Բեատրիս Հովհաննիսյան

Բեատրիս Հովհաննիսյան
Ծնվել է	մարտի 15, 1927; Բաղդադ, Մանդատային Իրաք, Միացյալ Թագավորություն
Երկիր	ԱՄՆ
Մահացել է	հուլիսի 17, 2008 (81 տարեկան); Բլումինգտոն, Հենեպին շրջան, Մինեսոտա, ԱՄՆ
Մասնագիտություն	կոմպոզիտոր, երաժիշտ և դաշնակահարուհի
Գործիքներ	դաշնամուր
Կրթություն	Ջուլիարդ դպրոց և Երաժշտության թագավորական ակադեմիա

Բեատրիս Հովհաննիսյան (Բեատրիս Օհանեսյան, անգլ.՝ Beatrice Ohanessian, մարտի 15, 1927(1927-03-15), Բաղդադ, Մանդատային Իրաք, Միացյալ Թագավորություն - հուլիսի 17, 2008(2008-07-17), Բլումինգտոն, Հենեպին շրջան, Մինեսոտա, ԱՄՆ), իրաքահայ դաշնակահարուհի։ Իրաքի առաջին համերգային դաշնակահարուհին և առաջին կին կոմպոզիտորն է^[1]։

Կենսագրություն

Վաղ կյանք և կրթություն

Բեատրիս Հովհաննիսյանը ծնվել է 1927 թվականին, Բաղդադում, հայ ընտանիքում։ Հայրը ծնվել էր Պարսկաստանում և Բաղդադ էր տեղափոխվել բրիտանացիների հետ Հնդկաստանում աշխատելուց հետո^[2]։ Մայրը և երկու քեռիները որբացել էին Հայոց ցեղասպաության ժամանակ։ Ծնողները խրախուսել են, որ Բեատրիսը զբաղվի երաժշտությամբ^[1]։ Ավարտել է Գեղարվեստի ինստիտուտը՝ ստանալով դաշնակահարի հատուկ հիշատակմամբ որակավորում^[3]։ Ավարտելուց հետո եղել է իրեն դասավանդած ռումինացի պրոֆեսոր Ջուլիեն Հերցի օգնականը^[4]։ Իրաքի կառավարությունից ստացել է կրթաթոշակ և ուսումը շարունակել Լոնդոնի Երաժշտության թագավորական ակադեմիայում, սովորել պրոֆեսոր Մաքս Պիրանիի մոտ^[3]։ Չորս տարի ուսանելուց հետո ստացել է դաշնակահարի և մանկավարժի, իսկ երկրորդ մասնագիտությամբ՝ երգչուհու որակավորումներ^[4]։ Ստանալով Ֆուլբրայթի կրթաթոշակ՝ սովորել է Նյու Յորքի Ջուլիարդ դպրոցում, որն ավարտելուց հետո դեբյուտային համերգով հանդես է եկել Քարնեգի հոլում։ Իրաքում հուլիսի 14-ի հեղափոխության պատճառով նրա կրթաթոշակը երկարաձգվել է ևս մեկ տարով^[4]։

Վերադարձ Իրաք

ԱՄՆ-ում ապրելու տարիներին Մինեսոտայում Հովհաննիսյանն այցելել է եղբորը՝ Արշամին և նրա կնոջը։ Այնտեղ նա հանդես է եկել Մինեսոտայի նվագախմբի հետ և խրախուսվել է մնալ Ամերիկայում։ Սակայն Հովհաննիսյանը զգում էր, որ ինքը պետք է Իրաքում լինի։

Բոլորն ինձ ասում էին, որ պետք է մնամ Ամերիկայում, բայց ներքին ձայնս ասում էր, որ պետք է վերադառնամ Իրաք և իմ հայրենակիցներին սովորեցնեմ երաժշտություն սիրել։ Դասական երաժշտությունը նոր պետք է ներթափանցեր Իրաք, և ինձ պես մարդկանց կարիք էր զգացվում այն ուսուցանելու համար^[4]։

- Բեատրիս Հովհաննիսյան

Այնուհետև Հովհաննիսյանը նշանակվել է Բաղդադի գեղարվեստի ինստիտուտի դաշնամուրային բաժնի վարիչ։ Ամառային արձակուրդների ընթացքում նա վարպետության դասերի և երաժշտական սեմինարների էր մասնակցում տարբեր երկրներում^[3]։ 1961 թվականին Հովհաննիսյանը դարձել է Իրաքի ազգային սիմֆոնիկ նվագախմբի գլխավոր համերգային դաշնակահարը և պաշտոնավարել ավելի քան երեսուն տարի^[1]։ 1969-1972 թվականներին, միաժամանակ, դասավանդել է Մինեսոտայի համալսարանում և Մաքալիսթեր քոլեջում^[3]։ 1980 թվականին՝ Իրան-իրաքյան պատերազմի ժամանակ, նա գրեց առաջին իրաքյան արևմտյան ստեղծագործությունը^[4], որն արժանացավ Իրաքի պաշտոնյաների, այդ թվում՝ նախագահ Սադդամ Հուսեյնի ուշադրությանը։ Հարցին, թե ինչ պարգև կցանկանար իր ձեռքբերումների համար, նա խնդրեց ավելի լավ դաշնամուր^[5]։ Հովհաննիսյանին նվիրեցին Steinway & Sons մակնիշի մեծ դաշնամուր, որը նա թողեց Իրաքում, առաջին Իրաք-քուվեյթյան պատերազմից հետո ԱՄՆ-ում հաստատվելուց հետո։ Հովհաննիսյանի մահվանից առաջ, Իրաքի ազգային սիմֆոնիկ նվագախմբի իր ընկերներից մեկի կողմից պահվող դաշնամուրը, վերջապես, հասել է Մինեսոտա՝ պատված նրա գիշերազգեստներով^[6]։

Հետագա կյանք, մահ

1994 թվականին Հովհաննիսյանը մշտապես տեղափոխվել է Միացյալ Նահանգներ՝ բնակություն հաստատելով Միննեապոլիս-Սենտ Պոլում, միանալով եղբորը՝ Արշամին և քրոջը` Սիտային, այնուհետև կրկին սկսել է դասավանդել Մինեսոտայի համալսարանում, Մաքալիսթեր քոլեջում, ինչպես նաև Միննեապոլիսի Սուրբ Թոմաս համալսարանում^[5]։ Եղել է Հայ առաքելական Սուրբ Պողոս եկեղեցու երգեհոնահարը^[3]։ Հովհաննիսյանը մահացել է 2008 թվականի հուլիսի 17-ին, քաղցկեղից, Բլումինգտոնում, 81 տարեկան հասակում^[5]։

Ծանոթագրություններ

1 2 3 Combs, Marianne. Music in Baghdad: An Iraqi pioneer looks back. Minnesota Public Radio. Retrieved August 7, 2008.
↑ Windle, Holly. Baghdad Barcarolle: How Beatrice Ohanessian became Iraq's foremost classical pianist. Nodin Press, 2008, 978-1-932472-78-3, p. 10
1 2 3 4 5 Obituaries. Star Tribune. Retrieved August 7, 2008.
1 2 3 4 5 Boghosian Papas, Lisa. Twin Cities' Beatrice Ohanessian: A Famous Pianist and Pioneer of Music Արխիվացված 2007-10-21 Wayback Machine. Armenian General Benevolent Union. Retrieved August 7, 2008.
1 2 3 Cohen, Ben. Ohanessian was piano prodigy of Iraq, world. Star Tribune. Retrieved August 8, 2008.
↑ Klein, Allegra. Mission to Baghdad Արխիվացված 2008-05-15 Wayback Machine. Strings Magazine. Retrieved August 8, 2008.

[MPR-1] 1 2 3 Combs, Marianne. Music in Baghdad: An Iraqi pioneer looks back. Minnesota Public Radio. Retrieved August 7, 2008.

[2] Windle, Holly. Baghdad Barcarolle: How Beatrice Ohanessian became Iraq's foremost classical pianist. Nodin Press, 2008, 978-1-932472-78-3, p. 10

[Obituaries-3] 1 2 3 4 5 Obituaries. Star Tribune. Retrieved August 7, 2008.

[AGBU-4] 1 2 3 4 5 Boghosian Papas, Lisa. Twin Cities' Beatrice Ohanessian: A Famous Pianist and Pioneer of Music Արխիվացված 2007-10-21 Wayback Machine. Armenian General Benevolent Union. Retrieved August 7, 2008.

[StarTribune-5] 1 2 3 Cohen, Ben. Ohanessian was piano prodigy of Iraq, world. Star Tribune. Retrieved August 8, 2008.

[Strings-6] Klein, Allegra. Mission to Baghdad Արխիվացված 2008-05-15 Wayback Machine. Strings Magazine. Retrieved August 8, 2008.

[1]

[2]

[3]

[4]

[5]

[6]