Արշալույս Գևորգյան
Արշալույս Գևորգյան | |
---|---|
Ծնվել է | 1924 |
Ծննդավայր | Մարց, Բորչալուի գավառ, Վրացական Սոցիալիստական Խորհրդային Հանրապետություն, ԱԽՖՍՀ, ԽՍՀՄ |
Քաղաքացիություն | ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | մանկավարժ |
Պարգևներ և մրցանակներ |
Արշալույս Հակոբի Գևորգյան (1924, Մարց, Բորչալուի գավառ, Վրացական Սոցիալիստական Խորհրդային Հանրապետություն, ԱԽՖՍՀ, ԽՍՀՄ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն[խմբագրել | խմբագրել կոդը]
Արշալույս Գևորգյանը ծնվել է 1924 թվականին, Թումանյանի շրջանի Մարց գյուղում։ Ավարտել է Սուրեն Սպանդարյանի անվան միջնակարգ դպրոցը։ 1938 թվականին ընդունվել է Երևանի հեռակա մանկավարժական ինստիտուտի բանասիրական ֆակուլտետը և անցել մանկավաժական աշխատանքի, վարելով Կարճաճկուտ գյուղի 7-ամյա դպրոցի տնօրենի պաշտոնը[1]։
1941 թվականին կամավոր մեկնել է կարմիր բանակ։ Թշնամու դեմ կռվել է Հյուսիսային Կովկասում և Ղրիմում։ 390-րդ հրաձգային դիվիզիայի կազմում մասնակցել է գերմանաֆաշիստական զորքերի Յաշ-Քիշինևյան խմբավորման ջախջախմանը։ Գևորգյանը մասնակցել է խորհրդային բանակի պատմական առաքելության կատարմանը՝ Ռումինիայի, Բուլղարիայի, Հարավսլավիայի, Ավստրիայի ազատագրման կռիվներին[1]։
Գևորգյանը բանակից զորացրվել է 1945 թվականի աշնանը և վերադարձել հայրենի գյուղ։ Աշխատել է դպրոցի ուսմասվար, ապա՝ տնօրեն։ Աշխատել է Ալավերդու երեկոյան դպրոցում, որպես հայոց լեզվի և գրականության ուսուցիչ։ Իր սխրագործությունների համար պարգևատրվել է Կարմիր աստղի շքանշանով, մեդալներով[1]։
«Սովետական գրող» հրատարակչությունը լույս է ընծայել Արշալույս Գևորգյանի «Լոռվա ձորով» պատմվածքների ժողովածուն[1]։
Պարգևներ[խմբագրել | խմբագրել կոդը]
- Կարմիր աստղի շքանշան
Երկեր[խմբագրել | խմբագրել կոդը]
- Գևորգյան Ա. «Լոռվա ձորով»։ Պատմվածքների ժողովածու։ Երևան, Սովետական գրող։