Դարպասապահը (ֆիլմ, 1936)

Դարպասապահը ռուս.՝ Вратарь
Երկիր	ԽՍՀՄ
Ժանր	կինոկատակերգություն և ֆիլմ ֆուտբոլի մասին
Հիմք	Հանրապետության դարպասապահը
Թվական	1936
Լեզու	ռուսերեն
Ռեժիսոր	Սեմյոն Տիմոշենկո
Սցենարի հեղինակ	Լազար Յուդին
Դերակատարներ	Գրիգորի Պլուժնիկ, Տատյանա Գուրեցկայա, Լյուդմիլա Գլազովա, Յակով Գուդկին, Ֆեոդոր Կուրիխին և Վալերի Սոլովցով
Օպերատոր	Վլադիմիր Դանաշևսկի
Երաժշտություն	Իսահակ Դունաևսկի
Կինոընկերություն	Լենֆիլմ
Տևողություն	71 րոպե

«Դարպասապահը» (ռուս.՝ «Вратарь»), խորհրդային գեղարվեստական լիամետրաժ սև-սպիտակ ֆիլմ, որ նկարահանվել է ռեժիսոր Սեմյոն Տիմոշենկոյի կողմից 1936 թվականին «Լենֆիլմ» կինոստուդիայում։ Պրեմիերան կայացել է 1937 թվականի հունվարին։ Երկրորդ անգամ վարձույթի է հանվել 1970 թվականին՝ որոշակի գրաքննության ենթարկվելուց հետո։

Խորհրդային առաջին ֆիլմն է, որ նվիրված է սպորտին։

Սյուժե

Ֆիլմում պատմվում է սովորական երիտասարդի՝ Անտոն Կադիդովի մասին։ Սկզբում նա աշխատում է գյուղատնտեսության ոլորտում՝ Վոլգայի վրայով տեղափոխում է ձմերուկ։ Նկատելով, թե ինչպիսի ճարպկությամբ է Անտոնը բռնում ու բեռնում ձմերուկը, նրան ասում են, որ նա կարող էր դառնալ դարպասապահ և խաղալ ֆուտբոլ։

Եվ Անտոնը որոշում է հետևել այդ խորհրդին։ Դարպասապահի փառքի հասնելու ճանապարհին նրան սպասում են և՛ հաղթանակներ, և՛ հիասթափություններ։

Դերերում

• Գրիգորի Պլուժնիկ – Անտոն Կանդիդով
• Տատյանա Գուրեցկայա – Գրուշա (երգում է Սոֆյա Իվնիցկայան)
• Լյուդմիլա Գլազովա – կոնստրուկտոր Անաստասիա Վալյաժնայա
• Անատոլի Գորյունով – ինժեներ Անատոլի Կարասիկ
• Յակով Գուդկին – Ֆոմա Ռուսելկին, ինսայդ
• Վլադիմիր Կրյուգեր – Բոբ Ցվետոչկին, «Տորպեդոյի» ավագ
• Ֆեոդոր Կուրիխին – երկրպագու հիվանդ ատամով
• Վալերի Սոլովցով – Բուխվոստով, «Գիդրաէր» թիմի ավագ
• Գերման Էրազմուս – Ռիժի, ինսայդ

Ֆուտբոլային խաղերի զանգվածային տեսարաններում նկարահանվել են Կիևի «Դինամոյի» խաղացողներ Կոնստանտին Շչեգոցկին, Անտոն Իձկովսկին, Իվան Կուզմենկոն, Մակար Գոնչարենկոն և այլք (Կ. Շչեգոցկու «Խաղի մեջ և խաղից դուրս» (ռուս.՝ «В игре и вне игры») հուշերից)։

Ստեղծման պատմություն

Ֆիլմի սցենարը գրել է Լև Կասիլը 1935 թվականի աշնանը, ինչի պատճառով հերքվում է այն կարծիքը, թե գլխավոր հերոսի նախատիպը Մոսկվայի «Սպարտակի» դարպասապահ Անատոլի Ակիմովն է, որը լայն ճանաչման է արժանացել քիչ ավելի ուշ։ 1937 թվականին ֆիլմի սցենարի հիման վրա, կապված նրա հաջողության հետ, Լև Կասիլը գրել է «Հանրապետության դարպասապահը» (ռուս.՝ «Вратарь республики») վեպը։

Անճշտություն

• «Գիդրոէրի» խաղացողների հետ վեճի սկզբում Անտոնը մաքրում է իր այտի վրայի շրթներկի հետքը, բայց վերջում այն նորից երևում է։

Նկարահանող խումբ

• Սցենարի հեղինակներ՝ Լազար Յուդին, Լև Կասիլ (վեպ)
• Ռեժիսոր՝ Սեմյոն Տիմոշենկո
• Օպերատոր՝ Վլադիմիր Դանաշևսկի
• Նկարիչ՝ Վլադիմիր Կալյագին, Պյոտր Յակիմով
• Կոմպոզիտոր՝ Իսահակ Դունաևսկի

Արտաքին հղումներ

• «Вратарь» «Հայրենական կինոյի հանրագիտարան» կայքում
• Лев Кассиль. Вратарь Республики Արխիվացված 2009-09-04 Wayback Machine