Այթոքի
| Այթոքի italki | |
|---|---|
| italki.com | |
| Կարգախոս | Սահուն խոսեք ցանկացած լեզվով։ |
| Տեսակ | Մասնավոր |
| Երկիր | Չինաստան |
| Շտաբ կայան | Շանհայ |
| Լեզու | անգլերեն, իսպաներեն, ֆրանսերեն, չինարեն, ճապոներեն, արաբերեն, կորեերեն, գերմաներեն, իտալերեն, պորտուգալերեն, ռուսերեն, ինդոնեզերեն, շվեդերեն, լեհերեն, հինդի, թուրքերեն, վիետնամերեն |
| Հեղինակ | Քեվին Չեն Յոնգյու Ջայանգ |
| Բացված | 2007 |
| Ընթացիկ կարգավիճակ | ակտիվ |
Այթոքի, կրթական-տեղեկատվական վեբկայք է[1] , որն օգնում է օտար լեզու սովորողներին առցանց կապվել ուսուցիչների ու լեզվակիրների հետ։ Այթոքիի օգտատերերը կարող են փնտրել ազատ գրաֆիկով աշխատող ուսուցիչների, պլանավորել ժամանակացույցը և վճարել լեզվի ուսուցման դասերի համար։ Այթոքիի ուսուցիչները հնարավորություն ունեն ստեղծել պրոֆիլ և ստանալ գնահատականներ։
Գաղափար[խմբագրել | խմբագրել կոդը]
Այթոքին առցանց աշխատաշուկա է և սոցիալական ցանց, որն ուղղված է լեզուներ սովորելուն։ Օգտատերերը դասակարգվում են ուսուցիչների և ուսանողների։ Այթոքիում անդամակցությունը պահանջում է էլեկտրոնային փոստի հասցե, իսկ առցանց ուսուցիչների հետ ժամանակացույցը պլանավորելու համար անհրաժեշտ է վճարել։ Ուսուցիչները լրացնում են հայտադիմում, որը հաստատում է նրանց ինքնությունը և դասավանդման հավատարմագրերը։
Ուսուցչի աշխատաշուկա[խմբագրել | խմբագրել կոդը]
Այթոքիի ուսուցիչները սովորաբար «պրոֆեսիոնալ ուսուցիչներ» են կամ «համայնքային կրկնուսույցներ», ովքեր ունեն դասավանդման փորձ կամ հավաստագրեր։ Բոլոր ուսուցիչներին տրվում է հնարավորություն ստեղծել ուսուցչի պրոֆիլ և նշել սեփական վճարման սակագները։ Ավարտելով դասը՝ ուսուցիչը ստանում է արձագանքներ և գնահատականներ ուսանողների կողմից[2]։ Դասերի մեծամասնությունը կատարվում է Սկայպով։ Այթոքին հաջող դասերի գործարքներից գանձում է 15% սպասարկման վճար։
Սոցիալական լեզվի ուսուցում[խմբագրել | խմբագրել կոդը]
Այթոքիի օգտատերերը հնարավորություն ունեն գտնել ընկերներ լեզվի փոխանակման համար, տալ լեզվին վերաբերող հարցեր, գրել շարադրություններ և ստանալ ուղղումներ, ինչպես նաև մտնել լեզվի քննարկումների մեջ։ Այս առանձնահատկությունները կախված են Այթոքի համայնքի այլ անդամների պատասխաններից։
Պատմություն[խմբագրել | խմբագրել կոդը]
Այթոքին հիմնադրել են Քեվին Չենը և Յոնգյու Ջայանգը 2007 թվականին և պաշտոնապես գրանցել են Հոնկոնգում՝ Շանհայի զարգացման կենտրոնի հետ համատեղ։ 2016 թվականին Այթոքին վերաթողարկեց իր վեբկայքը նոր լոգոյով և դիզայնով։ Նույն ամսում Այթոքին թողարկեց կայքի Անդրոիդ հավելվածը։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Կայքի նկարագիր (անգլերեն)». Արխիվացված է օրիգինալից 2017 թ․ հոկտեմբերի 19-ին. Վերցված է 2017 թ․ մարտի 10-ին.
- ↑ Այթոքին հիմնում է աշխատաշուկա կրկնուսույցների համար (անգլերեն)