Գուրգեն Գաբրիելյան (գրող)

Անվան այլ կիրառումների համար տե՛ս՝ Գուրգեն Գաբրիելյան (այլ կիրառումներ)

Վիքիպեդիայում կան հոդվածներ Գաբրիելյան ազգանունով այլ մարդկանց մասին։

Գուրգեն Գաբրիելյան
Ծնվել է	հունիսի 11, 1927(1927-06-11)
Ծննդավայր	Խանձք, Ասկերանի շրջան
Վախճանվել է	նոյեմբերի 15, 2005(2005-11-15) (78 տարեկան)
Վախճանի վայր	Ստեփանակերտ
Մասնագիտություն	բանաստեղծ և մանկագիր
Կուսակցություն	ԽՄԿԿ
Աշխատավայր	Ազատ Արցախ և Հովհաննես Թումանյանի անվան հանրապետական մանկական գրադարան
Պարգևներ	Հայաստանի պետական մրցանակ
Գուրգեն Գաբրիելյան Վիքիդարանում
Gourgen Gabrielyan Վիքիպահեստում

Գուրգեն Արտեմի Գաբրիելյան (հունիսի 11, 1927(1927-06-11), Խանձք, Ասկերանի շրջան - նոյեմբերի 15, 2005(2005-11-15), Ստեփանակերտ), հայ բանաստեղծ, մանկագիր, մանկավարժ։ Ղարաբաղյան շարժման կազմակերպիչներից։ ԽՍՀՄ գրողների միության անդամ 1963 թվականից։ ԽՄԿԿ անդամ 1955 թվականից։ Ադրբեջանական ԽՍՀ մշակույթի վաստակավոր աշխատող (1986):

Կենսագրություն

Գուրգեն Գաբրիելյանը ծնվել է 1927 թվականին Խանցք գյուղում (այժմ՝ ԼՂՀ Ասկերանի շրջան)։ 1949 թվականին ավարտել է Ստեփանակերտի երկամյա մանկավարժական ինստիտուտը, 1954 թվականին՝ Ադրբեջանի հեռակա մանկավարժական ինստիտուտի բանասիրական ֆակուլտետը։ 1940-1950 թվականներին աշխատել է Բադարա գյուղի միջնակարգ դպրոցում որպես հայոց լեզվի և գրականության ուսուցիչ։ 1950-1960 թվականներին ուսուցչություն է արել Սզնեք գյուղի յոթնամյա դպրոցում։ 1960 թվականին եղել է Ստեփանակերտի ժողովրդական ստեղծագործության մարզայի տան տնօրենը, 1963-1966 թվականներին՝ ԼՂԻՄ մարզխորհրդի մշակութային վարչության պետ, 1966-1971 թվականներին՝ ռադիոհաղորդումների կոմիտեում խմբագիր, 1971-1974, 1978-1988 թվականներին՝ «Սովետական Ղարաբաղ» թերթի մշակույթի բաժնի վարիչ, 1974-1976 թվականներին՝ Ստեփանակերտի Մ. Գորկու անվան հայկական պետական դրամատիկական թատրոնի տնօրեն։ 1996 թվականից՝ Ստեփանակերտի Հովհաննես Թումանյանի անվան գրադարանի տնօրեն։

Ռուսերեն լույս է տեսել նրա «Լեռնային կածան» (Մոսկվա, 1973 թվական), ադրբեջաներեն՝ «Ես հո փոքր չեմ» (Բաքու, 1974 թվական), մոլդավերեն՝ «Լեռնային կածան» (Քիշնև, 1977 թվական) գրքերը։

Երկերի մատենագիտություն

• Ճուտիկներ, Ե, Հայպետհրատ, 1960, 28 էջ։
• Մեր գյուղի առավոտը, Բաքու, Մանկպատհրատ, 1961, 24 էջ։
• Լեռնային վտակ (ժողովածուում տեղ են գտել Գ. Գաբրիելյանի մի քանի բանաստեղծությունները), Բաքու, Ազերնեշր, 1963, 132 էջ։
• Բարի լույս, Ե., Հայպետհրատ, 1964, 28 էջ։
• Ես հո փոքրիկ չեմ, Բաքու, Ազերնեշր, 1967, 48 էջ։
• Լեռնային վտակ (Ժողովածուում տեղ են գտել Գ. Գաբրիելյանի մի քանի բանաստեղժությունները), Բաքու, Ազերնեշր, 1967, 195 էջ։
• Այբուբենը երգերի մեջ, Ե., «Հայաստան», 1967, 44 էջ։
• Կեսօր, Ե., «Հայաստան», 1968, 64 էջ։
• Այբուբենը երգերի մեջ, Ե., «Հայաստան», 1970, 44 էջ։
• Ծտերի կրկեսը, Ե., «Հայաստան», 1970, 48 էջ։
• Ծաղիկն ու մեղուն (մանկական բանաստեղծություններ), Բաքու, Ադրբեջանի պետական հրատարակչություն, 1970, 48 էջ։
• Անմեղ ժպիտներ, Ե., «Հայաստան», 1973, 80 էջ։
• Գույների երգը (բանաստեղծություններ), Բաքու, Ադրբեջանի պետական հրատարակչություն, 1973, 112 էջ։
• Զանգակներ (ԺողովաՅուում տեղ են գտել նաև Գ. Գաբրիելյանի մի քանի գործեր), Ե., «Հայաստան», 1974, 160 էջ։
• Ջրվեժի երգը, Բաքու, Ազերնեշր, 1976, 144 էջ։
• Եկեք հաշվել սովորենք, Ե., «Հայաստան», 1976, 20 էջ։
• Ընտիր երկեր (մանկական բանաստեղծություններ, պոեմներ), Բաքու, «Գյանջլիք», 1978, 400 էջ։
• Ձյան գույները, Ե., «Սովետական գրող», 1979, 72 էջ։
• Ակունքներ, Բաքու, «Յազըչը», 1981, 128 էջ։
• Ծիածան (բանաստեղծությունների ժողովածուն ամփոփում է 15 հանրապետությունների մանկագիրների լավագույն գործերը, գրքում գործեր ունի նաև Գ. Գաբրիելյանը), Ե., «Սովետական գրող», 1982, 184 էջ։
• Վաղը դպրոց ենք գնալու (ժողովածուում գործեր ունի նաև Գ. Գաբրիելյանը), Ե., «Լույս», 1982, 256 էջ։
• Երգող ծառը (բանաստեղծություններ), Ե., «Սովետական գրող», 1982, 32 էջ։
• Աղավնատուն (բանաստեղծություններ և պոեմներ), Բաքու, 1987, 208 էջ։
• Մանկատաղեր, Երևան, 1987, 72 էջ։
• Կապույտ երակ, Երևան, 1996, 88 էջ։
• Իմ առածանին, Երևան, 1998, 175 էջ։
• Աշնան հանդես, Երևան, 1999, 88 էջ։
• Ուրախ հայերեն, Երևան, 1999, 160 էջ։
• Արցախյան նվագարան (ընտիր երկեր), Երևան, 2002, 193 էջ։
• Արևը լճակում, Ստեփանակերտ, 2002, 192 էջ։
• Ղարաբաղի հորովել, Երևան, 2003, 144 էջ։
• Մեր թևավոր բարեկամները, Երևան, 2004, 104 էջ։
• Ընտրանի, Ստեփանակերտ, 2007 , 256 էջ։
• Աշնան հանդես, Երևան, 2009, 88 էջ։
• Ես ձեզ հետ եմ, Ստեփանակերտ, 2012 , 240 էջ։

Պարգևներ, մրցանակներ

• ՀԳՄ Ստեփան Զորյանի անվան մրցանակ, 1983
• Ադրբեջանական ԽՍՀ մշակույթի վաստակավոր աշխատող, 1986
• ՀՀ Պետական մրցանակ, 2000
• ԼՂՀ Եղիշեի անվան մրցանակ, 2002
• ԼՂՀ «Մեսրոպ Մաշտոց» մեդալ, 2003
• «Մայրական շնորհակալություն» մեդալ

Ծանոթագրություններ

Վիքիդարանն ունի նյութեր, որոնք վերաբերում են «Գուրգեն Գաբրիելյան (գրող)» հոդվածին։

Վիքիպահեստն ունի նյութեր, որոնք վերաբերում են «Գուրգեն Գաբրիելյան (գրող)» հոդվածին։