Բժիշկներ առանց սահմանների

Բժիշկներ առանց սահմանների;
Տեսակ	բարեգործական կազմակերպություն, voluntary health agencies?, միջազգային ոչ կառավարական կազմակերպություն և սոցիալական հիգիենա
Երկիր	Շվեյցարիա
Հապավում	ֆրանսերեն՝ MSF; հայերեն՝ ԲԱՍ
Հիմնադրված	Դեկտեմբերի 20, 1971
Գլխադասային գրասենյակ	Ժնև, Շվեյցարիա
Տարածաշրջան	ամբողջ աշխարհ
Նախագահ	Ջոան Լյու
Անձնակազմ	36 482
Հիմնադիր	Bernard Kouchner?, Jacques Bérès?, Philippe Bernier?, Raymond Borel?, Marcel Delcourt?, Xavier Emmanuelli?, Vladan Radoman? և Max Récamier?
Պարգևներ	Ինդիրա Գանդիի մրցանակ Մարդու իրավունքների եվրոպական մրցանակ Չորս Ազատությունների մրցանակ Չաթամ Հաուսի մրցանակ Նանսենի մրցանակ ԼենոնՕնոյի՝ խաղաղության համար դրամաշնորհ Ֆուլբրայթի մրցանակ Պարդեսի մարդասիրական մրցանակ մտավոր առողջության ոլորտում Լասկեր-Բլումբերգի հանրային ծառայությունների մրցանակ Պատճառի բյուրեղ Placa Josep Trueta? Էրիխա Կեստներա և Լիվինգսթոնի մեդալ
Կայք	msf.org(անգլ.)(արաբ.)

Բժիշկներ առանց սահմանների (ֆրանսերեն՝ Médecins Sans Frontières (MSF) կամ անգլերեն՝ Doctors Without Borders), միջազգային մարդասիրական օգնության հասարակական կազմակերպություն և Խաղաղության Նոբելյան մրցանակի դափնեկիր, որն առավել հայտնի է պատերազմական տարածաշրջաններում և համաճարակի օջախ հանդիսացող երկրներում իրականացվող ծրագրերով։ Ստեղծվել է 1971 թվականին՝ Ֆրանսիայի բժիշկների նախաձեռնությամբ՝ բժիշկների, առողջապահության բնագավառի աշխատողների և իր առաքելությանը նպաստող այլ մասնագետների միավորմամբ^[7]։ Ունի 18 գրասենյակ, որոնցից ԲԱՍ-Ֆրանսիան, ԲԱՍ-Բելգիան, ԲԱՍ-Շվեյցարիան, ԲԱՍ-Հոլանդիան և ԲԱՍ-Իսպանիան գործող և ծրագրեր իրականացնողներ են (2003)։ ԲԱՍ մասնաճյուղեր գործում են 80 երկրներում, որտեղ աշխատում է շուրջ 2500 կամավոր (2003)։ ԲԱՍ-ի գլխավոր նպատակն է բնական աղետների (երկրաշարժ, ջրհեղեղ և այլն) և պատերազմների ժամանակ բժշկական համընդհանուր էթիկային և մարդասիրական սկզբունքներին համապատասխան, առանց ռասայական, կրոնական, աշխարհայացքային և այլ խտրականությունների բազմակողմանի բժշկական աջակցություն ցույց տալ տուժած մարդկանց։

ԲԱՍ-ն իր առաջին առաքելությունը Հայաստանում իրականացրել է 1988 թվականի Սպիտակի երկրաշարժի ժամանակ, բուժօգնություն է կազմակերպել աղետյալներին, աջակցել առողջապահական ենթակառույցներին, հիմնել հոգեբանական խնամքի կենտրոն են։ 2002 թվականին ԲԱՍ-ը Հայաստանում իրականացրել է սեռական ճանապարհով փոխանցվող հիվանդությունների և ՁԻԱՀ-ի դեմ պայքարի ու Սևանա լճի շրջանում հոգեկան առողջության ապահովման (ԲԱՍ-Բելգիա), դժվար իրավիճակում գտնվող երեխաների խնամակալության (ԲԱՍ-Ֆրանսիա) ծրագրերը։ Ղարաբաղյան պատերազմի ժամանակ ԲԱՍ-ի ֆրանսիական, բելգիական և հոլանդական մասնաճյուղերը բժշկական օգնություն են ցույց տվել հակամարտող կողմերի վիրավորներին, գերիներին, պատանդներին, բռնագադթածներին, ինչպես նաև աջակցել դրանց առողջապահական կառույցներին։ Արցախում ներդրվել է հիվանդանոցային սանհիգիենային (բժշկական թափոնի վառարանի կառուցում և հիվանդանոցների սանիտարական վիճակի վերահսկում), ներարկումների անվտանգության, ընտանիքի պլանավորման, հոգեկան հիվանդների և պատերազմի ժամանակ վնասված երեխաների առողջացման, տոտերկուլոզի դեմ պայքարի ծրագրեր։

Ծանոթագրություններ

↑ https://www.lobbyfacts.eu/datacard/médecins-sans-frontières-international?rid=928308827208-10
↑ http://www.nobelprize.org/nobel_prizes/peace/laureates/1999/
↑ https://www.nobelprize.org/nobel_prizes/about/amounts/
↑ https://bbrfoundation.org/grants-prizes/pardes-humanitarian-prize-mental-health
↑ https://laskerfoundation.org/award/public-service/
↑ https://portaljuridic.gencat.cat/ca/document-del-pjur/?documentId=862714
↑ About MSF." Médecins Sans Frontières. Retrieved on 31 August 2011. "MEDECINS SANS FRONTIERES - Rue de Lausanne 78 - CP 116 - 1211 - Geneva 21"

Վիքիպահեստն ունի նյութեր, որոնք վերաբերում են «Բժիշկներ առանց սահմանների» հոդվածին։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_00f80f7e1b7174e7-1] ttps://www.lobbyfacts.eu/datacard/médecins-sans-frontières-international?rid=928308827208-10

[_f5c471b7deb8c74f-2] ttp://www.nobelprize.org/nobel_prizes/peace/laureates/1999/

[_4fd85354d393be0f-3] ttps://www.nobelprize.org/nobel_prizes/about/amounts/

[_a9d574b974177d33-4] ttps://bbrfoundation.org/grants-prizes/pardes-humanitarian-prize-mental-health

[_b928ff2a7a6b374d-5] ttps://laskerfoundation.org/award/public-service/

[_f494b5d563414c59-6] ttps://portaljuridic.gencat.cat/ca/document-del-pjur/?documentId=862714

[7] About MSF." Médecins Sans Frontières. Retrieved on 31 August 2011. "MEDECINS SANS FRONTIERES - Rue de Lausanne 78 - CP 116 - 1211 - Geneva 21"

[1]

[2]

[3]

[4]

[5]

[6]

[7]