Վաղարշակ Նորենց

Վաղարշակ Նորենց Վաղարշակ Տոնապետի Երիցյան
Ծնվել է	1903 սեպտեմբերի 13
Ծննդավայր	Սանասունք, Բաթմանի մարզ, Թուրքիա
Վախճանվել է	հունվարի 20, 1973(1973-01-20) (տարիքը 69)
Վախճանի վայր	Երևան
Մասնագիտություն	թարգմանիչ, արձակագիր և բանաստեղծ
Ազգություն	հայ
Կրթություն	Ներսիսյան դպրոց
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Վաղարշակ Նորենց Վիքիքաղվածքում
Վաղարշակ Նորենց Վիքիդարանում

Վաղարշակ Նորենց (Վաղարշակ Տոնապետի Երիցյան, սեպտեմբերի 13, 1903(1903-09-13), Սանասունք, Բաթմանի մարզ, Թուրքիա - հունվարի 20, 1973(1973-01-20) կամ 1973, Երևան, Հայկական ԽՍՀ, ԽՍՀՄ), հայ բանաստեղծ, արձակագիր, թարգմանիչ, ՀԽՍՀ մշակույթի վաստակավոր գործիչ (1967), ԽՍՀՄ գրողների միության անդամ 1934 թվականից։ ԽՄԿԿ անդամ 1932 թվականից։

Կենսագրություն

Ծնվել է Արևմտյան Հայաստանի Սասունի գավառի Շենիկ գյուղում։ Նախնական կրթությունը ստացել է Շենիկի և Իշխանաձորի դպրոցներում։ 1916 թվականին, փրկվելով կոտորածներից, անցել է Անդրկովկաս և ապրել Թիֆլիսի որբանոցներում։ Սովորել է Թիֆլիսի հայկական գիմնազիայում և Ներսիսյան դպրոցում։

Նրա առաջին բանաստեղծությունը լույս է տեսել 1917 թվականին, Թիֆլիսի «Հայաստան» թերթում։ Վաղարշակ Նորենցի առաջին ժողովածուն («Օրերի ճամփին», 1925) արժանացել է Հայաստանի լուսավորության ժողովրդական կոմիսարիատի գրական մրցանակին (Տիգրան Կամսարականի հատկացրած)։ 1925 թվականին մասնակցել է Հայաստանի պրոլետարական գրողների «Նոյեմբեր» միության հիմնադրմանը։

Գրական-ստեղծագործական կյանքին զուգընթաց պաշտոնավարել է մշակութային հաստատություններում և հասարակական կազմակերպություններում։

Վաղարշակ Նորենցի հուշատախտակը Երևանում

Ռուսերեն լույս են տեսել նրա «Հատընտիր» (Մոսկվա, 1936), «Լիրիկա» (Երևան, 1956), «Բանաստեղծություններ» (Մոսկվա, 1957) գրքերը։ Մահացել է Երևանում։

Երկեր

Գրքեր

• Օրերի ճամփին, հատ. 1, Դիլիջան, 1925, 152 էջ։
• Իրիկուն (պոեմ), Պետհրատ, 1926։
• Յերկրորդ գիրք, Յերևան, 1930, 96 էջ։
• Լիրիկական ֆրոնտ, Յերևան, 1932, 104 էջ։
• Նորենց Վաղարշակ, Ալազան Վահրամ, Տասներկու տարի (Սովետական Հայաստանի 1920-1932 թվականների մշակութային կյանքի նոթագրություն), Յերևան, 1933, 198 էջ։
• Բանաստեղծություններ, Յերևան, 1936, 368 էջ։
• Գիրք քնարական, Երևան, Հայպետհրատ, 1954, 304 էջ։
• Ճանապարհներ, Երևան, Հայպետհրատ, 1956, 220 էջ։
• Իմ աշխարհը, Երևան, Հայպետհրատ, 1958, 416 էջ։
• Փշե շապիկ (պոեմ), Երևան, Հայպետհրատ, 1959։
• Պոեմներ, Երևան, Հայպետհրատ, 1960, 172 էջ։
• Երկեր, հատ. 1. Բանաստեղծություններ, Երևան, Հայպետհրատ, 1963, 496 էջ։
• Երկեր, հատ. 2. Բանաստեղծություններ, Երևան, Հայպետհրատ 1963, 396 էջ։
• Դարերի ավանդ (պոեմ), Երևան, «Հայաստան», 1968։
• Հուշեր և արձագանքներ, Երևան, «Հայաստան», 1968, 404 էջ։
• Երկերի ժողովածու, 3 հատորով, հատ. 1. Քնարերգություն, Երևան, «Հայաստան», 1971, 432 էջ։
• Երկերի ժողովածու, 3 հատորով, հատ. 2, Երևան, «Հայաստան», 1973, 236 էջ։

Մամուլ

• Հանուն «հաշտ ու խաղաղ մարդկության», «Գրական թերթ», 1969, № 1:

Թարգմանություններ (ռուսերենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Ռախմանին Ս., Մոծակը, Երևան, Պետհրատ, 1928, 9 էջ։
• Տուլյակովա Ե., Փոքրիկ ներկարարները, Երևան, Պետհրատ, 1928, 10 էջ։
• Բագրիցկի Է., Մորդվինի աստղը, Երևան, Պետհրատ, 1932, 8 էջ։
• Ռուտտերման Մ., Շաբաթօրյակ, Երևան, Պետհրատ, 1932, 10 էջ։
• Վենգրով Ն., Հոկտեմբերիկյան, Երևան, Պետհրատ, 1932, 14 էջ։
• Մայակովսկի Վ., Ինչ դառնալ, Երևան, 1933, 20 էջ։
• Սմիրնով Ն., Պինչիկ Կոտմանի արկածները, Երևան, Պետհրատ, 1933, 104 էջ։
• Տիխոնով Ն., Սամի Երևան, Պետհրատ, 1934, 12 էջ։
• Աբաշիձե Իրակլի, Բանաստեղծություններ (թարգմանել են Վաղարշակ Նորենցն ու Պարույր Սևակը), Երևան, Հայպետհրատ, 1958, 151 էջ։
• Կվիտկո Լ., Ես և իմ ձին, Երևան, Հայպետհրատ, 1963, 36 էջ։
• Իտալիայի երեխաները (իտալացի ժամանակակից գրողների պատմնածքներ), Երևան, «Հայաստան», 1966, 244 էջ։
• Հյուբին Ֆ., Ուրախ ժամեր, Երևան, «Հայաստան», 1970, 62 էջ։
• Ողջույն քեզ, Հայաստան (աշխարհի բանաստեղծները Սովետական Հայաստանի մասին, գրքի մեջ մտնող գործերի մի մասը թարգմանել է Վաղարշակ Նորենցը), Երևան, «Հայաստան», 1970, 101 էջ։

Գրականություն

Մամուլ

• Արտաշես Քալանթարյան, Ազնիվ գիրք (գրախոսություն Վաղարշակ Նորենցի «Հուշեր և արձագանքներ գրքի ամսին»)։ «Գրական թերթ», 1969, № 3:

Արտաքին հղումներ

• Վ. Նորենցի կենսագրությունը և երեք բանաստեղծություն
• Норенц Вагаршак Танапетович(չաշխատող հղում)
• Норенц Вагаршак Танапетович

Վիքիքաղվածքն ունի նյութեր, որոնք վերաբերում են «Վաղարշակ Նորենց» հոդվածին։

Վիքիդարանն ունի նյութեր, որոնք վերաբերում են «Վաղարշակ Նորենց» հոդվածին։