Արծվին Գրիգորյան

Վիքիպեդիայից՝ ազատ հանրագիտարանից
Jump to navigation Jump to search
Արծվին Գրիգորյան
Grigoryan Artsvin 02.jpg
Ծնվել է մայիսի 25, 1935(1935-05-25)
Ծննդավայր Թիֆլիս, ԱԽՖՍՀ, ԽՍՀՄ
Մահացել է սեպտեմբերի 14, 2012(2012-09-14) (77 տարեկանում)
Վախճանի վայր Երևան, Հայաստան
Ազգություն հայ
Կրթություն Հայաստանի ազգային պոլիտեխնիկական համալսարան
Արծվին Գրիգորյան Վիքիդարանում

Արծվին Հայկի Գրիգորյան (1935, մայիսի 25, Թիֆլիս - 2012, սեպտեմբերի 14, Երևան[1]), ճարտարապետ, ճարտարապետների միջազգային ակադեմիայի մոսկովյան բաժանմունքի ակադեմիկոս, ճարտարապետության դոկտոր, պրոֆեսոր։

ՀԽՍՀ ժողովրդական նկարիչ Հռիփսիմե Սիմոնյանի որդին է։

Կենսագրություն[խմբագրել | խմբագրել կոդը]

1952-1958 թթ. սովորել է Երևանի Կ. Մարքսի անվան Պոլիտեխնիկական ինստիտուտի շինարարական ֆակուլտետի ճարտարապետության բաժնում։

  • 1959-1966 թթ. «Երևաննախագիծ» ինստիտուտի ճարտարապետ
  • 1966-1991 թթ. նախագծերի գլխավոր ճարտարապետ
  • 1969-1974 թթ. Հայաստանի ճարտարապետների միության վարչության նախագահի առաջին տեղակալ, 1974-1991 թթ. Հայաստանի ճարտարապետների միության վարչության նախագահ
  • 1982-1986 թթ. ՀԽՍՀ Պետշինի նախագահի առաջին տեղակալ
  • 1991-2012 թթ. Երևանի ճարտարապետության և շինարարության պետական համալսարանի «Քաղաքաշինություն» ամբիոնի վարիչ, ԲՈՀ-ի «Ճարտարապետություն» 029 մասնագիտական խորհրդի նախագահի տեղակալ
  • 1975-1991 թթ. ԽՍՀՄ ճարտարապետների միության վարչության քարտուղար
  • 1978-1987 թթ. Երևանի քաղխորհրդի պատգամավոր, 1981-1991 թթ. ԽՍՀՄ ժողովրդական պատգամավոր[2]։
Արծվին Գրիգորյանին նվիրված հուշատախտակ Երևանի Սայաթ-Նովայի պողոտայի 18 հասցեում

Ստեղծագործական գործունեություն[խմբագրել | խմբագրել կոդը]

Արծվին Գրիգորյանի նախագծերով և համահեղինակությամբ Երևանում կառուցվել են՝

  • 1992 թ. Երևանի գլխավոր հատակագծի տեխնիկատնտեսական հիմնավորում (հեղինակային խմբի կազմում)
  • 1984 թ. «Նոր Արեշ-2» բնակշրջանի մանրամասն հատակագծման նախագիծ (հեղինակային խմբի կազմում)
  • 1984 թ. Արևելյան Հայաստանի Ռուսաստանի կազմի մեջ մտնելու 150-ամյակին նվիրված համալիրի մրցութային նախագիծ (հեղինակային խմբի կազմում, ԽՍՀՄ ՃՄ «Ճարտարապետական հաջողությունների համար» մեդալ և տարվա լավագույն մրցանակների համամիութենական ստուգատեսի դիպլոմ)
  • 1982 թ. Փարիզի «Լա Վիլլետ» զբոսայգու մրցութային նախագիծ (հեղինակային խմբի կազմում)
  • 1980 թ. Երևանի Արաբկիր-1 բնակշրջանի մանր հատակագծման նախագիծ (հեղինակային խմբի կազմում)
  • 1977 թ. Երևան քաղաքի տարածքի լանդշաֆտային կազմակերպման նախագիծ (համահեղինակ Ս. Նազարյան, Հայաստանի Պետական մրցանակ)
  • 1979 թ. Երևանյան լճի առափնյա զբոսայգու նախագիծ
  • 1974 թ. Երևանի ճարտարապետական և մշակույթի հուշարձանների պահպանության գլխավոր սխեմա։ 1974 թ. Երևանի կենտրոնի հատակագծման և կառուցապատման մրցութային նախագիծ (հեղինակային խմբի կազմում), Համամիութենական մրցույթ, 1-ին մրցանակ
  • 1968 թ. Ուղետար Էջմիածնի խճուղի, Երևանի 1974 թ. կանաչապատման հեռանկարային հատակագիծ
  • 1967 թ. Հայաստանի պուրակ ԽՍՀՄ ԺՏՆՑ-ում (Մոսկվա)
  • 1965 թ. 110-տեղանոց ռեստորան Երևանյան լճի ձախ ափին (համահեղինակ Զ. Տեր-Զաքարյան)
  • 1960 թ. Հրազդան գետի ձորում Երևանի հանգստի համաքաղաքային գոտու գլխավոր հատակագիծ

Գեղանկարչական անհատական ցուցահանդեսներ է ունեցել Երևանում, Փարիզում, Սեուլում, Կիտոյում, Լենինգրադում, Մոսկվայում, Կիևում, Թբիլիսիում, Լենինգրադում, Մոսկվայում[3]։

Ծանոթագրություններ[խմբագրել | խմբագրել կոդը]

  1. Մահացել է ճարտարապետության դոկտոր, պրոֆեսոր Արծվին Գրիգորյանը
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  3. Արծվին Հայկի Գրիգորյան

Արտաքին հղումներ[խմբագրել | խմբագրել կոդը]