review, ‘The Weatherman’»։ Washington Post (անգլերեն)։ Վերցված է 2018-10-05 
  12. «Gregory Alan Isakov with the Colorado Symphony Album Released Today, Receives National Critical Acclaim»։ Colorado Symphony (en-US)։ Արխիվացված է օրիգինալից 2018-10-06-ին։ Վերցված է 2018-10-05 
  13. «Biography»։ gregoryalanisakov.com։ Վերցված է նոյեմբերի 18, 2013 
  14. 14,0 14,1 «Gregory Alan Isakov interview: ‘It’s a scary time to be alive’»։ The Independent (en-GB)։ Վերցված է 2018-10-05 
  15. https://www.grammy.com/grammys/news/2020-grammy-awards-complete-nominees-list#13

Արտաքին հղումներ[խմբագրել | խմբագրել կոդը]