Ասպիսնակ

Գյուղ
Ասպիսնակ
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառակ	Արճեշի գավառակ
Այլ անվանումներ	Ապսակ, Ասպիսակ, Ասպիսակն, Ասպիսինակ, Ասպիսինեկ, Ասպսակ, Ասպսինկա, Ասպսինկա, Ասպսնակ, Ասպսնիկա, Հասպիսինակ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	ասպսնակցի
Ժամային գոտի	UTC+3
Փոստային ինդեքսներ	65400

Ասպիսնակ, գյուղ Արևմտյան Հայաստանում, Վանի վիլայեթի Արճեշի գավառակում։ Գտնում էր Արճեշ քաղաքից հյուսիս֊արևմուտք, Մեծոփա վանքի մոտակայքում, բարձրադիր վայրում։

Պատմություն

Հնում մտնում էր Քաջբերունիք գավառի մեջ։ Ասպիսակն ավերվել է Մեծ եղեռնի տարիներին։ Բնակիչների մի մասը զոհվել է, իսկ մյուս մասն ապաստանել է Արևելյան Հայաստանում։

Բնակչություն

XX դարի սկզբին ուներ 60-80 տուն հայ բնակիչ։

Տնտեսություն

Բնակիչները զբաղվում էին երկրագործությամբ, անասնապահությամբ և այգեգործությամբ։

Պատմամշակութային կառույցներ

Գյուղում կար Ս. Ստեփանոս եկեղեցի (1427 թ․)։ Գյուղի մոտակայքում գտնվում էր Ասպիսնակ կամ Ս․ Հարություն վանքը։

Կրթություն

Ասպսինակում գործում էր հայկական վարժարան։

Գրչություն

XIII-XIV դարերում եղել է գրչության կենտրոն։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Վանի նահանգի հայաբնակ բնակավայրեր

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 573)։