Գուրգեն Մուշեղյան
| Գուրգեն Մուշեղյան | |
|---|---|
.jpg) | |
| Ի ծնե | Գուրգեն Ներսեսի Մուշեղյան |
| Ծնվել է | օգոստոսի 14, 1934 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Մահացել է | հոկտեմբերի 18, 2020 (86 տարեկան) |
| Ազգություն | հայ |
| Ճյուղ(եր) | ճարտարապետություն |
| Գործունեություն | ճարտարապետ |
| Կրթություն | ՀԱՊՀ |
| Անդամություն | Հայաստանի ճարտարապետների միություն |
| Գուրգեն Մուշեղյան Վիքիդարանում | |
 Gurgen Musheghian Վիքիպահեստում | |
Գուրգեն Ներսեսի Մուշեղյան (օգոստոսի 14, 1934, Լենինական, Հայկական ԽՍՀ, ԱԽՖՍՀ, ԽՍՀՄ - հոկտեմբերի 18, 2020), հայ ճարտարապետ։ Հայաստանի վաստակավոր ճարտարապետ (1981)։ ՀՃԱ ակադեմիկոս (1996)։ ՌԴ ճարտարապետության և շինարարության ԳԱ արտասահմանյան անդամ (1999)։
Ջազային երգչուհի Արաքսյա Մուշեղյանի հայրը։
Կենսագրություն
[խմբագրել | խմբագրել կոդը].jpg)
1959 թվականին ավարտել է Երևանի պոլիտեխնիկական ինստիտուտի շինարարական ֆակուլտետի ճարտարապետական բաժինը։ 1959-1962 թվականներին եղել է Հայպետնախագիծ ինստիտուտի ավագ ճարտարապետ, 1962-1964 թվականներին՝ Գյումրիի գլխավոր ճարտարապետը, 1964-1967 թվականներին՝ Երևանի գլխավոր ճարտարապետի տեղակալը։ 1982-1990 թվականներին զբաղեցրել է Երևանի գլխավոր ճարտարապետի պաշտոնը։ 2001-2009 թվականներին եղել է Երևաննախագիծ ՓԲԸ գործադիր տնօրենը։ Դասավանդել է Երևանի ճարտարապետաշինարարական ինստիտուտում (պրոֆեսոր)։ 1963 թվականից Հայաստանի ճարտարապետների միության անդամ է, Ռուսաստանի ճարտարապետության և շինարարական ԳԱ օտարերկրյա անդամ, Հայաստանի ճարտարապետության ակադեմիայի ակադեմիկոս[1][2]։
Համահեղինակել է մի շարք հայտնի շինություններ՝
- Երևանի Հրազդան մարզադաշտը, 1971, ՀԽՍՀ պետական մրցանակ, 1979
- Գյումրու օդանավակայանը, 1982
- Մարզահամերգային համալիրը, 1984, ԽՍՀՄ պետական մրցանակ, 1987
Մուշեղյանի ղեկավարությամբ 1991-1995 թվականներին կազմվել են ՀՀ քաղաքների վճարովի հողօգտագործման, սեյսմիկ գոտիներում քաղաքաշինության համակարգերի կայունության ու հուսալիության նախագծեր, Երևանի 2006-2020 թվականների գլխավոր հատակագիծը (2001-2005)։ Համահեղինակ է «Քաղաքային հողօգտագործումը շուկայական տնտեսության պայմաններում» ուսումնական ձեռնարկի, 1990։
Պարգևներ
[խմբագրել | խմբագրել կոդը]- ՀՀ պետական մրցանակի դափնեկիր, 1979
- «Տարվա լավագույն ստեղծագործություն» համամիութենական ստուգատեսի դափնեկիր, 1986
- ԽՍՀՄ պետական մրցանակի դափնեկիր, 1987
- ԽՍՀՄ բազմակի չեմպիոն սուսերամարտի ոլորտում, Խորհրդային Միության սպորտի վարպետ
- ՀՀ «Անանիա Շիրակացի» մրցանակ, 2007
- Հայնախագիծ ինստիտուտի պատվոգիր, 2014
- Հայաստանի շինարարների, ճարտարապետների միությունների և Երևանի ճարտարապետության և շինարարության համալսարանի պատվոգիր և բուհի ոսկե հուշամեդալ
- ՀՀ վարչապետի շնորհակալագիր (2014)։
| Նախորդող Ջիմ Թորոսյան |
Երևանի գլխավոր ճարտարապետ Գուրգեն Մուշեղյան 1982-1990 |
Հաջորդող Ռոմեո Ջուլհակյան |
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Գուրգեն Մուշեղյանի կենսագրությունը /zarkfoundation.com կայքում».
Արտաքին հղումներ
[խմբագրել | խմբագրել կոդը] | Վիքիդարանն ունի նյութեր, որոնք վերաբերում են «Գուրգեն Մուշեղյան» հոդվածին։ |
 | Վիքիպահեստն ունի նյութեր, որոնք վերաբերում են «Գուրգեն Մուշեղյան» հոդվածին։ |
|
| ||||||
- Օգոստոսի 14 ծնունդներ
- 1934 ծնունդներ
- Գյումրի քաղաքում ծնվածներ
- Հոկտեմբերի 18 մահեր
- 2020 մահեր
- ՀՊՃՀ շրջանավարտներ
- Անձինք այբբենական կարգով
- Ճարտարապետներ այբբենական կարգով
- Երևանի գլխավոր ճարտարապետներ
- Հայ ճարտարապետներ
- ԽՍՀՄ Պետական մրցանակի դափնեկիրներ
- Հայաստանի ճարտարապետների միության անդամներ
- Անանիա Շիրակացու մեդալակիրներ
- ՀԽՍՀ պետական մրցանակի դափնեկիրներ
- ՀԽՍՀ վաստակավոր ճարտարագետներ
- Խորհրդային ճարտարապետներ
- 20-րդ դարի ճարտարապետներ