Աննա Մարիկյան

Աննա Մարիկյան
Ծնվել է	սեպտեմբերի 23, 1941(1941-09-23) (83 տարեկան)
Ծննդավայր	Ալեքսանդրիա, Եգիպտոս
Քաղաքացիություն	ԽՍՀՄ և  Հայաստան
Կրթություն	Երևանի պարարվեստի պետական քոլեջ
Մասնագիտություն	բալետի պարող
Պարգևներ և մրցանակներ	և Հայաստանի մշակույթի նախարարության ոսկե մեդալ

Աննա Գրիգորի Մարիկյան (սեպտեմբերի 23, 1941(1941-09-23), Ալեքսանդրիա, Եգիպտոս), հայ բալետի արտիստ, պարուսույց։ ՀԽՍՀ վաստակավոր արտիստ (1976)։

Կենսագրություն

Աննա Մարիկյանը ծնվել է 1941 թվականի սեպտեմբերի 23-ին, Ալեքսանդրիայում, պոլսեցիններ Գրիգոր Մարիկյանի և Մարի Երկաթի ընտանիքում։ 1948 թվականին ընտանիքը հայրենադարձել է Հայաստան։ 1959 թվականին ավարտել է Երևանի պարարվեստի ուսումնարանը (պարուսույց՝ Մաքսիմ Մարտիրոսյան)։ 1959-1985 թվականներին աշխատել է Երևանի Ա. Սպենդիարյանի անվան օպերայի և բալետի ազգային ակադեմիական թատրոնում՝ որպես մենապարուհի։ 1985 թվականից դասավանդում է Երևանի պարարվեստի պետական ուսումնարանում։ Նրա մի շարք աշակերտներ հանդես են եկել աշխարհի տարբեր բեմերում և արժանացել մրցանակների։

Բալետային ներկայացումներ

• Ադոլֆ Ադանի «Ժիզել» (Միրթա),
• Արամ Խաչատրյանի «Սպարտակ» (Ֆրիգիա),
• Էդգար Հովհաննիսյանի «Անտունի» (Խումար),
• Ֆրեդերիկ Շոպենի «Շոպենիանա» (Երազանք),
• Պյոտր Չայկովսկու «Կարապի լիճը» (Օդետտ-Օդիլիա),
• Ուզեիր Հաջիբեկովի «Լեյլի և Մեջնում» (Լեյլի),
• Լյուդվիգ Մինկուսի «Դոն Կիխոտ» (Հավերժահարս),
• Բախի «Չակոնա» (Աղջիկ),
• Մորիս Ռավելի «Բոլերո» (Իսպանուհի),
• Ալեքսանդր Սպենդիարյանի «Խանդութ» (Չմշկիկ),
• Շառլ Գունոյի «Վալպուրգյան գիշեր» (Աղջիկ),
• Էդգար Հովհաննիսյանի «Սասունցի Դավիթ»օպերա-բալետ, (Իսմիլ Խաթուն),
• Գրիգոր Հախինյանի «Ուռենի»,
• Բ. Սակիլարիի «Չոփչոփիկ»,
• Ի. Մորոզևի «Բժիշկ Այբոլիտ» (Վարվարա),
• «Լորկիանա» (Սեր)։

Մրցանակներ

• ՀԽՍՀ վաստակավոր արտիստ, 1976,
• ՀՀ մշակույթի նախարարության ոսկե մեդալ, 2010,
• Մովսես Խորենացու մեդալ, 2012։