Խոսք Ծերենցի մասին
Խոսք Ծերենցի մասին | |
---|---|
Ժանր | հոդված |
Հեղինակ | Հովհաննես Թումանյան |
Բնագիր լեզու | հայերեն |
Գրվել է | 1913 |
Հրատարակչություն | Հորիզոն օրաթերթ |
Հրատարակվել է | 1913 |
Վիքիդարան | Խոսք Ծերենցի մասին |
«Խոսք Ծերենցի մասին», հայ բանաստեղծ Հովհաննես Թումանյանի հոդվածներից[1]։
Պատմություն[խմբագրել | խմբագրել կոդը]
Հովհաննես Թումանյանի հոդվածներից՝ գրված 1913 թվականին[1]։
Մեծարման սույն խոսքը Թումանյանն արտասանել է 1913 թվականի մայիսի 26-ին Թիֆլիսի Խոջիվանքի գերեզմանատանը, Ծերենցի մահվան 25-րդ տարելիցի առթիվ, գրողի գերեզմանի մոտ հայ գրողների կովկասյան ընկերության նախաձեռնությամբ տեղի ունեցավ հոգեհանգստից հետո, մեծ բազմության ներկայությամբ[1]։
Առաջին անգամ տպագրվել է 1913 թվականին Թիֆլիսի «Հորիզոն» օրաթերթի (№ 115) մայիսի 28-ի համարում՝ հոգեհանգստին նվիրված հաղորդման մեջ, խմբագրության հետևյալ ծանոթությամբ․ «Որպես բնորոշում Ծերենցի անձնավորության և նրա գրական նշանակության, առաջ ենք բերում Հովհաննես Թումանյանի ճառն ամբողջովին»[1]։
Այնուհետև տպագրվել է Երևանում՝ 1969 թվականին «Ուսումնասիրություններ և հրապարակումներ» գրքում (էջ 352-353), և 1940-1959 թվականներին Երևանում լույս տեսած Հովհաննես Թումանյանի երկերի ժողովածուի գիտական հրատարակության չորրորդ հատորում (էջ 450-451)[1]։
Հովհաննես Թումանյանի երկերի լիակատար ժողովածուի 7-րդ հատորում արտատպվել է Թիֆլիսի «Հորիզոն» օրաթերթից[1]։