Երվանդ Մանարյան

Վիքիպեդիայից՝ ազատ հանրագիտարանից
Picto infobox cinema.png
Երվանդ Մանարյան
Ընդհանուր տեղեկություններ
Ծնվել է Արաք, Իրան
Ազգություն հայ
Քաղաքացիություն Հայաստան Հայաստան
Մասնագիտացում դերասան
ռեժիսոր
սցենարիստ
Պարգևներ Honorary Worker of Art of the Republic of Armenia.jpg

Երվանդ Մանարյան (օգոստոսի 10, 1924, Արաք, Իրան), հայ դերասան, ռեժիսոր, սցենարիստ։ ՀՀ արվեստի վաստակավոր գործիչ (2003)։ Ռեժիսոր Արման Մանարյանի եղբայրը, Քրիստ Մանարյանի հայրը։

Կենսագրություն[խմբագրել]

Երվանդ Մանարյանը ծնվել է 1924 թվականին Արաքում։ Սովորել է տեղի Հայկազյան դպրոցում, ապա՝ Թեհրանի ամերիկյան և պարսկական քոլեջներում։ 1946 թվականին ներգաղթել է Հայաստան, սովորել Երևանի գեղարվեստա-թատերական ինստիտուտում, որի ռեժիսորական ֆակուլտետն ավարտել է 1952 թվականին։ Որպես դերասան և ռեժիսոր աշխատել է Երևանի Հ. Պարոնյանի անվան երաժշտական կոմեդիայի թատրոնում և Գ. Սունդուկյանի թատրոնում։ 1957-1959 թվականներին եղել է Հովհաննես Թումանյանի անվան տիկնիկային թատրոնի գլխավոր ռեժիսորը, 1988 թվականից՝ «Ագուլիս» տիկնիկային թատրոն-ստուդիայի գեղարվեստական ղեկավարը։ 1959-1961 թվականներին նույն պաշտոնը վարել է Գորիսի թատրոնում, 2007 թվականից՝ Կիևի տիկնիկային հայկական թատրոնի հիմնադիր-գեղարվեստական ղեկավար։ Այնուհետև աշխատել է Երևանի փաստագրական ֆիլմերի ստուդիայում և «Երևան» կինոմիավորումում։ Երևանի պետական տիկնիկային թատրոնի գլխավոր ռեժիսորն է։ Շուշիում բացվել է Երվանդ Մանարյանի անվան տիկնիկային թատրոն[1]։

Ստեղծագործական ուղի և ճանաչում[խմբագրել]

Նկարահանել է վավերագրական և գեղարվեստական մի շարք ֆիլմեր, ինչպես՝ «Հայկական մանրանկարչություն», «Միքայել Նալբանդյան», «Կառամատույցի կրպակը», «Լույս», «Դեղերի ծնունդը», «Նորից եկավ ամառը» և այլն։

Գրել է սցենարներ «Տժվժիկ», «Տերն ու ծառան», «Սպիտակ ափ» և այլ ֆիլմերի համար։ Մամուլում հրատարակել է պատմվածքներ և հոդվածներ[2]։

Մրցանակներ և պարգևներ[խմբագրել]

  • 2003 - ՀՀ արվեստի վաստակավոր արտիստ
  • 2005 - ՀԹԳՄ «Արտավազդ» մրցանակ

Բեմադրություններ[խմբագրել]

Ֆիլմագրություն[խմբագրել]

Դերերը կինոյում[խմբագրել]

Տարեթիվ Ֆիլմ Դեր
1997 Հարսնացուն Ջերմուկից
1992 Ընկեր Փանջունի Սարսափունի
1985 Կապիտան Առաքել Կապիտան Առաքել
1983 Մասնավոր դեպք
1978 Եվս հինգ օր Աթայան
1978 Արևիկ Մարտուն
1977 Խոհարարները եկել են մրցույթի Երվանդ
1967 Նորից ամառ եկավ Սողո
1975 Հարսնացուն հյուսիսից Երվանդ
1973 Քաոս Սուլյան
1972 Վերադարձ պրոֆեսոր Բաբկեն Սեթյան
1969 Մորգանի խնամին Բեռնար
1967 Կարինե լուսանկարիչ
1966 Մեր քաղաքի մարդիկ. Քայլերթ

Ռեժիսոր[խմբագրել]

Տարեթիվ Ֆիլմ
1976 Ժառանգները
1975 Նորից ամառ եկավ
1975 Ծիածանի բոլոր գույները
1971 Борозда Маркара
1969 Լույս
1968 Միքայել Նալբանդյան
1968 Ларёк на перроне
1967 Դեղանյութի ծնունդը
1967 Հոկտեմբերյան օրերը Հայաստանում
1967 Քննություններ
1966 Հայկական մանրանկարներ

Սցենարիստ[խմբագրել]

Տարեթիվ Ֆիլմ
1985 Կապիտան Առաքել
1977 Խոհարարները եկել են մրցույթի
1975 Նորից ամառ եկավ
1975 Հանապազօրյա մեր ջուրը
1973 Լույսը և ստվերները
1968 Ларёк на перроне
1968 Հանդիպում ցուցահանդեսում
1967 Դեղանյութի ծնունդը
1967 Հոկտեմբերյան օրերը Հայաստանում
1967 Քննություններ
1962 Տերն ու ծառան
1961 Տժվժիկ
1959 Հայրենի հողի վրա

Ծանոթագրություններ[խմբագրել]

  1. Ով ով է. Հայեր. Կենսագրական հանրագիտարան, հատոր երկրորդ, Երևան, 2007։ 
  2. Գառնիկ Ստեփանյան (1981)։ Կենսագրական բառարան, հատոր Բ։ Երևան: «Սովետական գրող», էջ 284։ 

Արտաքին հղումներ[խմբագրել]