Արիստիդ Մայոլ

Արիստիդ Մայոլ; ֆրանսերեն՝ Aristide Bonaventure Jean Maillol
Ծնվել է	դեկտեմբերի 8, 1861[…]
Ծննդավայր	Բանիյուլ Սյուր Մեր
Մահացել է	սեպտեմբերի 27, 1944[…] (82 տարեկան)
Վախճանի վայրը	Բանիյուլ Սյուր Մեր
Քաղաքացիություն	Ֆրանսիա
Կրթություն	Փարիզի Գեղեցիկ արվեստների ազգային բարձրագույն դպրոց և Կոլարոսսիի ակադեմիա
Ուսուցիչ	Ժան Լեոն Ժերոմ և Ալեքսանդր Կաբանել
Ստեղծագործություն(ներ)	Ֆլորա, L'Air? և Action Enchained?
Ոճ	Նաբի և սիմվոլիզմ
Մասնագիտություն	քանդակագործ, նկարիչ, վիմագրող, օֆորտանկարիչ, նկարիչ-փորագրող և գծանկարիչ
ազդվել է	Պիեռ Պյուվի դը Շավան և Պոլ Գոգեն
Պարգևներ և ; մրցանակներ
	Ստորագրություն;
	Aristide Maillol Վիքիպահեստում

Արիստիդ Ժոզեֆ Բոնավենտյուր Մայոլ (ֆրանսերեն՝ Aristide Joseph Bonaventure Maillol, դեկտեմբերի 8, 1861(1861-12-08)^[1]^[2]^[3]^[…], Բանիյուլ Սյուր Մեր - սեպտեմբերի 27, 1944(1944-09-27)^[1]^[4]^[5]^[…], Բանիյուլ Սյուր Մեր), ֆրանսիացի քանդակագործ։

Կենսագրություն

1882-1986 թվականներին սովորել է Փարիզի Գեղեցիկ արվեստների դպրոցում։ Ազդվել է Պ. Գոգենից, հարել «նաբի» խմբակցությանը, կատարել գոբելենների էսքիզներ։ 1890-ական թվականների 2-րդ կեսից ստեղծել է «մոդեռն» ոճի հաստոցային ոչ մեծ քանդակներ։ Ստեղծագործական հասուն շրջանում (1900-ական թվականներին) ձգտել է զանգվածների ծավալապլաստիկական կառուցիկության և ընդհանրականության, ուրվագծի սահունության («Գիշեր», 1902-1909, բրոնզ, մասնավոր հավաքածու, Փարիզ, «Մանյակով Վեներան», 1930։ Հիմնականում պատկերելով կանանց մարմիններ (մարմարից, քարից, բրոնզից), դրանցում մարմնավորելով գեղեցիկ մարդու իր իդեալը, միաժամանակ հաղորդել է կամ հայեցողական հանգստի զգացողություն («Միջերկրածով», 1902-1905 թթ., բրոնզ, մասնավոր հավաքածու, ԱՄՆ), կամ դինամիզմ («Իլդե-Ֆրանս», բրոնզ, 1920-1925 թթ., Պտի-Պալե թանգարան, Փարիզ)։ Մայոլը կերպարների խորհրդանշական բովանդակությունը համադրել է արդիականության, իսկ գեղարվեստական լուծումը՝ միջավայրի հետ (առաջին համաշխարհային պատերազմում ընկածների հիշատակին կանգնեցված հուշարձաններ, 19-րդ դարի վերջի նշանավոր մարդկանց մոնումենտներ)։ «Կաշկանդված գործողություն» քանդակի (բրոնզ, 1906, ժամանակակից արվեստի ազգային թանգարան, Փարիզ) կնոջ հզոր մարմինը բացահայտում է Լ. Օ. Բլանկիի կյանքի պաթոսը, ներդաշնակության գաղափարը մարմնավորող նիմֆան՝ Պ. Սեզանի ստեղծագործական որոնումների նպատակը (հուշարձան՝ Պ. Սեզանին, քար, 1912-1925 թթ., Թուիլրի պարտեզ)։ Դեկորատիվ բնույթի աշխատանքներում («Պոմոնա», բրոնզ, 1910 թ., Պուշկինի անվան Կերպարվեստի թանգարան (Մոսկվա)) կարևորված են զգայականությունը, մարդու և բնության միասնության բացահայտումը։ Մայոլը հայտնի է նաև մանրաքանդակներով, գծանկարներով, փորագրություններով և վիմագրություններով։ Խորը ռեալիզմով նրա մարդասիրական արվեստը մեծ ազդեցություն է ունեցել 20-րդ դարի նշանավոր քանդակագործների վրա։

Պատկերասրահ

Ծանոթագրություններ

1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 Aristide Maillol (նիդերլ.)
1 2 Benezit Dictionary of Artists — OUP, 2006. — ISBN 978-0-19-977378-7
1 2 Brockhaus Enzyklopädie (գերմ.) — F.A. Brockhaus, 1796.
1 2 Gran Enciclopèdia Catalana (կատ.) — Grup Enciclopèdia, 1968.
↑ Cassou J., Brunel P., Claudon F., Pillement G., Richard L. Encyclopédie du symbolisme — 1979.

Վիքիպահեստն ունի նյութեր, որոնք վերաբերում են «Արիստիդ Մայոլ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 204)։

[_7191e9cd9f3d3262-1] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_676aa2277727f661-2] 1 2 Aristide Maillol (նիդերլ.)

[_e0c0fd5de49598f5-3] 1 2 Benezit Dictionary of Artists — OUP, 2006. — ISBN 978-0-19-977378-7

[_6708818189c0c490-4] 1 2 Brockhaus Enzyklopädie (գերմ.) — F.A. Brockhaus, 1796.

[_b183022b99266c91-5] 1 2 Gran Enciclopèdia Catalana (կատ.) — Grup Enciclopèdia, 1968.

[_983445d08734d8a7-6] Cassou J., Brunel P., Claudon F., Pillement G., Richard L. Encyclopédie du symbolisme — 1979.

[1]

[2]

[3]

[4]

[5]

[6]