Սամուել Ռեշևսկի

Սամուել Ռեշևսկի; լեհ.՝ Szmul Rzeszewski
Ծնվել է	նոյեմբերի 26, 1911
Ծննդավայր	Օզորկուվ, Լեհական թագավորություն, Ռուսական կայսրություն
Մահացել է	ապրիլի 4, 1992 (80 տարեկան)
Մահվան վայր	Նյու Յորք, Նյու Յորք, ԱՄՆ
Քաղաքացիություն	Լեհաստան և ԱՄՆ
Կրթություն	Չիկագոյի համալսարան
Մասնագիտություն	շախմատիստ, լրագրող և bookkeeper
	Samuel Reshevsky Վիքիպահեստում

Սամուել Գերման Ռեշևսկի (անգլ.՝ Samuel Herman Reshevsky, ի ծնե՝ լեհ.՝ Szmul Rzeszewski, նոյեմբերի 26, 1911(1911-11-26)^[1]^[2], Օզորկուվ, Լեհական թագավորություն, Ռուսական կայսրություն - ապրիլի 4, 1992(1992-04-04)^[1]^[2], Նյու Յորք, Նյու Յորք, ԱՄՆ), ամերիկացի շախմատիստ, գրոսմայստեր (1950), ԱՄՆ 1936-1944, 1946-1948 և 1969-1972 թվականների չեմպիոն։

Կենսագրություն[խմբագրել | խմբագրել կոդը]

Սամուել Ռեշևսկին հրեական ընտանիքի 6-րդ երեխան էր։ Շախմատ խաղալ սովորել է, երբ չորս տարեկան երեք ամսեկան էր և շուտով հռչակվել է որպես հրաշամանուկ^[3]։ Ութ տարեկանում նա առանց դժվարության հաղթանակ է տարել հայտնի խաղացողների նկատմամբ, ունեցել է համաժամանակյա խաղեր, որոնք հազվադեպ են ավարտվել պարտությամբ։ 1920 թվականի նոյեմբերին նրա ծնողները տեղափոխվել են ԱՄՆ, որտեղ սկսել են եկամուտ ստանալ իրենց երեխայի տաղանդի շնորհիվ։ 1933 թվականին Ռեշևսկին ավարտել է Չիկագոյի համալսարանը, ստացել է բանկային մասնագետի որակավորում և աշխատել է որպես հաշվապահ։

Հաղթող է ճանաչվել 1936, 1938, 1940, 1941, 1942, 1946, 1969 և1972 թվականների ամերիկյան առաջնություններում։

Նրա միջազգային կարիերան սկսվել է 1936 թվականին «Մարգիտ» առաջնությունում հաղթանակելուց հետո, պարտություն կրողներից մեկը աշխարհի էքս-չեմպիոն Խոսե Ռաուլ Կապաբլանկան էր^[4]։ Մեկ տարի անց Նոթինգհեմում զբաղեցրել է երկրորդ տեղը։ 1937 թվականին Կեմերիի (Լատվիա) մրցաշարի հաղթողների շարքում էր, իսկ 1938 թվականին զբաղեցրեց չորրորդ տեղը աշխարհի ութ ուժեղագույն շախմատիստների մասնացությամբ անցկացված մրցաշարում։ Ռեշևսկին իր կարիերայի բարձրակետին է հասել 1940-ական թվականների վերջին, երբ աշխարհի հինգ ուժեղագույն շախմատիստների հետ միասին պայքարում էր գրոսմայստերի կոչման համար և երրորդ տեղը կիսեց Կերեսի հետ։

Այսպիսով, Ռեշևսկին 1930-ական թվականների կեսերից մինչև 1960-ական թվականների կեսերն ընկած ժամանակահատվածում եղել է լավագույն շախմատիստներից մեկը։

1955 թվականի հունիսի 25-ին հաղթանակ տանելով Միխայիլ Բոտվիննիկի նկատմամբ՝ Ռեշևսկին դարձել է Միխայիլ Չիգորինի ակումբի անդամ։

Ողջ կյանքի ընթացքում Ռեշևսկին եղել է երդվյալ հուդայական․ նրա պահանջով իր մասնակցությամբ բոլոր խաղերն անցկացվել են շաբաթ (Շաբաթ) օրը։

Սպորտային հիմնական արդյունքներ[խմբագրել | խմբագրել կոդը]

Տարեթիվ	Մրցաշար	Արդյունք	Տեղ
1932	Փասադենա	6 - 11	3-5
1935	Մարգիտ	7½ - 9	1
	Յարմուտ	10 - 11	1
1936	Նոթինգհեմ	9½ - 14	3-5
1937	Կեմերի	12 - 17	1-3
	Զեմերինգ Բադեն	7½ - 14	3-4
1937/38	Հասթինգս	7 - 9	1
1938	ABPO մրցաշար (անգլ.՝ Algemene Vereniging Radio Omroep)	7 - 14	4-6
1939	Լենինգրադ-Մոսկվա	10½ - 17	2
1945	Ռադիոմրցաշար ԽՍՀՄ-ԱՄՆ (Վ․Սմիսլովի հետ)	0 : 2
1948	Շախմատի աշխարհի առաջնություն	10½ - 20	3-4
1950	Ամստերդամ	14 - 19	2
1951	Նյու Յորք	8 -11	1
1953	Հավակնորդների մրցախաղ	16 - 28	2-4
1957	Դալաս	8½ - 14	1-2
1960	Բուենոս Այրես	13 - 19	1-2
1961	Խաղ Ֆիշերի հետ	5½ : 5½
1964	Միջզոնային մրցաշար	14½ - 23	8-9
1967	Մարիբոր	9½ - 15	2
	Միջզոնային մրցախաղ	13 - 21	6-8
1968	Հավակնորդների խաղի քառորդ եզրափակիչ Վ․ Կորչնոյի հետ	2½ : 5½
1969	Նեթանիա	10 - 13	1
1970	ԽՍՀՄ-աշխարհի հավաքական (Վ․Սմիսլովի հետ)	1½ : 1½
	Միջզոնային մրցաշար	9½ - 23	17
1971	Պալմա դե Մալյորկա		3-4
1973	Նեթանիա	10 - 15	2
	Միջզոնային մրցաշար (Պետրոպոլիս)	8½ - 17	11
	Լոնդոն		3-4
1984	Ռեյկյավիկ		1-3

Գրականություն[խմբագրել | խմբագրել կոդը]

Кобленц А. Тайна одного феномена // «64 — Шахматное обозрение» : журн.. — 1982. — № 18. — С. 18—21.
Рошаль А. Вундеркинду — восемьдесят! (Интервью с С. Решевским) // «64 — Шахматное обозрение» : журн.. — 1991. — № 23—24. — С. 32—34.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Munzinger Personen (գերմ.)
↑ «Архивированная копия». Արխիվացված է օրիգինալից 2003 թ․ հունիսի 19-ին. Վերցված է 2006 թ․ մայիսի 26-ին.
↑ (Нотация партии: [1] Արխիվացված 2018-03-29 Wayback Machine)

Արտաքին հղումներ[խմբագրել | խմբագրել կոդը]

5-летнего «мальчика в шортиках» боялись все чемпионы
«Биография Самуэля Решевского» (ռուսերեն). Федерация шахмат России. 2020 թ․ նոյեմբերի 26. Վերցված է 2021 թ․ նոյեմբերի 17-ին.

[_96685f8ebb6ab005-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_9ea6dbb38566bd48-2] 2,0 ^2,1 ^2,2 ^2,3 ^2,4 Munzinger Personen (գերմ.)

[3] «Архивированная копия». Արխիվացված է օրիգինալից 2003 թ․ հունիսի 19-ին. Վերցված է 2006 թ․ մայիսի 26-ին.

[4] (Нотация партии: [1] Արխիվացված 2018-03-29 Wayback Machine)

[1]

[2]

[3]

[4]