Հոբոս Ապեր

Հոբոս Ապեր
Ծննդյան անուն	Հովհաննես Գասպարի Անդրեասյան
Ծնվել է	հուլիսի 9, 1908(1908-07-09)
Ծննդավայր	Արամուս, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	հուլիսի 28, 1994(1994-07-28) (86 տարեկան)
Վախճանի վայր	Երևան, Հայաստան
Մասնագիտություն	բանաստեղծ և մանկավարժ
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան (1931)
Անդամակցություն	ԽՍՀՄ Գրողների միություն

Հոբոս Ապեր (Հովհաննես Գասպարի Անդրեասյան, նրան Հոբոս Ապեր գրական անունով է կնքել Խնկո Ապերը, հուլիսի 9, 1908(1908-07-09), Արամուս, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն - հուլիսի 28, 1994(1994-07-28), Երևան, Հայաստան), հայ բանաստեղծ, ԽՍՀՄ գրողների միության անդամ 1934 թվականից։

Կենսագրություն

Հոբոս Ապերը ծնվել է 1908 թվականի հուլիսի 9-ին, Աբովյանի շրջանի Արամուս գյուղում։ 1931 թվականին ավարտել է Երևանի պետական համալսարանի պատմալեզվագրական ֆակուլտետը։ Ապա զբաղվել է մանկավարժությամբ։ Ալավերդիում, Իջևանում, Կիրովականում եղել է դպրոցական տեսուչ։ 1931-1932 թվականներին սովորել է Մոսկվայի Մաքսիմ Գորկու անվան գրական ստուդիայում։ Աշխատել է նաև Ղուրդուղուլու (այժմ՝ Արմավիր) «Բոլշևիկյան տեմպով» շրջանային թերթի խմբագրությունում։ Ռուսերեն առանձին գրքով լույս է տեսել նրա «Աղբյուր»-ը (Մոսկվա, 1974):

Երկեր

• Գարնան կանչը, Երևան, Հայպետհրատ, 1958, 46 էջ։
• Մրջյունն ու մուկը, Երևան, Հայպետհրատ, 1959, 14 էջ։
• Դեղձանիկ, Երևան, Հայպետհրատ, 1963, 23 էջ։
• Այս առավոտ, Երևան, «Հայաստան», 1968, 79 էջ։
• Մուրճն ու մեխը, Երևան, «Հայաստան», 1971, 28 էջ։
• Առնետ փեսացուն, Երևան, Հայպետհրատ, 1971, 36 էջ։
• Արևի տունը, Երևան, «Հայաստան», 1975, 102 էջ։
• Արևն ու ցողը։ Բանաստեղծություններ, չափածո, հեքիաթ, Արևիկ, 1990, 36 էջ
• Մանկական բանաստեղծություններ, Արևիկ, 2001, 16 էջ։