Ֆրենսիս Մարիոն

Ֆրենսիս Մարիոն; անգլ.՝ Frances Marion
Ծնվել է	նոյեմբերի 18, 1888
Ծննդավայր	Սան Ֆրանցիսկո, ԱՄՆ
Մահացել է	մայիսի 12, 1973 (84 տարեկան)
Մահվան վայր	Լոս Անջելես, ԱՄՆ
Քաղաքացիություն	ԱՄՆ
Մայրենի լեզու	անգլերեն
Մասնագիտություն	սցենարիստ, վիպասան, լրագրող, գրող, կինոդերասանուհի, դերասանուհի, կինոռեժիսոր և կինոսցենարիստ
Ամուսին	Ջորջ Ու. Հիլլ և Fred Thomson?
Պարգևներ և ; մրցանակներ	Օսկար մրցանակ լավագույն գրական սկզբնաղբյուրի համար և Academy Award for Best Writing?
Անդամություն	Ամերիկա Ուեսթի գրողների գիլդիա
	Frances Marion Վիքիպահեստում

Ֆրենսիս Մարիոն (անգլ.՝ Frances Marion, նոյեմբերի 18, 1888(1888-11-18)^[1]^[2], Սան Ֆրանցիսկո, ԱՄՆ^[3] - մայիսի 12, 1973(1973-05-12)^[1]^[2], Լոս Անջելես, ԱՄՆ^[3]), ամերիկացի լրագրող և գրող, 20-րդ դարի ամենահայտնի կին սցենարիստներից մեկը։

Կենսագրություն

Մարիոն Բենսոն Օուենսը (անգլ.՝ Marion Benson Owens) ծնվել է 1888 թվականին Սան Ֆրանցիսկոյում։ Իր կարիերայի սկզբում աշխատել է որպես լրագրող, իսկ Առաջին համաշխարհային պատերազմի տարիներին եղել է ռազմական թղթակից Եվրոպայում։ Վերադառնալով հայրենիք՝ բնակություն է հաստատել Լոս Անջելեսում, որտեղ աշխատանքի է ընդունվել որպես սցենարիստի օգնական «Lois Weber Productions» կինոստուդիայում, որը պատկանել է կանանց կինոռեժիսորայի պիոներ Լոիս Ուեբերին։

Շուտով Օուենսը վերցրել է Ֆրենսիս Մարիոն կեղծանունը, որով հասել է մեծ հաջողությունների ԱՄՆ կինոարդյունաբերության բնագավառում 1920-ական և 1930-ական թվականներին։ Նրա աշխատանքների թվում եղել են Մերի Փիքֆորդի գլխավոր դերակատարմամբ այնպիսի հայտնի ֆիլմեր, ինչպիսիք են՝ «Ռեբեկան Սանիբրուք ֆիրմայից» (1917) և «Խեղճ փոքրիկ հարուստ աղջիկը» (1917)։ Նա նաև դրսևորել է իրեն որպես դերասանուհի՝ նկարահանվելով Մերի Փիքֆորդի երեք ֆիլմերում 1915 թվականին։

1930 թվականին Ֆրեսիս Մարիոնն արժանացել է «Օսկար» մրցանակի լավագույն հարմարեցված սցենար անվանակարգում «Արքունական տուն» ֆիլմի համար՝ դառնալով առաջին կինը, որն արժանացել է Ամերիկյան կինոակադեմիայի մրցանակի այդ անվանակարգում։ Երկու տարի անց Ֆրենսիս Մարիոնն ստացել է երկրորդ «Օսկար» մրցանակը լավագույն օրիգինալ սցենար անվանակարգում «Չեմպիոն» ֆիլմի համար։ Երկար տարիների ընթացքում Ֆրենսիս Մարիոնը պայմանագրով աշխատել է «MGM» ստուդիայում, սակայն 1946 թվականին, լինելով արդեն բավական հայտնի և ինքնուրույն կին, հեռացել է ստուդիայից և սկսել է ավելի շատ ժամանակ տրամադրել թատերական ներկայացումների համար սցենարներ գրելուն։

Ֆրենսիս Մարիոնն ամուսնացել է չորս անգամ և ունեցել երկու որդի։ 1972 թվականին լույս է տեսել նրա հուշերի գիրքը՝ «Off With Their Heads: A Serio-Comic Tale of Hollywood»։

Ֆրենսիս Մարիոնը մահացել է 1973 թվականին Լոս Անջելեսում անոթալայնանքի պայթելու հետևանքով, 84 տարեկանում^[4]։

Մրցանակներ

Օսկար 1930 – «Լավագույն հարմարեցված սցենար» («Մեծ տուն»)
Օսկար 1932 – «Լավագույն օրիգինալ սյուժե» («Չեմպիոն»)

Մատենագիտություն

Beauchamp, C. Marion, Frances. American National Biography Online, February 2000.
Beauchamp, Cari (1997). Without lying down: Frances Marion and the powerful women of early Hollywood. Berkeley: University of California Press. ISBN 0-520-21492-7.

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 filmportal.de — 2005.
↑ ^3,0 ^3,1 ^3,2 ^3,3 ^3,4 ^3,5 Deutsche Nationalbibliothek Record #119542080 // Gemeinsame Normdatei (գերմ.) — 2012—2016.
↑ Sicherman, Barbara; Hurd Green, Carol (1980). Notable American Women: The Modern Period : A Biographical Dictionary. Belknap Press of Harvard University Press. էջեր 457. ISBN 0-674-62732-6.

Վիքիպահեստն ունի նյութեր, որոնք վերաբերում են «Ֆրենսիս Մարիոն» հոդվածին։

[_d1fdaef2776544a6-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_a2c620c61e64a60f-2] 2,0 ^2,1 ^2,2 ^2,3 ^2,4 filmportal.de — 2005.

[_fa58de060a480489-3] 3,0 ^3,1 ^3,2 ^3,3 ^3,4 ^3,5 Deutsche Nationalbibliothek Record #119542080 // Gemeinsame Normdatei (գերմ.) — 2012—2016.

[4] Sicherman, Barbara; Hurd Green, Carol (1980). Notable American Women: The Modern Period : A Biographical Dictionary. Belknap Press of Harvard University Press. էջեր 457. ISBN 0-674-62732-6.

[1]

[2]

[3]

[4]