Քնարիկ Վարդանյան

Քնարիկ Վարդանյան
Ծնվել է	նոյեմբերի 24 (դեկտեմբերի 7), 1914
Ծննդավայր	Փանիկ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	դեկտեմբերի 25, 1996 (82 տարեկան)
Մահվան վայր	Երևան, Հայաստան
Ազգություն	հայ
Քաղաքացիություն	ԽՍՀՄ և Հայաստան
Կրթություն	Փանոս Թերլեմեզյանի անվան գեղարվեստի պետական քոլեջ (1941) և Երևանի պետական գեղարվեստա-թատերական ինստիտուտ (1950)
Մասնագիտություն	նկարչուհի և նկարիչ-փորագրող
Պարգևներ
Կուսակցություն	ԽՄԿԿ
Ամուսին	Դավիթ Պողոսյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Քնարիկ Գրիգորի Վարդանյան (նոյեմբերի 24 (դեկտեմբերի 7), 1914^[1], Փանիկ, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն^[1] - դեկտեմբերի 25, 1996(1996-12-25), Երևան, Հայաստան^[3]), հայ խորհրդային նկարիչ։ ՀԽՍՀ վաստակավոր նկարիչ (1967):

Կենսագրություն[խմբագրել | խմբագրել կոդը]

Քնարիկ Վարդանյանը ծնվել է 1914 թվականի նոյեմբերի 24-ին (դեկտեմբերի 2) Շիրակի տարածաշրջանի Քաֆթառլի գյուղում (այժմ` Փանիկ)։ 1933 թվականին ավարտել է Լենինականի շինարարական տեխնիկումը (1933-1934 թվականներին աշխատել է Ալեքսանդր Թամանյանի ճարտարապետական արվեստանոցում իբրե տեխնիկ-ճարտարապետ)։ 1941 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1950 թվականին՝ Երևանի գեղարվեստի ինստիտուտը, 1950-1952 թվականներին՝ Մոսկվայի Հայկական կուլտուրայի տան գեղանկարչական բաժինը (ղեկ․ Բ․ Վ․ Իոգանսոն)։ 1942-1944 թվականներին աշխատել է Երևանի տիկնիկային թատրոնում իբրև գլխավոր նկարիչ, ձևավորել է մի շարք ներկայացումներ, նաև՝ ՀԽՍՀ այլ թատրոններում։ ԽՄԿԿ անդամ (1950)։

Ստեղծագործական ուղի[խմբագրել | խմբագրել կոդը]

Վարդանյանը եղել է բազմաժանր նկարիչ։ Սկզբնական շրջանի աշխատանքներում վավերական ճշմարտացիությամբ պատկերել է աշխատավոր մարդու առօրյան («Ծխախոտի սածիլում», 1958, «Տրակտորիստուհի», 1960, «Մատղաշներ», 1962)։ 1960-1970-ական թվականներին Վարդանյանի արվեստում ի հայտ են եկել մարդու և բնության դինամիկ ընկալումներ, գույնի, գծի, ձևի ուժգին կերպափոխումներ («Հորատում», 1964, «Հեծանվորդներ», 1965, «Հայաստան», 1968, «Ալյումին և երկաթ»,1974, «Ալեծուփ», 1976, «Կառուցողներ։ Բամ», 1982, «Երգ ամառնային», 1983)։

Աշխատանքներից գտնվում են Հայաստանի ազգային պատկերասրահում^[4]։

Ցուցահանդեսներ[խմբագրել | խմբագրել կոդը]

1943 թվականից մասնակցել է հանրապետական, միութենական, միջազգային ցուցահանդեսների։ Անհատական ցուցահանդեսներ է ունեցել Երևանում (1965, 1978, 1981), Լենինականում (1981), Կիրովականում (1981), Եղեգնաձորում (1982), Թբիլիսիում (1982)^[5]։

2019 թվականին Երևանում SarGallery պատկերասրահում կազմակերպված «Նուրբ տեսանկյուն» խորագրով ցուցահանդեսում, որտեղ ներկայացվել են քսանից ավելի նկարչուհիների աշխատանքներ, ներկայացվել են նաև Քնարիկ Վարդանյանի ստեղծագործություններից^[3]:

Գրականություն[խմբագրել | խմբագրել կոդը]

Խոստիկյան Գոհար, Վարդանյան, Քնարիկ։ Գեղանկարիչներ-Կատալոգ։ Կյանքը և գործնեությունը, ՀԱԳ^[6]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ https://avproduction.am/?ln=am&page=person&id=3041
↑ Baghdasaryan, Aram. «AV Production - Քնարիկ Վարդանյան». avproduction.am. Արխիվացված է օրիգինալից 2023 թ․ մարտի 21-ին. Վերցված է 2016 թ․ մայիսի 13-ին.
↑ «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2019 թ․ փետրվարի 26-ին.
↑ LLC, Helix Consulting. «Թամանյանի ու Հալաբյան արվեստանոցներից մինչև Գեղարվեստաթատերական ինստիտուտ… Քնարիկ Վարդանյան (լուսանկարներ)». www.panorama.am (անգլերեն). Վերցված է 2019 թ․ փետրվարի 26-ին.
↑ Խոստիկյան, Գոհար; Հայաստանի նկարիչների միություն, eds. (1979). Քնարիկ Վարդանյան։ ՀՍՍՀ վաստակավոր նկարիչ =: Кнарик Варданян. Засл. худ. Арм. ССР. Երևան: Ա. հ.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 323)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_a7763ffbe0e8b2c9-2] ttps://avproduction.am/?ln=am&page=person&id=3041

[3] Baghdasaryan, Aram. «AV Production - Քնարիկ Վարդանյան». avproduction.am. Արխիվացված է օրիգինալից 2023 թ․ մարտի 21-ին. Վերցված է 2016 թ․ մայիսի 13-ին.

[4] «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2019 թ․ փետրվարի 26-ին.

[5] LLC, Helix Consulting. «Թամանյանի ու Հալաբյան արվեստանոցներից մինչև Գեղարվեստաթատերական ինստիտուտ… Քնարիկ Վարդանյան (լուսանկարներ)». www.panorama.am (անգլերեն). Վերցված է 2019 թ․ փետրվարի 26-ին.

[6] Խոստիկյան, Գոհար; Հայաստանի նկարիչների միություն, eds. (1979). Քնարիկ Վարդանյան։ ՀՍՍՀ վաստակավոր նկարիչ =: Кнарик Варданян. Засл. худ. Арм. ССР. Երևան: Ա. հ.

[1]

[2]

[3]

[4]

[5]

[6]