Jump to content

Առաջին 50 համբույր

Վիքիպեդիայից՝ ազատ հանրագիտարանից
Առաջին 50 համբույր
անգլ.՝ 50 First Dates
Երկիր ԱՄՆ
Ժանրռոմանտիկ կատակերգություն
Թեմաամնեզիա, anterograde amnesia? և First date?
Թվականփետրվարի 13, 2004[1][2], ապրիլի 22, 2004[1], հունիսի 18, 2005[1] և հունիսի 20, 2006
Լեզուանգլերեն
ՌեժիսորՓիթեր Սեգալ[3][4][5][…]
ՊրոդյուսերՋեք Ջարապուտո, Սթիվ Գոլին և Նենսի Ջուվոնեն
Սցենարի հեղինակՋորջ Ուինգ
ԴերակատարներԱդամ Սենդլեր[6][7][5][…], Դրյու Բերիմոր[6][7][5][…], Ռոբ Շնայդեր[6][7][5][…], Շոն Օսթին[6][7][5][…], Լյուսիա Ստրուս[6][8][9], Բլեյք Քլարք[6][8][9], Դեն Էյքրոյդ[6][8][9], Էմի Հիլլ[6][8][9], Ալլեն Քովերթ[6][8][9], Միսի Փայլ[8][9], Մայա Ռուդոլֆ[6][8][9], Լին Քոլինզ[9], Քրիստին Բաուեր վան Ստրատեն[9], Քևին Ջեյմս[9], Քեթրին Վիննիկ[9], Ջեսիկա Բոուման[9] և Ջեքի Սենդլեր[9]
ՕպերատորՋեք Գրին
ԵրաժշտությունԹեդի Կասպելուչի
ՄոնտաժՋեֆ Գուրսոն
Պատմվածքի վայրՀավայի
Նկարահանման վայրՍան Ֆրանցիսկո, Հավայի և Մալիբու
ԿինոընկերությունHappy Madison Productions, Flower Films և Columbia Pictures
Տևողություն95 րոպե
Բյուջե70 000 000 $
Շահույթ196 482 882 $
Պաշտոնական կայքէջ

«Առաջին 50 համբույր» (անգլ.՝ 50 First Dates), ռեժիսոր Պիտեր Սիգալի ռոմանտիկ կատակերգություն։

Կարճ նկարագրություն

[խմբագրել | խմբագրել կոդը]

Հենրի Րոթը սիրահարվում է գեղեցկուհի Լյուսիին։ Չնայած շատ տարբերություներին՝ արդեն երեկոյան մեր օրերի Ռոմեոն կարողանում է ստանալ պատասխան զգացմունքը։ Երիտասարդները երջանիկ են և վստահ, որ իրենց սերը հավերժական է։

Ցավոք, ավտովթարը խանգարում է նրանց։ Լյուսին արթնանում է և չի հիշում, թե ինչ է պատահել երեկ, և ով է Հենրին։ Սակայն երիտասարդը չի հանձնվում և մինչ վերջ պայքարում է զգացմունքների համար։

Սյուժե

[խմբագրել | խմբագրել կոդը]

Հենրի Ռոտը անասնաբույժ է Օահուում։ Նա հմայիչ սրտակեր է, բայց նրան շուտ են ձանձրացնում ընկերուհիները։

Մի անգամ, երբ Հենրին գնում է «Hukilau» սրճարան, նա տեսնում է այնտեղ մի երիտասարդ աղջկա՝ Լյուսի Ուիթմոր անունով, ով ճարտարապետական գործ էր ստեղծում վաֆլիներից։ Նրանք ծանոթանում են, շփվում են, և կարծես ամեն-ինչ լավ էր նրանց մեջ։ Բայց հաջորդ օրը, երբ Հենրին գալիս է սրճարան, Լյուսին նրան չի ճանաչում և ասում է, որ առաջին անգամ տեսնում իրեն։ Սրճարանի սեփականատեր Սյուն պատմում է Հենրիին, որ մեկ տարի առաջ Լյուսին և նրա հայր Մառլինը Հյուսիսային Ափ էին գնում արքայախնձոր գնելու համար հոր ծննդյան կապակցությամբ։ Ետ վերադառնալուց նրանք լուրջ ավտովթարի են ենթարկվում, որի արդյունքում Լյուսին ստանում է ամնեզիա հիվանդություն և ամեն անգամ արթնանալուց նա մտածում է, որ անցած տարվա հոկտեմբերի 13-ն է։ Նրան վիշտ չպատճառելու համար, նրա հայր Մառլինը և եղբայր Դոուգը ամեն օր դնում են հոկտեմբերի 13-ի թերթեր, ամեն անգամ նայում են Vikings բասկետբոլային թիմի նույն խաղը։

Չնայած Սյուի նախազգուշացմանը, Հենրին որոշում է կրկին փորձել նախաճաշել Լյուսիի հետ։ Ի վերջո, նա անում է դա, բայց դա վատ ավարտ է ունենում, քանի որ Հենրին վնասում է Լյուսիի զգացմունքները։ Նա գնում է Լյուսիի տուն, որպեսզի ներողություն խնդրի նրանից, բայց Մառլինը և Դոուգը ստիպում են նրան մենակ թողնել Լյուսիին։ Նա սկսում է փնտրել նոր ուղիներ Լյուսիին հասնելու համար, կանգնում է նրա ճանապարհին՝ ձևացնում է, իբր ավտոմեքենան փչացել է, ստեղծում է կեղծ ճանապարհային բլոկ կամ խնդրում է Ուլային ծեծել իրեն, որպեսզի Լյուսին ուշադրություն դարձնի իր վրա։

Մի օր, երբ Հենրին նստում է Լյուսիի հետ նախաճաշելու, վերջինս նկատում է, որ ոստիկանը տուգանք է գրում իր ժամկետանց համարների համար։ Լյուսին պնդում է, որ չպետք է տուգանք վճարի, քանի որ դեռ հոկտեմբերի 13-ն է։ Սակայն երբ վերցնում է թերթը, նա տեսնում է, որ ամենևին էլ հոկտեմբեր չէ։ Մառլինը և Դոուգը ստիպված խոստովանում են նրան ամեն-ինչ։

Հենրին որոշում է Լյուսիին ավտովթարի մասին պատմող տեսահոլովակ պատրաստել և ցույց տալ նրան ամեն առավոտ։ Լյուսին շատ լավ ժամանակ է անցկացնում Հենրիի հետ։ Բայց Լյուսին որոշում է Հենրիին ամբողջությամբ ջնջել իր կյանքից, քանի որ կարծում է, որ չի կարող երջանկացնել նրան։ Հենրին օգնում է Լյուսիին ջնջել օրագրից իրենց հարաբերությունների մասին գրառումները։

Հենրին որոշում է գնալ ծովագնացության։ Մինչև նա կգնար, Մառլինը պատմում է նրան, որ Լյուսին հիմա ապրում է ինստիտուտում և տալիս է արվեստի դասեր։ Ճանապարհին Հենրին հասկանում է, որ չի կարող ապրել առանց Լյուսիի, և գնում է ինստիտուտ։ Այնտեղ Լյուսին ասում է, որ չի հիշում իրեն, բայց ցույց է տալիս իր արվեստանոցի նկարները, որոնցում պատկերված էր Հենրին, և ասում է, որ նա ամեն գիշեր տեսնում է Հենրիին իր երազում։ Նրանք հաշտվում են։

Որոշ ժամանակ անց, Լյուսին արթնանում է և նայում է «Բարի լույս Լյուսի» ժապավենը։ Դա կրկին հիշեցնում է նրան դժբախտ պատահարի մասին, բայց վերջանում է իր և Հենրիի ամուսնությամբ։ Լյուսին տեսնում է, որ նա Հենրիի նավի վրա է և որ նրանք Ալյասկայում են։ Նա բարձրանում է տախտակամածի վրա և տեսնում է Մառլինին, Հենրիին և իր փոքրիկ դստերը՝ Նիկոլին։

Դերերում

[խմբագրել | խմբագրել կոդը]
ԴերասանԴեր
Ադամ ՍենդլերՀենրի Ռոտ
Դրյու ԲերիմորԼյուսի Ուիթմոր
Ռոբ ՇնայդերՈւլա
Շոն ԱսթինԴագ
Լյուսիա ՍտրուսԱլեքսա
Դեն Էյկրոյդբժիշկ Քիթս
Էմի ՀիլլՇու
Ալլեն ԿովերտԹոմ
Բլեյկ ԿլարկՄառլին
Մայա ՌուդոլֆՍտասի

Հետաքրքիր փաստեր

[խմբագրել | խմբագրել կոդը]
  • Ֆիլմի նկարահանումները սկսվել են 2003 թվականին, Հավայան կղզիներում, հետո շարունակվել են Լոս Անջելեսում և ավարտվել են 2003 թվականի հունիսին։
  • Սկզբում որոշված էր, որ ֆիլմում խաղալու էր Քեմերոն Դիազը, իսկ ռեժիսորը լինելու էր Ջեյ Ռոաչը։
  • Ադամ Սենդլերը և Դրյու Բերիմորը նախկինում միասին նկարահանվել են «Հարսանիքի երգիչը» ֆիլմում։
  • Սկզբում ֆիլմի անունը «50 First Kisses» էր, հետո փոխվեց «Fifty First Dates»։ Հետո «Fifty»-ն դարձավ «50» և ստացվեց «50 First Dates»։
  • Ֆիլմի շահույթը կազմել է 200 միլիոն դոլար։
  • Ֆիլմը նվիրված է Ադամի հորը՝ Սթենլի Սենդլերին։

Ծանոթագրություններ

[խմբագրել | խմբագրել կոդը]

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Առաջին_50_համբույր&oldid=9812235» էջից