Աշխեն Աթալյանց

Աշխեն Աթալյանց
Ծնվել է	հունվարի 2, 1971 (53 տարեկան); Բելգրադ, Սերբիայի Սոցիալիստական Հանրապետություն, ՀՍՖՀ
Երկիր	Սերբիա
Մասնագիտություն	բալետի պարող
Աշխատավայր	Q12748677?
Կայք	ashenataljanc.com
	Ašhen Ataljanc Վիքիպահեստում

Աշխեն Աթալյանց (սերբ.՝ Ашхен Атаљанц, Բելգրադ, հունվարի 2, 1971(1971-01-02), Բելգրադ, Սերբիայի Սոցիալիստական Հանրապետություն, ՀՍՖՀ), բալետի սերբահայ պարուհի, նախկին Հարավսլավիայի բալետում խոր հետք թողած դերասաններից մեկը։

Կենսագրություն[խմբագրել | խմբագրել կոդը]

Աշխեն Աթալյանցը ծնվել է 1971 թվականի հունվարի 2-ին, Բելգրադում։ Նրա հայրը՝ Գաբրիելը, ազգությամբ հայ է, մասնագիտությամբ՝ հոգեբույժ, իսկ մայրը՝ Գորդանան, գրականության պրոֆեսոր։ Մանկությունն անցկացրել է Պանչևոյում, որտեղ կատարել է առաջին քայլերը բալետում^[1]։ Հետագայում Պանչևոյից մեկնել է Զագրեբ, որտեղ շարունակել է հաճախել բալետի դպրոց, իսկ հետո տեղափոխվել է Բելգրադ^[2]։ 1989 թվականին ավարտել է «Լույո Դավիչո» բալետի դպրոցը։ Արդեն հաջորդ տարի նա դարձել է Բելգրադի ազգային թատրոնի բալետային անսամբլի առաջին պարուհին^[3], որտեղ, որպես բալետի դպրոցի սան, մենակատարի դերեր է ունեցել և շուտով սկսել է գլխավոր դերեր ստանալ դասական խաղացանկում^[4]։

Կարիերա[խմբագրել | խմբագրել կոդը]

1991 թվականին Աշխեն Աթալյանցը ելույթ է ունեցել Օսակայում (Ճապոնիա) տեղի ունեցած բալետի մրցույթում և իր գործընկեր Կոնստանտին Կոստյուկովի հետ զույգերի անվանակարգում արժանացել առաջին մրցանակին^[4]։ Նույն թվականին նա դարձել է Սերբիայի ազգային բալետի ամենաերիտասարդ պրիման^[5]։ Որպես ազգային թատրոնի պրիմա՝ 1993 թվականին հյուրընկալվել է Թել Ավիվում և 1994 թվականին՝ Մյունխենում։ Ազգային թատրոնի այն ժամանակվա ղեկավար Ալեքսանդար Բերչեկի հետ տարաձայնություններից հետո նա տեղափոխվել է Բավարիայի պետական օպերա (Մյունխեն)։ Բերչեկի հեռանալուց հետո Աշխենը վերադարձել է Ազգային թատրոն, որտեղ բալետի ղեկավարն էր պարուսույց Լիդիա Պիլիպենկոն^[6]։

1997 թվականին Աշխեն Աթալյանցը լքել է Ազգային թատրոնը, որի հետ երբեք չի խզել կապերը արտասահմանյան բալետային խմբերում ներգրավվածության ժամանակ։ 1997-2000 թվականներին եղել է Բեռլինի պետական օպերայի մենապարուհի։ Իր կարիերայի այդ հատվածում նա հիմնականում խաղացել է դասական խաղացանկի դերեր, բայց սկսել է հետաքրքրվել նաև ժամանակակից բեմադրություններով։ Նրա կարիերայի շրջադարձային կետը եղել է 2000 թվականը, երբ, տեղափոխվելով իտալական Atterbaletto բալետային խումբ, նա ամբողջությամբ անցել է ժամանակակից պարին։ 2006 թվականին նա վերադարձել է Սերբիա՝ անկախ արտիստի կարգավիճակով, իսկ 2007 թվականի ապրիլին «Տերազիե» թատրոնի բեմում La Capinera ներկայացումով նշել է իր կարիերայի 20-ամյակը^[5]։

Գլխավոր դերերը Բելգրադի ազգային թատրոնի բալետում[խմբագրել | խմբագրել կոդը]

Օդետտա/Օդիլիա - Կարապի լիճ (խորեոգրաֆ՝ Դ. Պարլիչ),
Կիտրի - Դոն Կիխոտ (խորեոգրաֆ՝ Վ. Լոգունով),
Նիկիա - Բայադերկա (խորեոգրաֆ՝ Մ. Պետիպա),
Mirta, Gisela - Ժիզել (խորեոգրաֆ՝ Լ. Լավրովսկի),
Կին - Հարություն (խորեոգրաֆ՝ Լ. Պիլիպենկո),
Ավրորա - Քնած գեղեցկուհի (խորեոգրաֆ՝ Վ. Լոգունով),
Մարգարիտա Գոտիե – Կամելիազարդ տիկինը (խորեոգրաֆ՝ Լ. Լավրովսկի),
Աղջիկ - Ձմեռային երազներ (Դ. Գրեյ),
Դալիլա - Սամսոն և Դալիլա (խորեոգրաֆ՝ Լ. Պիլիպենկո),
Մենապար Աիդա օպերայի հաղթական վերադարձի տեսարանում^[7]

Մրցանակներ և պարգևներ[խմբագրել | խմբագրել կոդը]

Սերբիայի բալետի արտիստների ասոցիացիայի ականավոր նվաճումների մրցանակ (2018)
«Ոսկե բեոչուգ» մրցանակ (2018)
Մրցանակ «Լա Կապիներա» բալետում (2007) գլխավոր դերի համար՝ Միջերկրական թատրոնի «Քավարան» երկրորդ միջազգային փառատոնում
Կարիչ եղբայրների մրցանակ (2006)
Ամենամյա հատուկ «Հաջողության ծաղիկ՝ վիշապ կնոջ համար» մրցանակ՝ Բելգրադում ամենակարևոր նվաճումների համար (1992)
Բելգրադ քաղաքի հոկտեմբերյան մրցանակ՝ երաժշտության և թատերական արվեստի բնագավառում մեծ նվաճումների համար, «Դոն Կիխոտ» բալետում Կիտրիի դերի համար (1992)
Բելգրադի Ազգային թատրոնի ամենամյա մրցանակ «Դոն Կիխոտ» բալետում Կիտրիի դերի համար (1991/92)
Բալետի միջազգային մրցույթի առաջին մրցանակ (Օսակա, Ճապոնիա, 1991)
Հոբելյանական մրցանակ Բելգրադի ազգային թատրոնի 120-ամյակի կապակցությամբ՝ «Կարապի լիճ» բալետում Օդիլիայի և Օդետտայի դերերի համար (1990)^[7]

Ընտանիք[խմբագրել | խմբագրել կոդը]

Նրա մայրը սերբ է, հայրը՝ հայ և սեկեյ, ունի նաև գերմանացի նախնիներ։ Նրա նախապապը դոկտոր Աթալյանցն էր՝ հայտնի բժիշկ Սկորենովացից և Պանչևոյից, պապը՝ Ջորջեն, իրավաբան էր, իսկ տատը՝ Թերեզիա Վարգան՝ ուսուցչուհի, որն Աշխենին սեր էր սերմանել բալետի հանդեպ։ Աշխենի հայրը՝ Գաբրիել Աթալյանցը, բժիշկ, բանաստեղծ և մարզիկ է, իսկ մայրը՝ սերբերենի և գրականության պրոֆեսոր^[5]։

Ծանոթագրություններ[խմբագրել | խմբագրել կոդը]

↑ «AŠHEN ATALJANC». Hotel Grand Hedonist. Արխիվացված է օրիգինալից 16. 01. 2022-ին. Վերցված է 16. 1. 2022-ին.
↑ «Ašhen Ataljanc, balerina - Vraćam se konačno u Beograd». eKapija. 18.1.2009. Վերցված է 16. 1. 2022-ին.
↑ Konjikušić, Davor (22. 8. 2001.). «Ašhen Ataljanc». Vreme. Վերցված է 16. 1. 2022-ին.
↑ ^4,0 ^4,1 Lijeskić, Biljana (3.7.2019). «Jedino što sam mogla bilo je da igram». Политика. Վերցված է 16. 1. 2022-ին.
↑ ^5,0 ^5,1 ^5,2 Jovanović, Jelena. «Ašhen Ataljanc». Balet. Վերցված է 16. 1. 2022-ին.
↑ Ćirić, Dejan. «Lidija Pilipenko: Doživotna krivica čuvene primabalerine». 24sedam (սերբերեն). Վերցված է 2024 թ․ ապրիլի 12-ին.
↑ ^7,0 ^7,1 «Biografija - Ashen Ataljanc». ashenataljanc.com. Վերցված է 16. 1. 2022-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Աշխեն Աթալյանց» հոդվածին։

[1] «AŠHEN ATALJANC». Hotel Grand Hedonist. Արխիվացված է օրիգինալից 16. 01. 2022-ին. Վերցված է 16. 1. 2022-ին.

[eKapija-2] «Ašhen Ataljanc, balerina - Vraćam se konačno u Beograd». eKapija. 18.1.2009. Վերցված է 16. 1. 2022-ին.

[Vreme-3] Konjikušić, Davor (22. 8. 2001.). «Ašhen Ataljanc». Vreme. Վերցված է 16. 1. 2022-ին.

[Политика-4] 4,0 ^4,1 Lijeskić, Biljana (3.7.2019). «Jedino što sam mogla bilo je da igram». Политика. Վերցված է 16. 1. 2022-ին.

[Balet-5] 5,0 ^5,1 ^5,2 Jovanović, Jelena. «Ašhen Ataljanc». Balet. Վերցված է 16. 1. 2022-ին.

[6] Ćirić, Dejan. «Lidija Pilipenko: Doživotna krivica čuvene primabalerine». 24sedam (սերբերեն). Վերցված է 2024 թ․ ապրիլի 12-ին.

[ashenataljanc.com-7] 7,0 ^7,1 «Biografija - Ashen Ataljanc». ashenataljanc.com. Վերցված է 16. 1. 2022-ին.

[1]

[2]

[3]

[4]

[5]

[6]

[7]