Ալոիս Կալվոդա

Վիքիպեդիայից՝ ազատ հանրագիտարանից
Jump to navigation Jump to search
Ալոիս Կալվոդա
չեխ․՝ Alois Kalvoda
Kalvoda, Alois.jpg
Ծնվել էմայիսի 15, 1875(1875-05-15)[1][2][3][…]
ԾննդավայրՇլապանիցե[3][4]
Վախճանվել էհունիսի 25, 1934(1934-06-25)[5][3][6] (59 տարեկան)
Մահվան վայրBěhařov, Կլատովիի շրջան, Չեխիա և Běhařov, Կլատովիի շրջան, West Bohemia, Չեխոսլովակիա[4]
ՔաղաքացիությունFlag of the Czech Republic.svg Չեխոսլովակիա
ԿրթությունՊրահայի գեղարվեստի ակադեմիա
Մասնագիտություննկարիչ, նկարազարդող, գծանկարիչ, ուսուցիչ, հրապարակախոս և խմբագիր
ՈւսուցիչՅուլիուս Մարժակ
Alois Kalvoda Վիքիպահեստում

Ալոիս Կալվոդա (չեխ․՝ Alois Kalvoda, 15 մայիսի, 1875, Շլապանիցե – 25 հունիսի, 1934, Բեգարժով), չեխ նկարիչ, իմպրեսիոնիստ, գծանկարիչ, բնանկարիչ, գրող, արվեստագետ և մանկավարժ։

Կենսագրություն[խմբագրել | խմբագրել կոդը]

Ալոիս Կալվոդան ծնվել է 1875 թվականի մայիսի 15-ին Շլապանիցեում, եղել է աղքատ ընտանիքի տասը երեխաներից ութերորդը[7]։ Բռնոյում հաճախել է գիմնազիա, ապա 1892-1897 թվականներին ուսանել է Պրահայի գեղարվեստի ակադեմիայում, որտեղ սովորել է Յուլիուս Մարժակի մոտ[8]։ 1900 թվականին Ալոիս Կալվոդան ստացել է կրթաթոշակ, ինչի շնորհիվ կարողացել է մեկնել Փարիզ, որտեղից 1901 թվականին տեղափոխվել է Մյունխեն։ Բավարիայում բնակության տարիներին նա ծանոթացել է գեղանկարչության ժամանակակից տենդենցներին[9]։ 1901 թվականին Պրահայում բացվել է նրա ցուցահանդեսը։

Հայրենիք վերադառնալուց հետո Ալոիս Կալվոդան Պրահայում բացել է արվեստի դպրոց, որտեղ կրթվել են մի շարք չեխ նկարիչներ, որոնց թվում են Յոզեֆ Վախալն[7] ու Մարտին Բենկան։ Այդ դպրոցը նա 1917 թվականին տեղափոխել է Běhařov ամրոց, որը գնել էր[8]։ 1923-1927 թվականներին նա ղեկավարել է Běhařov ամրոցում գործող արվեստի մասնավոր դպրոցը։

1907 թվականին Ալոիս Կալվոդան եղել է Մորավիայի նկարիչների միության հիմնադիրներից մեկը։

Ալոիս Կալվոդան մահացել է 1934 թվականի հունիսի 25-ին Բեգարժովում։ Թաղված է Շլապանիցե քաղաքի գերեզմանատանը։ 1998 թվականին նրա գերեզմանին տեղադրվել է հուշարձան[10]։

Արվեստ[խմբագրել | խմբագրել կոդը]

Ալոիս Կալվոդան Անտոնին Սլավիչեկի ու Անտոնին Գուդեչեկի հետ միասին եղել է 20-րդ դարի սկզբի չեխ առաջատար բնանկարիչներից մեկը։ Նա լույսի ու ստվերի վարպետ է, իսկ նրա նկարները գունեղ են ու վառ։ Նրա նկարների պատկերման հիմնական թեմաներն են մարգագետիններն ու ծառերը, հատկապես կեչիները, որ ցրված են լեռնալանջերին։ Նրա ոճը նախապես ձևավորվել է Յուլիուս Մարժակի ազդեցությամբ, և նա հետևել է ռեալիստական ավանդույթներին, սակայն հետագայում տարվել է մոդեռնիզմով ու սիմվոլիզմով։ 1907 թվականից հետո նրա բոլոր աշխատանքներն ստեղծվել են ֆրանսիական իմպրեսիոնիզմի ոգով։

Իր աշխատանքներն Ալոիս Կալվոդան առաջին անգամ հանրությանը ներկայացրել է 1901 թվականին Պրահայում։ 1902 թվականին մասնակցել է Մարժակի անվան կերպարվեստի միության ցուցահանդեսին։ Ընդհանուր առմամբ կազմակերպել է շուրջ քսան անհատական ցուցահանդեսներ հայրենիքում, ինչպես նաև Վիեննայում, Բեռլինում, Վարշավայում, Հռոմում, Փարիզում, Սենթ Լուիսում ու Պիտսբուրգում։

1932 թվականին հրատարակել է իր հուշերը։

1936 թվականին Պրահայում տեղի է ունեցել Ալոիս Կալվոդայի հետմահու ցուցահանդեսը, որում ներկայացվել են նկարչի 110 աշխատանքներ։

Հիշատակ[խմբագրել | խմբագրել կոդը]

2005 թվականին Չեխիայում թողարկվել է փոստային նամականիշ, որի վրա պատկերված է Ալոիս Կալվոդայի վաղ շրջանի նկարներից մեկը, որը ներկայումս պահվում է Բռնոյում՝ Մորավիայի պատկերասրահում[11]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. RKDartists
  2. Alois Kalvoda — 2006. — ISBN 978-0-19-977378-7
  3. 3,0 3,1 3,2 Czech National Authority Database
  4. 4,0 4,1 Կերպարվեստի արխիվ — 2003.
  5. http://en.isabart.org/person/18523
  6. Encyklopedie dějin města Brna (չեխերեն) — 2004.
  7. 7,0 7,1 Galerie malířství։ «Kalvoda Alois»։ Վերցված է 2013-01-27 
  8. 8,0 8,1 Encyklopedie Brna։ «Akademický malíř Alois Kalvoda»։ Վերցված է 2013-01-27 
  9. Zachař Michael։ «Kalvoda Alois (1875-1934)»։ Վերցված է 2013-01-27 
  10. «Akademický malíř Alois Kalvoda»։ Վերցված է 2013-01-27 
  11. Česká pošta։ «Works of art on postage stamps - Alois Kalvoda (1875 - 1934)»։ Վերցված է 2013-01-27 (չաշխատող հղում)

Գրականություն[խմբագրել | խմբագրել կոդը]

  • Nová encyklopedie českého výtvarného umění, Academia, Praha 1996. s. str. 334-335.

Արտաքին հղումներ[խմբագրել | խմբագրել կոդը]