Ֆրանսուա Օլանդ

Վիքիպեդիայից՝ ազատ հանրագիտարանից



Ֆրանսուա Օլանդ
François Hollande
François Hollande (Journées de Nantes 2012).jpg
Ֆրանսիայի Նախագահ
Ստանձնեց պաշտոնը՝ Մայիսի 15, 2012
Կուսակցություն՝ Ֆրանսիայի սոցիալիստական կուսակցութուն
Ծննդյան օր՝ Օգոստոսի 12, 1954
Ծննդավայր՝ Ռուան, Ֆրանսիա
Երեխաներ՝ Տոմաս
Կլեմենս
Ժուլիեն
Ֆլորա

Ֆրանսուա Ժերար Ժորժ Նիկոլա Օլանդ (ֆր.՝ François Gérard Georges Nicolas Hollande, МФА(ֆրանսերեն)։ [fʁɑ̃.swa ʒe.ʁaʁ ʒɔʁʒ ɔ.lɑ̃d]; 1954թ. օգոստոսի 12, Ռուան), ֆրանսիացի քաղաքական և պետական գործիչ, Ֆրանսիայի սոցիալիստական կուսակցության առաջին քարտուղար 1997 - 2008թթՖրանսիայի ազգային ժողովի պատգամավոր (1988 - 1993; 1997-ից), Տյուլ քաղաքի քաղաքապետ (2001 - 2008)։ Կորեզ դեպարտամենտի ընդհանուր խորհրդի նախագահ 2008-ից։

2012 թ. Ֆրանսիայի նախագահական ընտրությունների հաղթող Ֆրանսիայի սոցիալիստական կուսակցությունից։ Առաջին փուլում ստացել է քվեների 28,63 %-ը՝ գրավելով առաջին տեղը և Նիկոլա Սարկոզիի հետ երկրորդ փուլ անցել։ 2012թ. մայիսի 6-ին երկրորդ փուլում հաղթանակ է տարել Սարկոզիի նկատմամբ՝ դառնալով Ֆրանսիայի 24-րդ նախագահը։

Ֆրանսուա Օլանդը ավարտել է Փարիզի Առևտրի բարձրագույն դպրոցը, Փարիզի Քաղաքագիտության ինստիտուտը և Կառավարման ազգային դպրոցը / Վոլտերի տարի՝ 1980թ./

Սոցիալիստական կուսակցության անդամ է 1979թվականից։ 1980թ., ավարտելով Կառավարման ազգային դպրոցը, նա դառնում է Հաշվիչ պալատի աուդիտոր։ Միևնույն ժամանակ նա դասախոսում է Փարիզի Քաղաքագիտության ինստիտուտում։

1981թ., Ֆրանսուա Միտերանի՝ Ֆրանսիայի Հանրապետության նախագահ ընտրվելուց հետո, Ֆրանսուա Օլանդը դառնում է ծրագրի ղեկավար Ելիսեյան պալատում։ 1981թ. հունիսի խորհրդրանական ընտրություններում Ֆրանսուա Օլանդը առաջադրվում է Կորեզ դեպարտամենտից։ 1988- 1991 թթ. նա տնտեսագիտություն է դասավանդում Փարիզի Քաղաքագիտության ինստիտուտում։

1993թ. կորցնում է պատգամավորական մանդատը։ Նա ստանձնում է Ժակ Դըլորի «Témoin» /Վկա/ ակումբի նախագահությունը, որը պահպանում է մինչև 1997թ. ։

1994թ. նոյեմբերին դառնում է Սոցիալիստական կուսակցության տնտեսական հարցերով ազգային քարտուղարը, իսկ 1995թ. Լիոնել Ժոսպենը նրան նշանակում էՍոցիալիստականկուսակցությանխոսնակ։