Անատոլի Գորյունով

Անատոլի Գորյունով
Ծնվել է	դեկտեմբերի 17 (30), 1902
Ծննդավայր	Մոսկվա, Ռուսական կայսրություն
Մահացել է	հուլիսի 10, 1951 (48 տարեկան)
Մահվան վայր	Մոսկվա, ԽՍՀՄ
Քաղաքացիություն	ԽՍՀՄ
Մասնագիտություն	դերասան
Ամուսին(ներ)	Վերա Բենդինա
Պարգևներ և մրցանակներ	; և

Անատոլի Իոսիֆովիչ Գորյունով (ռուս.՝ Анатолий Иосифович Горюно́в, իրական ազգանունը՝ Բենդել, դեկտեմբերի 17 (30), 1902, Մոսկվա, Ռուսական կայսրություն - հուլիսի 10, 1951(1951-07-10), Մոսկվա, ԽՍՀՄ), խորհրդային թատրոնի ու կինոյի դերասան։ ՌԽՖՍՀ ժողովրդական արտիստ (1946), Ստալինյան երկրորդ աստիճանի շքանշանակակիր (1950)։

Կենսագրություն[խմբագրել | խմբագրել կոդը]

Անատոլի Գորյունովը ծնվել է 1902 թվականի դեկտեմբերի 4-ին Մոսկվայում։ Քաղաքացիական պատերազմի ժամանակ աշխատել է Հեղափոխական ռազմական խորհրդում^[1]։

1924 թվականին ավարտել է Մոսկվայի գեղարվեստական ակադեմիական թատրոնի 3-րդ ստուդիայի թատերական դպրոցը։ 1926 թվականից՝ Ե. Վախթանգովի անվան թատրոնի դերասան, ղեկավարել է գրական և բեմադրման մասը, եղել գեղարվեստական ղեկավարը։ Ծավալել է մանկավարժական գործունեություն. 1927 թվականից՝ թատրոնին կից ուսումնարանում, իսկ 1931 թվականից՝ Ռուսաստանի թատերական արվեստի ինստիտուտում^[2]։

Կինոյում սկսել է նկարահանվել 1921 թվականից. առաջին ֆիլմը եղել է «Ամեն ինչ մեր ձեռքերում է»-ն^[1]։

Անատոլի Գորյունովը մահացել է 1951 թվականի հուլիսի 10-ին Մոսկվայում՝ գերճնշումից, որն այն ժամանակ չէին կարողանում բուժել^[3]։ Թաղված է Նովոդևիչյան գերեզմանոցում (հողակտոր №2)։

Ընտանիք[խմբագրել | խմբագրել կոդը]

Հայրը՝ Իոսիֆ Բենդելն է։

Մայրը՝ Աննա Մոսկվինան, հայտնի դերասաններ Իվան Մոսկվինի և Միխայիլ Տարխանովի քույրը։ Վերջիններս զբաղվել են Անատոլիի դաստիարակությամբ, որը վաղ տարիքում զրկվել է հորից^[2]։

Կինը՝ դերասանուհի Վերա Բենդինան է (1900-1974)^[2]։

Որդին՝ Միխայիլ Գորյունովը (1932-1994), Մոսկվայի գեղարվեստական ակադեմիական թատրոնի դերասան, կինը՝ նույն թատրոնի դերասանուհի Նինա Գուլյաևան։ Դուստրը՝ Աննա Գորյունովան (ծնվ.՝ 1933), Մոսկվայի գեղարվեստական ակադեմիական թատրոնի դերասանուհի է, ամուսինը՝ դերասան Ալեքսանդր Միխայլովն է (1922-1996)^[2]։

Մրցանակներ և պարգևներ[խմբագրել | խմբագրել կոդը]

ՌԽՖՍՀ վաստակավոր արտիստ (1934)
ՌԽՖՍՀ ժողովրդական արտիստ (փետրվարի 5, 1946)
Ստալինյան երկրորդ աստիճանի շքանշան (1950)՝ Նիկոլայ Վիրտայի «Դատապարտվածների դավադրությունը» ներկայացման մեջ Կոստա Վառայի դերակատարման համար
Աշխատանքային կարմիր դրոշի շքանշան (դեկտեմբերի 16, 1946)

Դերերը թատրոնում[խմբագրել | խմբագրել կոդը]

Տարի	Հեղինակ	Ներկայացում	Դեր
1922	Կառլո Գոցցի	Արքայադուստր Տուրանդոտ	իմաստուն
1925	Լիդիա Սեյֆուլինա Վալերիան Պրավդուխին	Վիրինեա	երիտասարդ զինվոր
1927	Բորիս Լավրենյով	Բեկում	փուչիկ
1929	Յուրի Օլեշա	Զգացմունքների դավադրություն	Իվան Բաբիչև
1932	Ուիլյամ Շեքսպիր	Համլետ	Համլետ
1933	Լև Սլավին	Ինտերվենցիա	ֆրանսիացի զինվոր Սելեստին
1934	Օնորե դը Բալզակ	Մարդկային կատակերգություն	բարոն Նյուսենժեն
1935	Ալեքսանդր Աֆինոգենով	Հեռուն
1936	Ուիլյամ Շեքսպիր	Մեծ աղմուկ ոչնչից	Բենեդիկտ
1937	Նիկոլայ Պոգոդին	Հրացանավոր մարդը	նավաստի Դիմով
1938	Վալենտին Կատաև	Գնում էր զինվորը ռազմաճակատից	Նիկանոր Տկաչենկո
1939	Նիկոլայ Գոգոլ	Ռևիզորը	Գորոդնիչի
1941	Միխայիլ Բուլգակով	Դոն Քիշոտ	Սանչո Պանսա
1942	Կոնստանտին Սիմոնով	Ռուս մարդիկ	Իվան Գլոբա
1944	Ֆլորիմոն Էրվե	Մադմուազել Նիտուշ	գնդապետ
1945	Վլադիմիր Սոլովյով	Մեծ թագավոր	Ակակի
1950	Նիկոլայ Վիրտա	Դատապարտվածների դավադրությունը	Կոստա Վառա

Ռեժիսոր[խմբագրել | խմբագրել կոդը]

Տարի	Հեղինակ	Ներկայացում
1940	Ջոն Բոյնթոն Փրիսթլի	Վտանգավոր շրջադարձ (Ալեքսանդրա Ռեմիզովայի հետ համատեղ)

Ֆիլմագրություն[խմբագրել | խմբագրել կոդը]

Տարի	Ֆիլմ	Դեր
1930	Праздник святого Иоргена	վանական
1934	Պետերբուրգյան գիշեր	ջութակահար Շուլց
1934	Թմբլիկը	Պարոն Լուազո
1935	Երեք ընկեր	թղթի գործարանի տնօրեն Վասիլի Գլինկա
1936	Հաղթողների սերունդ	ժանդարմական ռոտմիստր
1936	Դարպասապահը	ինժեներ Անատոլի Կարասիկ
1936	Կուսակցական տոմս	շրջկոմի քարտուղար Ֆեոդոր Իվանովիչ
1936	Փարիզի արշալույսները	նկարիչ Ռիշե
1939	Մինինը և Պոժարսկին	հետման Խոդկևիչ
1939	Օդային փոստ	օդանավակայանի պետ
1941	«Դերբենտ» լցանավը	Եվգենի Կուտասով
1949	Երջանիկ երթ	Ալեքսեյ Տրոֆիմով

Ծանոթագրություններ[խմբագրել | խմբագրել կոդը]

↑ ^1,0 ^1,1 «Анатолий Горюнов - биография, новости, личная жизнь, фото»։ stuki-druki.com (ռուսերեն)։ Վերցված է 2023-01-02
↑ ^2,0 ^2,1 ^2,2 ^2,3 «Анатолий Горюнов»։ Кино-Театр.Ру։ Վերցված է 2023-01-02
↑ «Горюнов Анатолий Иосифович | Всегда со мною» (ru-RU)։ Արխիվացված է օրիգինալից 2021-06-24-ին։ Վերցված է 2021-06-19

[stuki-druki-1] 1,0 ^1,1 «Анатолий Горюнов - биография, новости, личная жизнь, фото»։ stuki-druki.com (ռուսերեն)։ Վերցված է 2023-01-02

[kino-teatr-2] 2,0 ^2,1 ^2,2 ^2,3 «Анатолий Горюнов»։ Кино-Театр.Ру։ Վերցված է 2023-01-02

[3] «Горюнов Анатолий Иосифович | Всегда со мною» (ru-RU)։ Արխիվացված է օրիգինալից 2021-06-24-ին։ Վերցված է 2021-06-19

[1]

[2]

[3]