Անադոլուհիսար

Վիքիպեդիայից՝ ազատ հանրագիտարանից
Jump to navigation Jump to search
Անադոլուհիսար
Anadoluhisarı.JPG
Տեսակ ամրաշինություն, տեսարժանություն և թանգարան
Երկիր Թուրքիա Ստամբուլ
Տեղագրություն Բեյքոզ
Հիմնադրված է 1393
Հիմնադիր Բայազիդ I
Կոորդինատներ: 41°4′55″ հս․ լ. 29°4′1″ ավ. ե. / 41.08194° հս․. լ. 29.06694° ավ. ե. / 41.08194; 29.06694
Անադոլուհիսարը նկարված Բոսֆորի եվրոպական ափից

Անատոլիական ամրոց (Անադոլուհիսար) (անգլ.՝ Anadoluhisarı, թուրք.՝ Anadolu Hisarı), օսմանյան պալատ, որը գտնվում է Ստամբուլում` Բոսֆորի աջ ափին: Անադոլուհիսարը համարվում է Ստամբուլի ամենահին թուրքական ճարտարապետական կառույցը: Պալատից հյուսիս գտնվում է Սուլթան Մեհմեդ Ֆաթիհի կամուրջը: Անադոլուհիսարի դիմաց` Բոսֆորի հակադիր ափին է գտնվում օսմանյան Ռումելիհիսար ամրոցը: Անադոլուհիսարը զբաղեցնում է ավելի քան 7,000 մ² տարածք:

Պատմություն[խմբագրել | խմբագրել կոդը]

Անադոլուհիսարը կառուցվել է Բոսֆորի ասիական ափին` Բայազիդ I սուլթանի հրամանով 1393 թվականին[1]: Բայազիդը այն կառուցել էր տվել հին հունական աստված Ուրանոսի տաճարի տեղում: Կառուցվել է Կոստանդնուպոլսի գրավումը ապահովելու նպատակով: Պալատը կառուցվել է Բոսֆորի ամենանեղ մասում, որտեղ նեղուցի լայնությունը կազմում է 660 մետր: Ավելի ուշ, 1452 թվականին Անադոլուհիսարի դիմաց Բոսֆորի հակադիր ափին կառուցվել է Ռումելիհիսար ամրոցը, ինչից հետո նեղուցը սկսեց ամբողջովին վերահսկվել Օսմանյան կայսրության կողմից:

Անատոլիական ամրոցը կիրառվել է որպես դիտակետ: Նրա բարձրությունը կազմում է 25 մետր: Ավելի ուշ ամրոցը վերանորոգվել է Մեհմեդ II սուլթանի կողմից: Կոստանդնուպոլսի անկումից հետո Անադոլուհիսարը ծառայել է որպես բանտ:

19911993 թվականներին ամրոցը վերանորոգվել և վերականգնվել է: Այն վեր է ածվել թանգարանի, սակայն լայն շրջանակների համար փակ է: Պալատի ներսում կա մզկիթ: Պատմական փաստաթղթերում ամրոցը շատ հաճախ անվանվում է «Güzelce Hisar»[2]: Մեհմեդ II-ը վերանորոգման ժամանակ կառուցել է տվել 2 մետր լայնությամբ պատ պաալտի շուրջը, որը ուներ երեք դիտաշտարակ: Այնպիսի կառույցներ, ինչպիսիք են ամբարները և բնակելի սենյակները ավելացվել են ավելի ուշ:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ahmet Muhtar Paşa (1902)։ Feth-i Celil-i Konstantiniye։ Bedir Press։ էջ 21 
  2. Finkel Caroline (2006)։ Osman's Dream: The History of the Ottoman Empire 1300-1923։ New York: Basic Books։ էջ 24։ ISBN 978-0-465-02397-4 

Արտաքին հղումներ[խմբագրել | խմբագրել կոդը]