Գեորգի Չիչերին

Վիքիպեդիայից՝ ազատ հանրագիտարանից
Գեորգի Վասիլևիչ Չիչերին
Георгий Василевич Чичерин
Bundesarchiv Bild 102-12859A, Georgi Wassiljewitsch Tschitscherin.jpg
Ծնվել է Նոյեմբերի 12, 1872
Ծննդավայր Ռուսաստան Կիրսանովսկի շրջան,
Տամբովի մարզ, Ռուսական Կայսրություն
Մահացել է հուլիսի 7, 1936({{padleft:1936|4|0}}-{{padleft:7|2|0}}-{{padleft:7|2|0}})[1] (63 տարեկանում)
Մահվան վայր Խորհրդային Սոցիալիստական Հանրապետությունների Միություն Մոսկվա, ՌԽՖՍՀ, ԽՍՀՄ
Քաղաքացիություն Խորհրդային Սոցիալիստական Հանրապետությունների Միություն
Ազգություն Ռուս
Գործունեություն քաղաքական գործիչ, դիվանագետ և երաժշտագետ
Զբաղեցրած պաշտոններ Q1959942?
Քաղաքական կուսակցություն ԽՄԿԿ

Գեորգի Վասիլևիչ Չիչերին (ռուս.՝ Георгий Василевич Чичерин նոյեմբերի 12, 1872 - հուլիսի 7, 1936), ռուս դիվանագետ, ՌԿ(բ)Կ անդամ, 1918 թվականին՝ ՌԽՖՍՀ արտաքին գործերի ժողկոմի տեղակալ, 1918-30 թվականներին՝ ՌԽՖԱՀ (1923-ից ԽՍՀՄ) արտգործժոդկոմ։ Ստորագրել է 1918 թվականի Բրեստի հաշտության պայմանագիրը Գերմանիայի հետ։ Ղեկավարել է խորհրդային պատվիրակությունը ռուս-թուրքական և ոուս-հայկական բանակցություններում։ Ջանքեր է գործադրել՝ կարգավորելու հարաբերությունները Հայաստանի Հանրապետության և Թուրքիայի միջև, նշել, որ բարեկամական հարաբերությունները խորհրդային Ռուսաստանի և Թուրքիայի միջև հնարավոր են այն պայմանով, եթե Թուրքիայի և հայ ժողովրդի միջև «հաստատվի փոխադարձ սահմանազատում, դադարի փոխադարձ ջարդը...»։

Հայաստանի և Ադրբեջանի միջև սահմանազատման խնդիրը քննելով՝ Չիչերինը գտնում էր, որ անհրաժեշտ է, որպեսզի խորհրդային Ռուսաստանը վարի «բացարձակ օբյեկտիվ և խիստ անկողմնակալ» քաղաքականություն, պահանջում էր չափավորել խորհրդային Ադրբեջանի նկրտումները Հայաստանի հողերի նկատմամբ։ «Խլել Հայաստանից որևէ մաս և մեր ձեռքով տալ Ադըրբեջանին կնշանակեր կատարյալ կեղծ երանգ տալ մեր ամբողջ քաղաքականությանը Արևելքում»։

Չիչերինը չէր բացառում խորհրդային Ռուսաստանի և Հայաստանի Հանրապետության միջև բարեկամական հարաբերություններ հաստատելու հնարավորությունը, սակայն որոշ պարագաների բերումով, այդ թվում՝ խորհրդային Ռուսաստանի մերձեցումը քեմալական Թուրքիայի հետ, չհաջողվեց արդար խաղաղություն հաստատել Կովկասում, ճիշտ լուծել տարածքային սահմանազատման խնդիրները։

Երկեր[խմբագրել]

  • «Статьи и речи по вопросам международной политики», М., 1961.
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
  1. Record #118666185 // Gemeinsame Normdatei Ստուգված է ապրիլի 27-ին 2014: