Գենարիոս Ղորղանյան

Վիքիպեդիայից՝ ազատ հանրագիտարանից
Jump to navigation Jump to search
Գենարիոս Ղորղանյան
Գենարիոս Ղորղանյան.jpg
Հիմնական տվյալներ
Ծնվել էմայիսի 12, 1858(1858-05-12)[1]
Ղվարել, Կախեթի մարզ, Վրաստան
Մահացել էմարտի 7, 1890(1890-03-07) (31 տարեկանում) կամ ապրիլի 12, 1890(1890-04-12) (31 տարեկանում)
Դոնի Ռոստով, Դոնի զորքի մարզ, Ռուսական կայսրություն
Մասնագիտությունկոմպոզիտոր
Գործիքներդաշնամուր
ԿրթությունՍանկտ Պետերբուրգի կոնսերվատորիա

Գենարիոս Հովսեփի Ղորղանյան (Գենարի Կորգանով, մայիսի 12, 1858(1858-05-12)[1], Ղվարել, Կախեթի մարզ, Վրաստան - մարտի 7, 1890(1890-03-07) կամ ապրիլի 12, 1890(1890-04-12), Դոնի Ռոստով, Դոնի զորքի մարզ, Ռուսական կայսրություն), հայ կոմպոզիտոր, դաշնակահար, մանկավարժ։ Ղորղանյանների տոհմից։

Երգիչներ Հովհաննես Ղորղանյանի և Կոնստանտին Ղորղանյանի, երգչուհիներ Հեղինե, Մարիամ և Նինա Ղորղանյանների եղբայրը[2]:

Կենսագրություն[խմբագրել | խմբագրել կոդը]

Գենարիոս Ղորղանյանը ծնվել է Վրաստանի Ղվարելի Կախեթիայում: Թիֆլիսում աշակերտել է Էդուարդ Էպշտեյնին։ 1874-1876 թվականներին սովորել է Լայպցիգի (դաշնամուր, դասատու՝ Է. Ռայնեկե), 1877-1878 թվականներին՝ Սանկտ Պետերբուրգի (դաշնամուր, դասատու՝ Լուի Բրասեն) կոնսերվատորիաներում։ 1879 թվականից ապրել և ստեղծագործել է Թիֆլիսում։ 1889 թվականին Պյոտր Չայկովսկու խորհրդով կոմպոզիցիայի դասեր է առել Ալեքսանդր Տանեևից։

Գրել է ռոմանսներ Պուշկինի, Ա. Տոլստոյի, Ապոլոն Մայկովի, Ֆետի բանաստեղծությունների տեքստերով, դաշնամուրային երկեր, որոնց մի մասում («Բայաթի», «Նոր բայաթի», «Հայկական ռապսոդիա», «Կովկասյան ռապսոդիա») օգտագործել է հայկական ժողովրդական երգեր ու պարեղանակներ։ Կատարել է աշուղական («Պաղ աղբյուրի մոտ»), ժողովրդական («Սիրուհիս») երգերի մշակումներ։ Լինելով հայ կոմպոզիտորական դպրոցի առաջին ներկայացուցիչներից՝ Ղորղանյանը նպաստել է հայկական պրոֆեսիոնալ երաժշտական ձևերի զարգացմանը։

Ղորղանյանի դաշնամուրային էտյուդները տեղ են գտել Լայպցիգի կոնսերվատորիայի ուսումնական երգացանկում։

Ծանոթագրություններ[խմբագրել | խմբագրել կոդը]

  1. 1,0 1,1 International Music Score Library Project — 2006.
  2. «AV Production - Գենարիոս Ղորղանյան»։ avproduction.am։ Վերցված է 2019-04-30 

Արտաքին հղումներ[խմբագրել | խմբագրել կոդը]


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png