Ջարեդ Լետո

Վիքիպեդիայից՝ ազատ հանրագիտարանից
Picto infobox music.png
Ջարեդ Լետո
Հիմնական տվյալներ
Ի ծնե անուն Ջարեդ Ջոզեֆ Լետո
Jared Joseph Leto
Ծնվել է դեկտեմբերի 26, 1971 (1971-12-26) (42 տարեկան)
Երկիր Ամերիկայի Միացյալ Նահանգներ ԱՄՆ, Լուիզիանա, Բոսեր Սիթի
Ժանրեր Ալտերնատիվ ռոք
Մասնագիտություն Երգիչ, ռեժիսոր, դերասան
Գործունեություն 1992-ներկա
Լեյբլ Universal, Virgin, EMI, Immortal
Կայք www.jaredleto.com

Ջարեդ Լետո (անգլJared Leto, ծնվ. Ջարեդ Ջոզեֆ Լետո, 1971թ., Դեկտեմբեր 26, Լուիզիանա, ԱՄՆ), ամերիկացի երգիչ, երգահան, դերասան, հասարակական գործիչ,ռեժիսոր, ով հանդիսանում է 30 Seconds to Mars ռոք խմբի անդամ և համահիմնադիր։

Վաղ կյանք[խմբագրել]

Ջարեդ Լետոն ծնվել է 1971 թվականի դեկտեմբերի 26-ին Լուիզիանա նահանգի Բոսսեր սիթի քաղաքում։ Ջարեդի ծնողները ամուսնալուծվել են երբ նա դեռ երեխա է եղել։ 12 տարեկանում նա աշխատել է մի փոքրիկ ճաշարանում, իսկ 16 տարեկանում նա աշխատում էր որպես շվեյցար։ Դպրոցն ավարտելուն պես նա ընդունվում է Ֆիլադելֆիայի արվեստների համալսարանը, որտեղ նա մասնագիտանում է գեղանկարչության և հատկապես կերպարվեստի ուսումնասիրման բնագավառներում։ Ավելի ուշ նա տեղափոխվեց Նյու Յորքի Գեղարվեստի համալսարան։

Ուսանողական տարիներին Ջարեդը գրեց սցենար և խաղաց գլխավոր դերերից մեկը իր «Լացող ցնծություն» ֆիլմում։

Դերասանական կարիերա[խմբագրել]

Կարիերայի սկիզբ և առաջին դերերը[խմբագրել]

Իր դերասանական կարիերան սկսելու նպատակով 1992 թվականին նա Նյու Յորքից տեղափոխվում է Լոս Անջելես։ Այդ ժամանակ Ջարեդը դերասանական բնագավառում ուներ որոշակի փորձ, սակայն նա հայտնի դարձավ միայն «Իմ այսպես կոչված կյանքը» հեռուստասերիալում Ջորդան Կատալանոյի դերը ստանձնելուց հետո։ Հեռուստասերիալի ավարտից հետո նա սկսեց արդեն նկարահանվել մի շարք ֆիլմերում։

1994 թվականին Ալիսիա Սիլվերսթոունի հետ «Ցանցառներն ու գժերը» ֆիլմում նկարահանվելուց հետո, 1995 թվականին նա հայտնվում է «Ինչպես ստեղծել ամերիկյան վերմակ» ֆիլմում, որտեղ նկարահանվում էր նաև Վայնոնա Ռայդերը։ 1997 թվականին նա խաղում է «Պրեֆոնտեյն» ֆիլմի դերերից մեկը, որը ի սկզբանե նախատեսված էր Թոմ Քրուզի համար։ 1998 թվականին Ջարեդը նկարահանվում է ռեժիսոր Թերենս Մալիկի «Կարմիր բարակ գիծը» ֆիլմում Նիկ Նոլթիի, Ջորջ Քլունիի և Շոն Փենի հետ։ Այս տարի արժանացել է Ամերիկյան կինոակադեմիայի հեղինակավոր "Օսկար" մրցանակին որպես 2րդ պլանի լավագույն դերասան` "Դալլասյան գնորդների ակումբ" ֆիլմում խաղացած դերի համար(Ռեյոն)։

Որպես ռեժիսոր նկարահանել է խմբի գրեթե բոլոր տեսահոլովակները և This Is War ալբոմի նկարահանման մասին պատմող դոկումենտալ ֆիլմը` "Արտիֆակտ" ։

Սկավառակագրություն[խմբագրել]

30 Seconds to Mars[խմբագրել]

  • «30 Seconds to Mars» (2002)
  • «A Beautiful Lie» (2005)
  • «This Is War» (2009)
  • «Love, Lust, Faith and Dreams» (2013)

Արտաքին հղումներ[խմբագրել]