Աննա Թոդդ

Աննա Թոդդ
Ծննդյան անուն	անգլ.՝ Anna Renee Todd
Ծնվել է	մարտի 20, 1989 (35 տարեկան)
Ծննդավայր	Դեյթոն, Օհայո, ԱՄՆ
Մասնագիտություն	վիպասան և գրող
Քաղաքացիություն	ԱՄՆ
Ժանրեր	սիրավեպ
Ուշագրավ աշխատանքներ	After Me? և After?
Կայք	annatodd.com
	Anna Todd Վիքիպահեստում

Աննա Ռենե Թոդդ (անգլ.՝ Anna Renee Todd, մարտի 20, 1989(1989-03-20)^[1], Դեյթոն, Օհայո, ԱՄՆ), ամերիկացի կին գրող, «New York Times» թերթի բեսթսելլեր «Հետո» վեպի հեղինակ։ «Cosmopolitan» ամսագրի կողմից հռչակվել է որպես «իր սերնդի ամենամեծ գրական ֆենոմեն»^[3]։ Աննան իր գրական գործունեությունն սկսել է «Wattpad» հավելվածում։ 2013 թվականին հայտնվելով կայքում՝ «Հետո» վեպի էլեկտրոնային տարբերակը հավաքել է 1,5 միլիոնից ավելի ընթերցում։ Տպագիր տարբերակը լույս է տեսել 2014 թվականին «Gallery Books»-ի հրատարակչությունում՝ 15 միլիոն օրինակ տպաքանակով։ Գիրքը թարգմանվել է ավելի քան 30 լեզուներով և բեսթսելլեր է Իտալիայում, Գերմանիայում, Ֆրանսիայում և Իսպանիայում։ Ներկա պահին ավարտվել են «Հետո» ֆիլմի նկարահանումները։ Ֆիլմը Ռուսաստանում ցուցադրվել է 2019 թվականի ապրիլի 18-ին^[4]։

Գործունեություն[խմբագրել | խմբագրել կոդը]

Ոգեշնչված «One Direction» խմբի երաժշտությամբ և ֆանդոմով՝ 2013 թվականին Աննան սկսել է իր հեռախոսով գրել պատմվածքներ և հրապարակել դրանք «Wattpad» հավելվածում։ Նա օրական գրել է մեկ գլուխ՝ մեկ տարվա ընթացքում։ Շուտով հոբբին վերածվեց գործունեության, քանի որ «Հետո»-ն դարձավ հավելվածի ամենաշատ ընթերցվող շարքը։

Թոդդը «Wattpad»-ում գրել է 3 գիրք, որոնցից յուրաքանչյուրը նկարագրել է քոլեջի ուսանողներ Թեսսա Յանգի և Հարի Սթայլզի (տպագիր տարբերակում՝ Հարդին Սքոթ) միջև բուռն հարաբերությունների զարգացումը։

2014 թվականից սկսած՝ Աննան և իր հրապարակումները «Wattpad» հավելվածում սկսել են գրավել ԶԼՄ-ների ուշադրությունը, մասնավորապես՝ «The New York Times»-ի^[5], «The Washington Post»-ի^[6], «Cosmopolitan»-ի^[3], «New York Magazine»-ի^[7], «Nylon»-ի^[8] և «Billboard»-ի^[9]։

2015 թվականին Աննա Թոդդն ազդարարել է, որ լույս կտեսնի «Հետո» վեպի նախաբան՝ «Մինչ այն, երբ» վեպը, որտեղ նկարագրվելու են «Հետո»-ի իրադարձոթյունները՝ Հարդին Սքոթի տեսակետից^[10]։

2016 թվականի աշնանն Աննան «New Romance Festival»-ից ստացել է մրցանակ «Վեպերի լավագույն հեղինակ» անվանակարգում^[11]։ Գրողի հաջորդ գիրքը՝ «Սփրինգ քույրեր»-ը, հրատարակվել է 2018 թվականի հունվարին։ Սա Լուիզա Մեյ Էլքոթի «Փոքրիկ տիկիններ» դասական վեպի վերաիմաստավորումն է^[12]։

2017 թվականին «Aviron Pictures»-ը ընկերությունը թույլտվություն է ստացել էկրանավորելու Աննա Թոդդի առաջին վեպ «Հետո»-ն^[13]։ Ֆիլմն ԱՄՆ-ում ցուցադրվել է 2019 թվականի ապրիլի 12-ին, իսկ Ռուսաստանում՝ ապրիլի 18-ին^[4]։ Կինոնկարի գլխավոր դերակատարներն են Ջոզեֆին Լենգֆորդը և Հիրո Ֆայնս Թիֆինը։

«Հետո» գիրքն արդեն լույս է տեսել Ռուսաստանում, բայց մոտ ապագայում այն նոր շապիկով և լրացուցիչ գլխով կտպագրի «ԷՔՍՄՈ» հրատարակչությունը, որն Աննա Թոդդը հատուկ գրել է ֆիլմի թողարկման համար։

Անձնական կյանք[խմբագրել | խմբագրել կոդը]

Աննա Թոդդը մեծացել է Օհայո նահանգի Դեյթոն քաղաքում։ Նա ամուսնացել է ամերիկացի զինվորական Ջորդանի հետ, երբ 18 տարեկան էր։ Նրանք միասին տեղափոխվել են Տեխաս նահանգի Ֆորտ-Հուդ քաղաք, որտեղ Աննան զուգընթաց աշխատել է «Waffle House» ռեստորանում և «ULTA Beauty» գեղեցկության սրահում։ Աննան և Ջորդանն ունեն որդի՝ Աշեր անվամբ։

Հեղինակի ստեղծագործությունների ցանկ[խմբագրել | խմբագրել կոդը]

«Հետո» (2014, հոկտեմբեր)
«Կռվից հետո» (2014, նոյեմբեր)
«Կործանումից հետո» (2014, դեկտեմբեր)
«Երկար և երջանիկից հետո» (2015, փետրվար)
«Մինչ այն, երբ» (2015, դեկտեմբեր)
«Ոչինչ ավելին» (2016, սեպտեմբեր)
«Imagines» (համահեղինակ, 2016, ապրիլ)
«Ոչ մի կերպ ոչ պակաս» (2016, դեկտեմբեր)
«Սփրինգ քույրեր» (2018, հունվար)
«Վառ աստղեր» (2018, սեպտեմբեր)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Պաշտոնական կայք

Վիքիպահեստն ունի նյութեր, որոնք վերաբերում են «Աննա Թոդդ» հոդվածին։

[_6e6a9a6e7a72bfb3-1] 1,0 ^1,1 Babelio (ֆր.) — 2007.

[_2d56e591f4ade1e3-2] ttps://freenovelpdf.com/before-by-anna-todd-pdf-download/

[автоссылка1-3] 3,0 ^3,1 This 25-Year-Old Turned Her One Direction Obsession Into a Six-Figure Paycheck

[автоссылка2-4] 4,0 ^4,1 После, 2019

[5] Fantasizing on the Famous

[6] From ‘Fifty Shades’ to ‘After’: Why publishers want fan fiction to go mainstream

[7] It’s a Fanmade World: Your Guide to the Fanfiction Explosion

[8] NYLON Explores The New Age Of Fandom

[9] Steamy One Direction Fan Fiction Being Shopped to Hollywood

[10] 'After' author Anna Todd to release new book, 'Before'

[11] Festival New Romance

[12] The Spring Girls, A Modern-Day Retelling of Little Women

[13] ‘After’ Movie: Paramount Acquires Rights To Wattpad Book By Anna Todd

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]